طلب افادة عن نتيجتي كانت بعد الاختبارات ناجح وبعد تسديد الفصل الثاني صارت d n

[Who Care]

السلام عليكم ورحمة الله وبركاته ،
انا طالب خطة ب بعد اختبارات الفصل الاول طلعت النتائج وكانت نتيجة مادة الاحصاء عندي 61 درجة ، يعني ناجح ..
بعدين بدأ الفصل الثاني جاء وقت السداد تاخرت شوي لين وفرت المبلغ وسددت يوم الاثنين الماضي واليوم دخلت على نظام الاوديس اشوف الجدول الدراسي نازل وفي المعلومات اللي في أعلى الصفحة الساعات المكتسبة 9 من 12 مسجلة انهبلت شلون ، رحت لكشف الدرجات لقيت مادة الاحصاء درجتها dn يعني حسب ما فهمت تحت الكشف ان الرمز هذا يعني ما دخلت الاختبار ،
الحين وش اسوي وشلون اقدم على اختبار بديل مثلا اللي مكتوب او يحق لي ارجع الدرجة اللي حطوها لي بعد الاختبارات اللي هي 61 ،، اللي يعرف وش اسوي يفيدني ياجماعة والله احس كني مقهووور
وشكرا للجميع على القراءة والافادة

[سماهر1980]

اللي اعرفه انو 61 راسب .....النجاح من 65


الله يعينك

[Who Care]

المشاركة الأصلية كتبت بواسطة سماهر1980 اللي اعرفه انو 61 راسب .....النجاح من 65 الله يعينك

بالله انا قالولي النجاح من 60 ،، عموما مو مشكله ،، بس أنا أبي اعرف الحين وش اسوي ، يعني بالضبط وش اسوي ، والله يعيننا وياك ،، ومشكور على مرورك

[حلاها زايد]

لااااا تحت الستين راسب 61 ناااجح
اذا انت في جده روح راجعهم او ارسل ايميل للعميد عبد الفتاح مشاط
وكمان جرب ارسلهم معامله الكترونيه

[Who Care]

المشاركة الأصلية كتبت بواسطة حلاها زايد لااااا تحت الستين راسب 61 ناااجح اذا انت في جده روح راجعهم او ارسل ايميل للعميد عبد الفتاح مشاط وكمان جرب ارسلهم معامله الكترونيه

طيب وين احصل ايميل العميد ، وكيف معاملة الكترونية ،، اتمنى الرد وشكرا للمرور

[حلاها زايد]

هذا ايميل العميد
asmashat@kau.edu.sa

[حلاها زايد]

ومن هنا معامله الكترونيه
http://ers1.kau.edu.sa:81/index.asp

[Who Care]

المشاركة الأصلية كتبت بواسطة حلاها زايد هذا ايميل العميد asmashat@kau.edu.sa

مشكورة اختي براسل العميد لاني في الرياض وبرفق صورة الكشف يوم كانت المادة 61 واشوف وش يقول
اكرر شكري لك اختي ،، جميلك لا ينسى حقيقة ، اتمنى لك التوفيق ،،

تحياتي لك ،،

[عبدالله بن عبدالرحمن]

الله المستعان
شي غريب والله
الله يعينك بجد قهر
النجاح من ستين طال عمرك
راسل العميد وراح يحل مشكلتك بامر الله
الله يسهل امورك ويعينك

[renoo]

خوفتنى انا لسه ماسددت اخاف يصير زيك والله لو صار زيك بفضحهم ............