الظاهر اني جبت العيد

[عذبي التومي]

السلام عليكم ورحمة الله وبركاتة :

أخواني انا مابي اختصاص التاريخ وتوني مخلص السنة التحضيريه

وابي اختار علم اجتماع لاني احبه ولكن رفض لاني معدلي اقل من المطلوب

واحب بعد علم الاجتماع علم النفس وقلت بجرب التاريخ يقبلوني والا لا

واخترت التاريخ واقبلوني وتغير عندي التخصص صار تخصصي تاريخ

وانا الان مااحب التاريخ ولاتوجد الرغبه بس اذ انجبرت علي التاريخ لاحول ولاقوة

اللحين اللي ابي اعرفه التاريخ سهل والا لا ؟ وابي تعلموني شنو راح ادرس ؟ واقدر اغير الاختصاص قبل ادرس ؟

ابي معلومات عن التاريخ الله يجزاكم الف خير

أخوكم عذبي التومي

الكويت

[salonas]

وعليكم السلام
ياخوي انا حاسه بمشكلتك لاتفقد الامل إن شاء الله تحول
واذاموهذا الترم عادي يمديك تدرس ترم وتحول
وانا انصحك تدرس مواد عامه(عربي 2 وثقافه ) ومواد مشتركة بين التاريخ والتخصص الى تبيه
امابخصوص سهولة التاريخ وصعوبته مااعرف عنه شي
إن شاء الله احد يفيدك وبالتوفيق
تقبل مروري

[الحريف]

وعليكم السلام

اخوي وانا بعد سجلت تاريخ بس انا اشوفه الحل الانسب لي

بس ياريت الاقي حد مسجل معاي في هذا القسم(شكلي لوحدي مسجل)

بعدين ودي اعرف مستقبل هذا القسم يعني يمديني اتعين بدري (والا اردد ياليل مطولك).

[hozn]

اخوي انفذ بجلدك
التاريخ دمار وظياع مستقبل الالمن عنده واسطه اوظامن وظيفه خارج التخصص
التاريخ تخصص ميت ولايفيدك لاثقافه ولادراسه تفيدك بحياتك العمليه
المهم حاولت تكثر مواد عامه هذا الترم وان شاءالله تحول الترم الجاي
ولو لزم الامر حول من كلية الاداب كله بس لاتضيع مستقبلك
انا خريجة تاريخ بتقدير مقبول مش لان التخصص صعب انا كنت مهملته بمزاجي
بس القسم ميت وممل وماله مستقبل

[الشيخ / عزوز]

أخوي الله يعطيك العافيه

أنا متخصص تاريخ وليا حوالي في التخصص ترم وصيفي ..

تخيل يا أخي الفاضل قبل ما اتخصص تاريخ كان معدلي 2.11 والان في غضون ترم وصيفي صار معدلي 3.08 وإن شاء الله ناوي أرفع معدلي فوق هذا الترم بإذن الله إلى 3.50 ..

شوف يا اخي لا تسمع كلام الناس أفضل أساتذة في الجامعة أساتذة قسم التاريخ وانت بنفسك روح وأسأل في الجامعة

والله حياة وفله ووناسه وطيبه ما عمري قد شفتها مع الأجتهاد طبعاً
أنا ما أبالغ يا أخي انت جرب بنفسك ..

والله يحيك أنا جاهز لكل شي تريده من معلومات بخصوص قسم التاريخ

.

[عذبي التومي]

المشاركة الأصلية كتبت بواسطة salonas وعليكم السلام ياخوي انا حاسه بمشكلتك لاتفقد الامل إن شاء الله تحول واذاموهذا الترم عادي يمديك تدرس ترم وتحول وانا انصحك تدرس مواد عامه(عربي 2 وثقافه ) ومواد مشتركة بين التاريخ والتخصص الى تبيه امابخصوص سهولة التاريخ وصعوبته مااعرف عنه شي إن شاء الله احد يفيدك وبالتوفيق تقبل مروري

انا مافقدت الامل واذ ماشفت شي من تغير التخصص راح اسوي اللي قلتي عليه

ادرس ترم واحول مشكورة علي المشاركة والله يوفقك

تقبل تحياتي

عذبي التومي الكويت

[عذبي التومي]

المشاركة الأصلية كتبت بواسطة الحريف وعليكم السلام اخوي وانا بعد سجلت تاريخ بس انا اشوفه الحل الانسب لي بس ياريت الاقي حد مسجل معاي في هذا القسم(شكلي لوحدي مسجل) بعدين ودي اعرف مستقبل هذا القسم يعني يمديني اتعين بدري (والا اردد ياليل مطولك).

هلا وغلا اهم شي الانسان تكون عند الرغبه

وانت مااخترت تاريخ الا انك حابه وصدقني راح تبدع فيه

الله يوفقك وان شاءالله تلقا احد يفيدك

تقبل تحياتي

[عذبي التومي]

المشاركة الأصلية كتبت بواسطة hozn اخوي انفذ بجلدك التاريخ دمار وظياع مستقبل الالمن عنده واسطه اوظامن وظيفه خارج التخصص التاريخ تخصص ميت ولايفيدك لاثقافه ولادراسه تفيدك بحياتك العمليه المهم حاولت تكثر مواد عامه هذا الترم وان شاءالله تحول الترم الجاي ولو لزم الامر حول من كلية الاداب كله بس لاتضيع مستقبلك انا خريجة تاريخ بتقدير مقبول مش لان التخصص صعب انا كنت مهملته بمزاجي بس القسم ميت وممل وماله مستقبل

هلا وغلا اختي انا بنفذ بجلدي بس الظاهر اني رحت فيها

انا لاتهمني الوظيفه الحمدالله مؤظف وراتبي طيب وبمنصب جميل

انا درست علشان علم الاجتماع فقط لاغير ولا افكر بالدراسه علشان الوظيفه

والله انا تنقصني المعلومات الكثيرة عن التخصص والدراسه بحكم اني من الكويت

مره اخري مشكورة علي الكلام الجميل والله يوفقك ويسعدك

تقبلي تحياتي

عذبي التومي الكويت

[عذبي التومي]

المشاركة الأصلية كتبت بواسطة الشيخ / عزوز أخوي الله يعطيك العافيه أنا متخصص تاريخ وليا حوالي في التخصص ترم وصيفي .. تخيل يا أخي الفاضل قبل ما اتخصص تاريخ كان معدلي 2.11 والان في غضون ترم وصيفي صار معدلي 3.08 وإن شاء الله ناوي أرفع معدلي فوق هذا الترم بإذن الله إلى 3.50 .. شوف يا اخي لا تسمع كلام الناس أفضل أساتذة في الجامعة أساتذة قسم التاريخ وانت بنفسك روح وأسأل في الجامعة والله حياة وفله ووناسه وطيبه ما عمري قد شفتها مع الأجتهاد طبعاً أنا ما أبالغ يا أخي انت جرب بنفسك .. والله يحيك أنا جاهز لكل شي تريده من معلومات بخصوص قسم التاريخ .

هلا وغلا اخوي الشيخ عزوز

الغالي انت تتكلم من واقع والاخوان ممكن سامعين وانتم كلكم هدفكم من المشاركة

المساعده والله يجزاكم الف خير واتمني لك التوفيق اخوي الشيخ واتمني ان يرتفع معدلك

الي 5 الله يسعدك الغالي وتشرفت بردك واتمني انك تفيديني اكثر بخصوص التخصص

انا اليوم راسلتهم اطلبهم بتغير التخصص والله كريم اذ غيروه كان بها واذ لم يغيروه انا

احتاج مساعدتك

تقبل تحياتي الغالي

أخوك عذبي التومي الكويت

[الفجر البعيد]

التاريخ دمار وظياع مستقبل الا لمن عنده واسطه او ظامن وظيفه خارج التخصص التاريخ تخصص ميت ولايفيدك لاثقافه ولادراسه تفيدك بحياتك العمليه

معليش أختي اسمحيلي أناقشك في اللي قلتيه .. عمر التاريخ ولا أي علم كان دمار وضياع مستقبل و و و , بالعكس الكل يعتبر ( التاريخ ) ثقافة وخلفية معلوماتية مهم كل واحد فينا يكون عنده إلمام ولو بشي بسيط منها .. حبيبتي ترى التاريخ يعيد نفسه ولا هو علم الأموات زي مايقولوا .. إنتِ بس ألقي نظرة سريعة على كل العلوم إلاّ ماتلاقي التاريخ شي أساسي فيها بغض النظر عن إنه الوظيفة مضمونة أو لا أنا أعتبر دراسة التاريخ ثقافة ممتعة ملحّة بهالزمن وتصدقي أنا قريب عرفت هذي المعلومة أنه في انجلترا تخصص التاريخ يعتبر تخصص للـ ( النخبة ) فقط ..
أتمنى إنك تغيري نظرتك السلبية تجاه التاريخ وتتقبلي كلامي كأخت تتمنى لك كل خير .. :)

وبالنسبة لك أخوي أنا بقولك على شغلة ترى علم الاجتماع يتشابه كثير مع التاريخ لكن يمكن الاختلاف يكون بأنه دراسة علم الاجتماع مملة وجامدة وهذا مو كلامي كلام كثير أعرفهم من هالقسم يمكن التاريخ يختلف عنه بحكاياته والعبر الكثييييييرة اللي فيه ومجال الحوار والمناقشة والتحليل فيه ممتع جداً .. يعني دام إنك ماشاء الله مأمن وضعك الوظيفي فلا تتشائم ترى التاريخ والله بريء من كل هالاتهامات اللي تنقال عليه .. :)


وبالتوفيق لك إن شاء الله ..