تجمع طالبات الجغرافيا(اللي انقبلت جغرافيا تدخل)....

[رنين الشوووق]

المشاركة الأصلية كتبت بواسطة بنت عزووز يــــــــــآ بنات شعبة ca تطور فكر جغرافي ايش رآيك بـالدرجـات ؟؟ تحسيها كلها كذب اصلا متى يمديها تصححها بهذي السرعه تاني يوم من الاختبار الدرجات نازله الله لا يسامحـها اذا ما صححت بامانه

الي مع سلوى قصدك ..


انا اخذت ماده معاها الترم الي فات ودرجتي ماكنت اتوقعها اعطتني 60


وانا متاكدة انها اكتر لاني حسبت الاجوبه الصح الي متاكدة وطلعت اكتر

وكل البنات الي اعرفهم 60

مع اني ماتوقعها كذا لانها طيوبه وحبوبه ..

[بنت عزووز]

رنين نفس الشي صـآر معايا هيا اصلا درستني قبل كدا بس كانت تمام

انا حاسبه درجاتي وكانت اعلى بس الترم هدا ما ادري ايش فيها هيا طيبه وحبوبه على قولتك

بس مالها حق تظلم البنات وانا كلمت البنات انه نشتكي عليها عند رئيسة القسم بس نبغاها تقولها

راجعي درجات البنات تاني لاكن تعرفي الكل خايف تحطنا في راسها

حسبي الله ونعم الوكيل

[اميره العاشقين]

يابنات واخيرا نزلت درجات النصوص بس احس انو فيها خطا
لان في بنات كتير حلو والدرجات مو حلوة

[رنين الشوووق]

بنـــــــــــــــــــــــات ابغى استفسر في الخطه الدراسيه حقتنا في اخر ترمين كاتبين تدريب عملي 1 و2


اش قصدهم يعني تطبيق ...ولا كيف

لانو وحده من البنات تقولي نطبق في الكليه على البنات ...

[ناعمة العود]

اهليــن رنيــن..
حتـى انا مافهمت قصدهم...توقعت انه حسب كل مسار التطبيق يكون..
وبما انهم لغـو التطبيق في المدارس...سمعت انه نسوي بحث بداله..وكل يومين كلام
اسـألي مرشدتك..لانك مارح تستفيدي من كلام البنات..

[Mo0oNE]

حبيبتي الي شاكه بدرجتها في مادة التطور تروح تراجع

غير كذا الدكتوره سلووى يمديها تصحح

لاننا الشعبه الوحيده الي اختبرت هذاك اليووم

ارجع واقولك اذا شاكه راجعي
لازم تراجعي من حقوق الطالب

وموفقه

[نينا..]

بناااااااات .. ايش صار عالترم الصيفي ..

ومتى ح يبداء التسجيل على النت ...؟؟

ومساء الخير ^_^

[فتو أخت مهدية]

مسآآآء النوووور

شوفي هذا الآعلآن

إعلان هام لطالبات قسم الجغرافيا

يعلن قسم الجغرافيا عن بدء التسجيل للفصل الصيفي لهذا العام في المواد التالية:

1- طرق البحث الجغرافي.
2- اشكال سطح الارض.
3- الجغرافيا الاقتصادية.
4- علم المناخ.
5- الخرائط الموضوعية والرقمية.
6- علم الانسان العام.

في الفترة من 28/7إلى 22/9 1431هـ.
فعلى الراغبات تسجيل اسمائهن عند السكرتارية بالقسم ومتابعة نظام التسجيل من خلال الموقع

[مجنونة تيموو]

هاي بنات كيفكم مبروك النجاح للكل ويارب تنجح وتعوضها الي طالع عليها مواد
بنات انا حطيت معدلي في النصوص 85في احسب معدلك التجريبي وكل المواد الباقيه نازله طلعي 4 والحمد الله جبت في النصوص 86 بس المعدل النهائي موفي والموقع مقفل دحين يعني راح اجيب 4 ولا بس كلام بليززززززززززززززززززز ردو

[MS.Fabulous]

مرحبا ومبرووووك النجاح والاجازه
عندي استفسار عن الصيفي لصديقتي تبغى تعرف
مين افضل استاذه لماده 1)علم المناخ 2)طرق البحث
والله يعطيكم العافيه