انا طالبة في كلية العلوم وحابة اخذ مواد حره من كليتكم ( تعديل موضوع مخالف ) ..

[batbot]

بنات كيفكم؟؟؟
انا طالبة في كلية العلوم وحابة اخذ مواد حره من كليتكم
ايش هي المواد اللي تنصحوني بيها مع مين من الاساتذه وهل اضمن فيها درجات عالية؟
علما انو المواد اللي نازلة من كليتكم هي:
اصول التربية الاسلامية مع سهام المرزوقي
صحة نفسية مع خديجة مشهور و اقبال عطار
ادارة مدرسية مع سهام المرزوقي
نظامالتعليم في المملكة مع سهام المرزقي و نجاة الصايغ
اسس تغذية مع هالة خطاب وعتاب الغامدي
وياريت تقولولي كيف طريقة الاسئلة
و شكراااا

[مصممة ازياء]

اسس تغذيه حلوووه الماده وتنسبك بما انك علوم
انا اخذته مع عتاب كويسه واصلنا الماده اغلبه حفظ بس مررره حلوووه يعني حا تستفدي منه كتيررررر

[batbot]

طيب كيف طريقة اسئلتها اختياري ولا اشرحي

[Roa'a]

اسئلتها موضوعيه
صح وخطأ واختياري
بس زي ماقالتلك مصممه المادة تعتمد على الحفظ
بس حلوه وسهله بس يبغالها حفظ اول بأول
بس عتاب في مره خلت لشعبها اسئله الدور مقاليه
بس لاتاخديها مع هاله خطاب
سمعت انها عصبيه واسلتها مره صعبه

انا في وحده من المواد على كلامك استاذه خديجه مشهور
ترى دي الانسانه زي العسل

=)

[batbot]

مشكوووره حبيبتي
وياريت البقية يفيدوني
عشان ازبط جدولي قبل الحذف والاضافة

[batbot]

بنااااااااااااات وينكم
انافي انتظار الردود

[shnshn halawa]

اهلين خيتوو
الصراحه بما انها ماده حره انا ما انصحك باسس تغزيه ابدن
لانو الماده صح مو صعبه بس فيها كلام كتير اولاً
وتانياً جزء المعادن والفيتامينات مره يلخبط
ويبغالها مزاكره أول بأول فخدي ماده اسهل منها احسلك
لانو انا لمن كنت ادرسها كان معايا وحده بنت زيك اخدتها حره
وندمت قد شعر راسها وزياده
والله اعلم ...

[cinnabon]

هلا خيتووو انا اخدت نظام التعليم في المملكة مع استاازة سهاام مرزووقي الترم الي فات
والماادة مهي صعبة بس انها حفظ
في بعض الاشياء من المنهج محزووفة وفي توااريخ نحفزها
واعطتنا مصطلحات انجليزية في نهاية الترم وجابتلنا هيا اختياري
طبعن االمادة فيها اختبارين الاختبار الاول اختبرنا في 4 الشباتر الاولى والاختبار التاني 4 شباتر الي بعدها
بس الاختبار النهائي دخلت معانا كل المنهج لانها تقوول انها بتتبع الانزمة بس احنا اكتر شي ركزنا على 5 الشباتر الاخيرة الي مادخلت معانا في الاختبار وبالزات الشبترين الاخيرة
بس برضو زااكرنا البدااية ع السريع لانها حتجيب منو
واسئلة الاستازة عددي وصح وخطا واختاري واذكري المصطلح وعرفي
وواجبااتها طلبت مننا انو نسويلها عرض برزنتيشين ع فصل من الفصول كل بنتين او تلاتة مع بعض
ونجييب كم عدد الجامعات والكليات الحكومية والاهلية في المملكة ورساالة واهداف جامعة من الجامعات
و 5 مقاالات من الجريدة ما تبغا من النت تختص بالتعليم ومشاكلوو ونختار واحد من المقالات ونسوي علي برزنتيشن
وازا اخدتي معاها حاولي تجي ع الميعاد لانو لو جيتي بعد 5 دقايق تعرفي الباب ما ينفتح ليكي حتى لو فضلتي دقي وتنحسبي غياب كمان حتى لو دخلتي
وترى تعطي من اول ما يبدا الترم فيعني حاولي تحضري من اول محااضرة وكمان بتخلص المنهج معاها بدري وحتى كمانا في ايام مانجييها
وانا اخدت معاها a كنت متوقعة اخد معاها a+ بس يومت اختبار الدوري الاول كان عندي واجب ترجمتو صعبة وخبص عليا

[ساكنه في بيتنا]

المشاركة الأصلية كتبت بواسطة batbot بنات كيفكم؟؟؟ انا طالبة في كلية العلوم وحابة اخذ مواد حره من كليتكم ايش هي المواد اللي تنصحوني بيها مع مين من الاساتذه وهل اضمن فيها درجات عالية؟ علما انو المواد اللي نازلة من كليتكم هي: اصول التربية الاسلامية مع سهام المرزوقي صحة نفسية مع خديجة مشهور و اقبال عطار ادارة مدرسية مع سهام المرزوقي نظامالتعليم في المملكة مع سهام المرزقي و نجاة الصايغ اسس تغذية مع هالة خطاب وعتاب الغامدي وياريت تقولولي كيف طريقة الاسئلة و شكراااا

اصول تربيه و صحه نفسيه مررره تمام ان شاء الله

اداره مدرسيه كمان حلوه

نظام التعليم صحباتي قالولي مو قد كدا ..

اسس تغذيه حفظها كتيييير .. تتكلم عن الفيتامينات و المعادن و الماء و الأملاح ..

ودا رد وحده من البنات

المشاركة الأصلية كتبت بواسطة •شٌٍُمٌٍَـوٍٍؤٍوٍٍخٍُ• انا اخذت الماده الترم اللي فات مع د. نجآة الصآيغ المآده سهله وممتعه لان اسلوب الدكتوره رآآآآآآآآئع ، بس تجي عند النقطه الاهم وهي الـ a+ مآأعتقد تجي بالساهل لان الكتاب طووووويل ودسم ومليان علماء وتعدادات شبه بعض وأختبار النهائي جابت لنا اسئله من بين الأسطر ماندمت إني أخذتها بس عشان الدكتوره عسسسسسسل ، لكن النتيجه ماكانت حلوة =( صحه نفسيه نزلتها الترم هذا والكل يمدح خديجه مشهور وقالوا لي ان الماده سهله وتتكلم عن الامراض زي القلق والكآئبه وبس تذاكري من المحاضرات يعني إن شآء الله ممتعه وحلوة =)

وكمان رد تاني :)

المشاركة الأصلية كتبت بواسطة شتآت هلا .. صحه نفسيهـ أخذتهآ الترم اللي رآح مرره حلووه مع الدكتورهـ خديجه مشهور أسئلتهآ مره حلووه وسهله .. دعوآتكم (=

بالتوفيق يارب ..

[batbot]

مشكوريييييييين حبايبي ما قصرتوا والله