قراري هو النقل لجامعه فيصل وش رايكم

[abn_rashed]

بسم الله الرحمن الرحيم

السلام عليكم ورحمه الله بركاته

اخواني واخواتي انا بصراحه من سكان الرياض ودرست هالسنه وكلي حماااااس لكن
انصدمت بالجامعه بحركاتهم كل شوي وطالعين لي بشغله
تقفيل اقسام ونقل كليات وخربطه
وانا بصراحه متخوف منها الان رح يمشون معانا لكن خايف يورطونا بعد فتره يقولون تروحون لرابغ وهنا المشكله انا ما عندي امكانيه اروح هناك لو يحبون السماء تخيل تطلع من الرياض لرابغ بالسياره
او نفرض بالطياره توصل لجده وتستاجر سياره لمده معينه برضو تكلفه

انا افكر الان اروح لجامعه الملك فيصل قريبه وشروطهم واضحه
وعندهم مميزات احسن

مثل

اولا المحاظرات تعرض بشكل اسبوعي على النظام كل ماده وتقدر تحملها عندك بالجهاز
ثانيا ياخذون على الساعه 165 ريال وانت والساعات الي تاخذها بكيفك
يعني اوفر واحسن

ثالثا اختباراتك كلها بنفس المنطقه الي انت فيها ما يحتاج تجي للجامعه


طبعا اتصلت عليهم وقلت لهم اني مخلص مواد معينه قالو اوكي احنا نعادل المواد الي اخذتها وتكمل عادي وعلى طول تدخل في التخصص


فما ادري وش رايكم والله اني محتااااااار اروح والا لا
وفي نفس الوقت متخوف من هالجامعه لا يحوسوني بعد فتره
ينشبوني ويجبروني على شي ما اقدر عليه


ابي رايكم

[خجلانكو]

أنا مثلك مفكر انقل لجامعة فيصل

بس هل أنت متأكد انهم يعادلون جميع الساعات اللي درستها في السنة التحضيرية
ولا بعضها ؟؟؟؟؟؟؟

كانهم يعادلون جميع الساعات فأنا معك إن شاء الله

بس خذ الكلام الأكيد لا يقولون لك تعال وبعدين نعادل لك

ولا خلك على قولة الشاعر
خلك على قردك لا يجيك أقرد منه

[abn_rashed]

بصراحه انا يوم كلمتهم قالو لي تدخل وبعدين تجيب لهم السجل الاكاديمي
وتقدمه لهم وهو يعلمونك بالمواد الي يعادلونها


بس الميزه فيها ان اداره الاعمال موجوده عندهم
برضو قسم التربيه الخاصه

ولا عندهم سنه تحضيريه ولا شي تدخل في التخصص على طول

وعلى قولتك تقول خلك على قردك لا يجيك اقرد منه
قردي مشاني هالترم حسب قراراتهم الجديده
لكن خايف يقلب علي بعدين ويورطني هذا الي خايف منه

[إسماعيلH]

دق سلف السيارة وروح أتفاهم معهم لاني أنا مثلك كلمتهم قالولي نعادل بعض المواد لاكن تبغى الخبر اليقين رووح بنفسك والله معاك وإذا رحت حيرتاح قلبك وتشوف الأنسب لك -دمت بصحة وعافية

[أحاسيس مبعثرهـ]

والله انا كمآن فكرت أروح لـ جآمعه الملك فصيل
لان عندهم قسم التريبه الخاصه انتساب ,,
وأختبآرآتهم تقدر تختبرهآ هن في جدهـ

بس انا مترددهـ من معآدله الموآد ..
وانت تقول دقيت عليهم ممكن تحط لنآ الرقم ؟؟

وبالتوفق

[ملك ستايل]

بس لاتسون الى يبغى ينقل جامعه الملك فيصل في نقطه هنا مهما ان اسئلتها كلها مقاليه
يعني مثلا مسائل الرياضيات ولا المواد الاخرى تحلون حل مثل الثانوي بالضبط
مش مثل جامعه عبدالعزيز صح وخطا وخيارات يعني جامعه فيصل صعبه شوي
بالمقارنه مع ممميزاتها وياريت اخوي تروح تسال وتعطينا خبر وتتاكد تحديدا من موضوع الاسئله هل هي مقاليه ولالا

[aac124]

انا دخلت موقعهم يعادلون فقط 15 ساعه ولازم تجيب شرح بالماده تقدر تاخذه من شوؤن الطلاب بجامعة الملك عبدالعزيز عند اخذك لسجل الاكاديمي بس لما دخلت على موقع جامعة الملك فيصل مش موجوده الخطه الدراسية للقسم بس موجوده لترم الاول فقط ومش موجود من المواد الي درسنها في السنه التحضرية غير ( الرياضيات بس ) فخفت وترددت فلي عندو علم بش عن الخطه الدراسيه يعطينا خبر ( اما بنسبه 15 ساعه يعادلونه هذه موجوده عندهم في الموقع )

[Azhar]

ما انصحكم وربي انا من الشرقيه وجامعه الملك فيصل لو انها فاتحه منتداها (يعني الدخول مايكون بارقام الطلاب) كان طلعت فضايحها
جامعه الملك فيصل عللللللللللللللللللللله وربي اختي فيها واسلوب دكاترتها وادارتها ززززززفت
وكلمه حق وقلتها وانتو براحتكم
وامسك قردك لايجيك اللي اقرد منه
وتحياااتي

[abn_rashed]

اولا ارقم الجامعه وطرق التواصل معها /

جامعة الملك فيصل
عمادة التعلم الالكترونى و التعليم عن بعد
الأحساء 31982
ص.ب 400
تلكس 861029
تليفون 5800000
فاكس 035896119

عمادة التعلم الإلكتروني والتعليم عن بعد :
del@kfu.edu.sa
الهاتف :
0096635802278

ثانيا / بالنسبه للاسئله وطريقتها فما ادري والله لكن في واحد من اصحابي يدرس فيها خلوني استفسر منه بكل التفاصيل وارد لكم بخصوص الاسئله وطريقتها
ودرجه صعوبه الدراسه كذالك فيها


ثالثا / بخصوص معادله المواد انا بنفسي سئلتهم بالتلفون
وقالي الموظف انت تدخل الدراسه عادي زي اي طالب وبعدين تقدم السجل الاكاديمي الي عندك على لجنه عندهم بالجامعه واللجنه تطلع عليه وبعدين تقرر المواد الي تعادلها لك لكن ما حدد لي كم الساعات


رابعا / انا ما عندي استطاعه اني اروح واسافر الا في الخميس والجمعه وهذي الايام اعتقد ان ما في دوما عندهم لكن بدق عليهم واذا في دوام اروح لهم إن شاء الله





والله محتار والله اني بين نارين بس الله يكتب لنا الي فيه الخير والتوفيق يا رب

[جراح ؟؟؟؟]

اسئلتهم مثل طريقة اسئلة جامعة عبدالعزيز ولد خالي وخويي يدرسون فيها وكلهم مرتاحين يختبرون هنا بالخبر والاسئله كلها اختيارات .....