محتاجه مساعدتكم !!

[الهلالية]

الي يقدر يفيدني بذي السؤال ؟؟؟

الطب البشري ان شاءالله بعد السبع السنوات ..كيف تكون فكرة التخصص ؟؟

[Mr.Ambitious]

لمن تتخرجي يكون مسماكي طبيبة مقيمه والراتب من 15 الى 20 ع حسب المستشفى

يا تدخلي برنامج الملك عبدالله وتبتعثي ودا مو مرغوب لانو مو محسوب سنوات خدمة

او يبعثكي المستشفى اللي تشتغلي فيه تدرسي برنامج مدتو تختلف حسب التخصص وتستلمي راتب كامل ومحسوبه سنوات دراسة بالخدمه وتتخرجي اخصائية بالتخصص اللي اخترتيه ودرستيه

او انك تدرسي االبرنامج دا بالسعودية وبنفس الوقت تشتغلي ولمن تخلصيه تاخدي البورد السعودي

و ع فكرة مو ضروري تكون الشهادة من برا لانو التخصص مرغوووب اللي من الفلبين اللي درسو بتونس

حصلو وظايف بمستشفيات كبيرة ويكملو فيها واللي من تونس اتخرج قريب ياخد البورد السعودي ويصير اخصائي

او تصيري معيدة وبنفس الوقت تشتغلي بالمستشفى الجامعي

[الهلالية]

المشاركة الأصلية كتبت بواسطة mr.ambitious لمن تتخرجي يكون مسماكي طبيبة مقيمه والراتب من 15 الى 20 ع حسب المستشفى يا تدخلي برنامج الملك عبدالله وتبتعثي ودا مو مرغوب لانو مو محسوب سنوات خدمة او يبعثكي المستشفى اللي تشتغلي فيه تدرسي برنامج مدتو تختلف حسب التخصص وتستلمي راتب كامل ومحسوبه سنوات دراسة بالخدمه وتتخرجي اخصائية بالتخصص اللي اخترتيه ودرستيه او انك تدرسي االبرنامج دا بالسعودية وبنفس الوقت تشتغلي ولمن تخلصيه تاخدي البورد السعودي و ع فكرة مو ضروري تكون الشهادة من برا لانو التخصص مرغوووب اللي من الفلبين اللي درسو بتونس حصلو وظايف بمستشفيات كبيرة ويكملو فيها واللي من تونس اتخرج قريب ياخد البورد السعودي ويصير اخصائي او تصيري معيدة وبنفس الوقت تشتغلي بالمستشفى الجامعي

معليش ممكن توضح اكثر.. اايش يعني ((مقيمة))...يعني لما اكمل الدراسه بالسعوديه ..ادرسها بنفس الجامعه مو ؟؟

وتخصص طب جراحه كم سنه ؟؟

[د. أسامة]

المشاركة الأصلية كتبت بواسطة مَـزٍآج ..}.. ومن نآحيه الفرص الوظيفيه . . أنا من رإأئي الأسنان له فرص وظيفيه افضل .. مو لأني انا طب اسنآن . لكن من تتخرج تقدر تستقل بنفسك وتفتح عيآده خآصـه فيك !! !!

على حسب إللـي أعرفه إنه لما تتخرج كطبيب أسنان،

ما يمديك تسوي عيادة على طول ،

لازم تسوي أبحاث معينة علشان يكون أمامك مجال إنك تفتح عيادة ،

و ما قصرت يا عمــر ردك كافي و وافي ،

وما قصر أخونا طالب طب في المستقبل أيضـاً .

[Mr.Ambitious]

دا المسمى مقيمه وبالانقلش Resident

مو الاستاذة اول ماتتخرج وتدرس بالجامعه قبل ماتاخذ الداكتوراه يسموها .. معيده

الدكتوره بعد الامتياز مسماها طبيبة مقيمه .. ok ?

اصلا لمن تتخرجي حيكون معاكي باكلوريوس جراحه

لا مو شرط بالجامعه براحتك

متلا انقبلتي انشاءالله بمستشفى الحرس اوك بعد التخرج
حتكوني طبيبة مقيمه يعني عامه

انتي ميولك متلا للجراحه
حيصير في تقديم ع البرامج من هيئة التخصصات الصحية على ما اعتقد

وتقدمي وتختبري ونجحتي واوكي انقبلتي ببرنامج الجراحه

دا مدتو خمس سنين

نرجع لمستشفى الحرس حتشتغلي فيه تحت مسمى طبيبة مقيمه بقم الجراحه لمدة خمس سنوات

موظفه تاخدي راتب كامل بس بنفس الوقت طالبة بالبرنامج وحيشرف عليك اخصائيين واستشاريين

وكمان تعملي عمليات من اول سنة بالبرنامج

الين ماتنتهي مدة البرنامج وتتخرجي وتصيري اخصائية بالجراحه

دا اللي فهمتو

[D.Khaled]

المشاركة الأصلية كتبت بواسطة الهلالية طيب دكتور برمجه ..من ناحية الكيميا انا مابحبوا كثير وين بيكون اكثر بالاسنان والا البشري ؟؟؟ والفرص الوظيفية؟؟؟ كثير يقولوا الاسنان بالسنه يتخرج مية طالب ولا يتقبلوا منهم غير 2 او 3 بالمستشفى الواحد ... صحيح هذا الكلام ؟؟؟؟

المشاركة الأصلية كتبت بواسطة الهلالية دكتور خالد ... ماعند شويت معلومات عن الاسنان ؟؟ ولا حتى سنين الدراسه تبعوا؟؟؟ والا نفس سنوات البشري ؟؟

أختي

الكيمياء ممتع لو حطيتي في بالك إنه سهل صدقيني

أوهمي نفسك كثير بإنه سهل حاولي تفهمي كل شي فيه

لو ربطتي المعلومات اللي في الكيمياء راح تبدعي فيلو

ولو عندك سؤال في الكيمياء انا موجود في الصيفي وراح أسنتر هنا

والناس هنا طيبه راح تساعدكي حاولي مع الكيمياء أحضري الكلاس مع

أحسن دكتوره لاحظي دكتوره مو أستاذه ولو عندك شي مو فاهمته روحي لها

طلعي اللإجابه من عينها وبيكون الكيمياء في كلا الطبين بس أكثر شي

البشري للأنه يهتم بالأشياء البشريه

الفرص الوظيفيه لاتشيلي همها مره للأنك لو فكرتي فراح تدخلي التخصص ا

اللي ماتحبيه بسبب الوظيفه كله من رب العالمين

الطب البشري وظائفه معدوده للأنك راح تتخرجي طبيبه عام بعدين لمن

تقدمي على المستشفيات في أخر سنه راح يطلبو منك أشياء زي ممممم

إيش يسموها أبحاث أو أشياء مختصه بالتخصص اللي تبغيه إنت

زي القلب أو العظام او العيون أو التخصصات المهتمه بالجسد البشري

فتاخذي التخصص ماأدري كم سنه بس هنا الحلاوه إنك راح تاخذيها في

المستشفى يعني تطبقي عندهم وراح تتعاملي مع المرضى هذا اللي اعرفه

أختي وإذا في شي ثاني ماشاء الله الأخوان ماقصرو

والللي يقولك نسبه القبول 2 او 3 أجل الجامعه مالها حق تقبل 8000

طالب وتخصصهم صح يعني جوابي على سؤالك هوا سؤالي على جوابك ؟؟

<أتحدى احد فهم

سنوات الدراسه عندك مزاج جاوبكي ماشاء الله وأعتقد نفس البشري في إختلاف

بسيط بينه وبين البشري في المواد في السنه الرابعه لك في نفس التخصص هنا

تتغير المواد وتبدأي تدرسي أشياء مختصه بالأسنان ودراسه طب الأسنان

صراحه أصعب من البشري بس لاتهتمي أهم شي حبك للتخصص

[الهلالية]

mr.ambitious

طيب دا الكلام الي قلتو عن الطب البشري بالنسبه للتخصص متأكد منو ...ينطبق ع الاسنان ؟؟؟

مررررررة شوكرن لان اشياء كثير ماكونت عارفتها ...

الله يوفقك ويسعدك يااااارب

[مـــآجد]

مــآحد له نية في الصيدلة

ابغا اعرف الخطة الدراسية حقت الصيدلة

[الهلالية]

والله ياماجد ...

مااعرف اي شي عن الصيدله بس ان شاءالله الاخوان يفيدونك

[Mr.Ambitious]

بخصوص اللي قلتو يب متاكد
وممكن ما فصلت كويس دا خلاصة اللي فهمتو منهم

وعارفه افضل شي تروحي مستشفى الجامعي بتحصلي متدربين اسنان وطلاب امتياز

واساليهم وطفشيهم بالاسألة زي ماعملت


الاسنان ما ادري عن مستقبلو الا انو مضمون 100%

اعرف دكتور كمل برا وبالتخصصي دحين وعايش مبسووط راتبو فوق 60 ماشالله زي ماسمعت

مع ان دوبو عمرو 30 سنة ماشاءلله

وفهمت ان سبب الضغط على طب الاسنان بالسعودية من الفيمل

انو الطبيبة لمن تتخرج وتشتغل بمستشفى حتكون بقسم النساء بعيادة اسنان المستشفى او الاطفال

يعني الاختلاط قليل جدا , ودوام صباحي مافي شفتات ليل الا ازا استدعوكي لحالة طارئة . دي وجهة نظرهم طبعا

والعيادة يبالها راس مال مو شي بسيط فتح عيادة

و 90% من اللي يفتحو عيادات شغالين بالمستشفيات