ردودكم ستحدد مصيري..

[بلاك روز]

بسم الله الرحمن الرحيم

بعد التحيه والسلام..

انا اليوم اكتشفت انو بدأ تحديد المسارات للمتخصصين ادارة اعمال و يستمر لمدة شهر تقريبا

المهم..
رحت احدد المسار الي ابغاه وهوا نظم معلومات اداريه بس انصدمت لمن عرفت انهم يبغونا نرتب 4 مسارات حسب الاولويه
وانا ما عندي اي فكره عن باقي المسارات حتى ما اعرف اش اسماءها

عشان كدا ارجو رجاء شديد لكل الي عندهم معلومه او شي ممكن يفيدني عن المسارات وعن الافضليه من بينها يااااااااااااااريت يفيدني

وكمان في مسار جديد يقولوا حلو بس ما عندي اي فكره عنو اعتقد انو اسمو ادارة الجوده او الجدوى <<مررره مضيعه
كيف دا المسار ؟؟

والله اختكم في الله مرره حايسه وتتمنى منكم الافاده وتقديم النصيحه..

شكري لكم مقدما ...

بلاك روز..

[nebrasmomen1]

الاخت / الوردة السوداء السلام عليكم

بصراحة أنا في التسويق ومرة بصراحة قسم لذيذ

انا افضل تحطي الخيار التاني

والموارد البشرية الاختيار التالت

وادارة الاعمال الدولية الاخير

وربنا يوفق الكل

[بلاك روز]

امييييييين يا رب
مشكوووور اخوي
بس انا احس انو التسويقب للاولاد احسن
يعني اش حستفيد منو بعدين ؟؟
اروح ابيع في السوق ..ههههههههه
طب ادارة اعمال دوليه كيف؟؟حلو ولا صعب؟؟

[*صبا*]

بلاك روز الله يسعدك

انا ترم ثالث اقدر احدد المسار الحين ولابعد الترم الرابع

وكم المعدل المطلوب في النظم

[angel heart]

الترم الثالث دحين يحددو؟؟

بعدين القسم الجديد اسمو ادارة العمليات والجوده وترى مرررررره راح يكون مطلوب خصوصا البنات لانو جديد

وبالنسبه للاولاد القسم دا مطلوب كتير في البنوك

انا ان شاء الله راح اخليه الاختيار الاول

[nebrasmomen1]

المشاركة الأصلية كتبت بواسطة بلاك روز امييييييين يا رب مشكوووور اخوي بس انا احس انو التسويقب للاولاد احسن يعني اش حستفيد منو بعدين ؟؟ اروح ابيع في السوق ..ههههههههه طب ادارة اعمال دوليه كيف؟؟حلو ولا صعب؟؟

مساء الخيرات / الوردة السوداء

تسويق مو تروحي تبيعي ولكن تروحي تسوقي عن خدمة أو عن سلعة والان السوق متجه نحوتوضيف الاناث اكثر من الذكور

لكن برضو اذا مايناسبك اختاري ادارة اعمال دولية حلوة وسلسة

وعموما هيا كل مواد التخصص والمسارات تعتمد على الحفظ

وفي مادتين بالانجليزي

وربنا يوفق الكل

[*صبا*]

المشاركة الأصلية كتبت بواسطة angel heart الترم الثالث دحين يحددو؟؟ بعدين القسم الجديد اسمو ادارة العمليات والجوده وترى مرررررره راح يكون مطلوب خصوصا البنات لانو جديد وبالنسبه للاولاد القسم دا مطلوب كتير في البنوك انا ان شاء الله راح اخليه الاختيار الاول

'طييب انتي حددتي مسار ولاباقي
وفيييييييين اروح عشان احدد
وعادي لوخليت تحديد المسار الترم الرابع

ومسار الموارد البشريه كم يبغاله معدل

[angel heart]

انا ماحددت ولاادري الا امس انو في تحديد

والله مقدر افيدك ياعسل بس انا قلتلك ع المسار وانو مطلوب يعني

ياليت اذا احد يدري يفيدنا

[بلاك روز]

انا اللي اعرفو انو نظم معلومات يبغوا معدل مررره عالي يعني 4ونص تقريبا اذا مو اعلى<<تعجييييييز
اما بالنسبه لباقي المسارات مدري كم طالبين معدلات

اللي تبغا تحدد مسار تروح لمبنى كلية الاقتصاد والاداره مبنى )2( في غرفة ...يمكن 28 نفس الغرفة حقت الحذف والاضافه
تروحي لهم وتاخذي ورقة تحديد مسار تمليها وتعطيهم هيا
انا اخدتها بس لسه ما كتبت شي

بس خلاص قررت:
1- نظم معلومات اداريه
2-ادارة الجوده والعمليات
3-موارد بشريه
4- ادارة اعمال دوليه
اش رايكم ...خلاص اعبي الورقه واوديها؟؟

والله يوووووووفقنا ويعيننا ياااااااارب
ومررررررررررره مشكوووووووووورين على ردودكم الله يجزاكم خير ويوفقكم يااااااارب

[*صبا*]

بلاك روز المسارات على اية اساس
رتبتيها