تجمع طلاب وطالبات حـــــــــــــايل

[بنت حايل]

لازم نراسل مديره ومدير العالميه ونطلب منه ان تقام الاختبارات بحايل وهم راح يستفيدون الف لكل شخص لان والله صعبه السفر علينا مشقه ماديآ و معنويآ

وش رايكم من يعرف احد بالعالميه علشان يضبطلنا الوضع ويراسل الجامعه لطلب اختبارات بحايل بس لازم يكون عددنا كبير

[حمد العتيبي]

سلام عليكم


كيفكم ان شاء الله بخير

كنت متحطم ما احسب احد من حايل انتساب بجامعة الملك عبدالعزيز

بس زين لقيتكم

عالعموم انا عديت السنه التحضيري وتخصصت لغات اوربيه انجليزي

وابد اعتبروني منكم

[فهـــــــــــد]

وانا من حائل سجلوني معكم ايوالله تكفون فكونا من مشاوير جده لو فيه واحد يجمع الاسماء ويروح للجامعه ويقدم على العميد او مدير الجامعة طلب ان شاءالله انه ينفع

[فهـــــــــــد]

المشاركة الأصلية كتبت بواسطة بنت حايل لازم نراسل مديره ومدير العالميه ونطلب منه ان تقام الاختبارات بحايل وهم راح يستفيدون الف لكل شخص لان والله صعبه السفر علينا مشقه ماديآ و معنويآ وش رايكم من يعرف احد بالعالميه علشان يضبطلنا الوضع ويراسل الجامعه لطلب اختبارات بحايل بس لازم يكون عددنا كبير

انا اذكر واحد في العالمية شغال بس والله مدري الحين فيها والا تركها
لأن مالي معرفه قويه معه بس الشباب اخوياي كلهم يعرفونه وزميل لهم
يأخذون عنده دورات ومضبط وضعهم ابسئل عنه وبرد لكم
لكن انا اتوقع انه ماينفعنا في شي لأن الأمر بيد الجامعة المعهد ماله دخل

[حمد العتيبي]

بعد ودي اعرف ارقام مدرسين انجليزي بحايل اللي عنده لا يبخل علي

ترا جديد بالمنطقه

[55ريما55]

يالربع انا من حائل
ياهووووووووووووووووووووو
انا من حائل
هيه

[amgd999]

انا مولود بحايل ينفع انضم لكم والا لا؟؟؟؟؟

[55ريما55]

نسيت اقولكم
انا خطة أ

اللي معي في نفس الخطة تقولي
واللى مو معي في نفس الخطة تقولي علشان اتبادل انا واياها الكتب والملازم الترم الجاي يعني اعطيها كتب الخطة أ
وهي تعطيني كتبها حقات الخطة ب
وشكراااا
لانكم من حائل

[عاشقة الذكريات]

والله ماتصدقون فرحتي يوم قريت الموضوع فعلا احسب مافيه احد من حايل الا انا على العموم
انا اعرف مديرة العالمية زميلة لي ومعي بالعمل بس انا اتوقع مافيه امل طيب عندي اقتراح لا احد يضحك بما اننا نجمع رسوم الجامعة وبعده ندفع ايجار فندق وتذاكر طيران وشرايكم العيال يقطون بشقة والبنات كذا يعني سكن جامعة مصغر بشكل هذا نوفر
وقبل لاانسى انا خطة(أ)

[amgd999]

المشاركة الأصلية كتبت بواسطة عاشقة الذكريات والله ماتصدقون فرحتي يوم قريت الموضوع فعلا احسب مافيه احد من حايل الا انا على العموم انا اعرف مديرة العالمية زميلة لي ومعي بالعمل بس انا اتوقع مافيه امل طيب عندي اقتراح لا احد يضحك بما اننا نجمع رسوم الجامعة وبعده ندفع ايجار فندق وتذاكر طيران وشرايكم العيال يقطون بشقة والبنات كذا يعني سكن جامعة مصغر بشكل هذا نوفر وقبل لاانسى انا خطة(أ)

والله اقتراحك ممتاز جدا وحلو

بس هل الطلبة كلهم يبون يحضرون الدورة التأهيلية او اثنين ثلاثة او يمكن محد يروح نهائيا

أنا عن نفسي مستعد اقط معكم