صوتكم للمسؤول.. نقاش مشكلات الطالبات بالقسم ((المرحلة الأولى))

[sosoana121]

اتضحت الصورة خلدونــة
ورح نسعى جاهدين على ذكر جميع النقاط

[sosoana121]

المشاركة الأصلية كتبت بواسطة candy eme اخت سوسانا حبيبي هيا اتدربت بدون اي ورقة رسمية من الجامعة ولاتخسب لها ضمن مادة البحث والتدريب عشان كدا احنا بنطالب الشي دا وكل مانروح نطالب يرفضو مع العلم كل التخصصات التانية بتدرب وبورقة رسمية من الجامعة وضمن مادة البحث والتدريب الا احنا واحنا احق لنا التدريب لانو تخصصنا عملي وتطبيق اكتر من انو نظري

بأذن المولى رح يوصل صوتكم
شاكرين تواصلك

[Law Student]

الله يستر... اسم القسم أنظمة ((قانون ))
إن شاء الله تنحل مشكلتك خلدونه

[sosoana121]

مساكمـ / صباحكمـ رضا و طاعة رحمن

بنوتـات اي وحده مشاركاتها ما تسمح لها تراسلني ع الخاص

ترسل لمراقب القسم / بحر الحرية الرساله

وهو مشكور رح يوصلها لي ..

[::Law fair::]

مرحبا , انا عضوة جديده
و تسجيلي بسبب هدا الموضوع , مع اني كنت متابعه من ورا الكواليس هع
شي طيب انو اخيرا مشاكلنا بتوصل للرئيس في مشاكل عديده يتفقوا معايا فيها البنات
منها :
- بعض المواد الي بناخذها عن طريق الشبكه ومن دكتور واتكلم هنا عن المواد الوحيدة الشعبة زي احكام التزام عند د. العساف الوقت دائما مره متأخر يعني من 3 لـ4
مع انو في مجال انها تكون بدري في الصبح او حتى في الظهر بس مو للعصر
وتلقى كل الشعبة مخلصين دوامهم من 12 و الي قبل , بسبب التفاوت الفظيع وغياب التنسيق بين اوقات المواد بشطرنا وبشطر الطلاب .
- انعدام التنسيق واضح مرا اوقات الاختبارات النهائية , مواد القسم عندنا نختبرها في اسبوع يحكروها في 3 ايام ويزيد الطين بله لمن تجي المواد الي بناخذها مع الدكاتره في نفس الاسبوع او قبل بيوم , فترة الاختبارات النهائية في الجامعه حوالي20 يوم بس في قسمنا امكن 6 او 5 ايام بالكثير , وغياب التنسيق بين مواد القسم في نفس شطرنا بدليل انو في طالبات ومنهم قريبتي اختبروا بنفس اليوم التجاري والاداري والجنائي كان قبلهم بيوم بسس وهي مواد من نفس المستوى .
- تفعيل دور اللجان الطلابية بالقسم , ماعمري سمعت بلجنة قانونية طلابية او بنادي لطالبات القانون زي جامعة الامام , ووجودها مهم في تنظيم دورات قانونية داخل الجامعه والقيام بزيارات خارجية للمحاكم و السجون حتى دكتوراتنا لمن يبغوا ينظموا حاجه زي كدا بيتماطل الموضوع لنهاية التيرم ولمن نسألهم بيقولوا انو من ادارة القسم الرجالية هدا التأخير .
- اش المانع من وجود محكمة افتراضية زي الي موجوده بشطر الطلاب , احنا محتاجات نتعلم اصول الترافع بالتدريب ومو بالقراءة والتخيل .
- اتاحة التدريب واعطاء تصريح بذلك ودا شي مو مره صعب , كل الاقسام بكل الكليات
يقدروا يتدربوا حتى لو كانت تخصصاتهم نظرية , اما احنا قسمنا حدث ولا حرج تخصص عملي بحت و لكن بلا تدريب او تمرين.
- في بعض الدكتورات بيتجاوزا خطوط حمرا كتير اثناء الشرح , بيتريقوا بنصوص القوانين و بحال السعوديات وليش ما تكونوا كدا وليش بلدكم كدا وما بيضيفوا للماده اي شي بالعكس بيخسفوا معدلاتنا وبيظلمونا في التصحيح وفييي الي يهدد ويتوعد لمن نشتكي.
نتمنى انو ما يفرض علينا اسم دكتور يعطينا ماده مالها دكتورة موجوده بالشطر عندنا ويفضل ماسكها طول العمر, لازم التنويع والتغيير مثلا : د. الخياط و د. مصطفى بيطار ومن تجارب الطلاب يعتبروا من خيرة الاساتذة المتفهمين وما عندهم معيار غير منطقي للتصحيح نتمنى انهم يمسكوا المواد الي ماسكينها دكاتره يعطوا 70 و80 لكل الشعبة ولمن يطلب منهم مراجعة الورقة يرفضوا مراجعتها وتفضل الدرجة ويتخسف المعدل.
- نتمنى يكون في اجتماع مع د. العطاس لأنو ما بنوصل لو بسهولة وفي اشياء مارح يحس بمعاناتنا فيها الا لمن يسمعها مننا.
دا كل الي بجعبتي وادا افتكرت حاجه رح ارجع.
الله يجزاكم خير

[:::Zaza-.-MaZaza:::]

اشكر اتحاد الطلبة عموماً والأخ بحر الحرية والأخت سوسوانا خصوصاً على اهتمامهم في إيصال أصواتنا

بالنسبة لرمز المادة bl إلى الآن غير موجود في قائمة الشعب !!
وعلى أساس قلنا احتمال يرجع بعد الفصل الصيفي ولكن انتهى الصيفي من أيام وما رجع الرمز ..


فأنا بقووول انو اغلب الأقسام الأساسية في كل من كلية الآداب والاقتصاد المنزلي والإدارة والعلوم نزلهم

صيفي ف رموزهم موجودة أما قسم القانون مع انو قسم أساسي مانزلو صيفي زيو زي بعض الأقسام غير الأساسية

مثل العلوم السياسية والفلك وغيرها من الاقسام ال غير الاساسية للطالبات في الجامعة والتي يستفاد من بعض موادها

كمواد حرة او اختياريه فقط ف الي حابه اوضحو انو لازم نحاول نشوف حل لاختفاء الرمز قبل الحذف والاضافة لانو

إحنا اكبر من سيتضرر لاننا معتمدين اعتماد اساسي على مواد قسمنا أما اختفاء رموز الأقسام الغير أساسية حتعطل فقط

عملية بعض الراغبين في إضافة المواد الحرة والاختياري من هذه الاقسام .. ومن خلال مروري بأقسام المنتدى ما

وجدت احد يعاني من مشكلة اختفاء الرموز الا احنا وبعض الراغبين في اضافة مواد حرة او اختيارية من قسم العلوم

السياسية وطبعا مشكلة اضافة المواد الحرة والاختياري ما تقارن بمشكلة اضافة مواد القسم الاساسية !!


وعدم ظهور الرمز حاليا في هذه الأيام يعد في حد ذاتو مشكلة لان الكل يحتاج فترة ليسأل عن المواد وكيفية تنسيق الجدول والشعب والأوقات ف كيف لو نزل الرمز وقت الحذف والإضافة او قبله بيوم دي مشكلة أعوص واكبر .

فأتمنى أن نستطيع حل أزمة الرمز في اقرب وقت ممكن .. والله يوفقنا إن شاء الله ..

[روووني]

لاو فاير وزازا مزازا وصلتوا اللي ابغا اقولوا بالزات حركه اللي يتجاوزوا لخطوط الحمراء ويتريقوا على نظامنا وقوانينا وانا كتبت شكوى كامله عن هادي الدكتوره وارسلتها لسوسو انا
وياريت لو النقد بناء او على اساس واضح لا النقد على اساس السعوديه وقوانينها يعني تدور على اي ثغره في قانونا وشرعنا عشان تقلب المحاضره كلها سب فينا!!

وحكايه التصحيح حكايه تانيه يعني لااااازم نفس نص الكتاب طيب انا ماني كمبيوتر ولافلاش ميموري عشان احفظ بالحرف وطبعا عارفين قصدي على مين؟<<على الاقل احسن من غيرها

والمز من جد ايش حكايتو !!مو راضي يطلع ابدا ابدا كل مره اخش واقول حيطلعوه بس للاسف نوثينق

والتدريب كمان مررره نفسي اخش محكمه<<لاتفاولي على نفسك هع

والدرجات توزيعها مرره سئ مو معقوله كلنا واطيه ماعدا كم واحده بس!
اخرج واثقه وفجأه انقص نقصان رهيب عشان كلمه كتبتها بمعنى اخر او زدت في الشرح او او الخ

اتمنى تسير تغيرات مو ينبح صوتنا على لاشيء ومرره مشكورين بحر وسوسو انا على تعاونكم القميل اوي معانا
وكل سنه وانتي طيبين

[:::Zaza-.-MaZaza:::]

ياريتها مسألة اسماء دكاترة واوقات الشعب الا الرمز نفسوو ال bl مو موجود من اساسو .. يعني في العادة الواحد يدخل على قائمة الشعب الدراسية وبعدين يلاقي 3 خانات الخانة الاولى اختيار رمز المادة الخانة الثانية اختيار السنة او العام الخانة الثالثة اختيار ترم اول او ثاني او صيفي .. ف احنا مشكلتنا في ان الخانة الاولى الي فيها رموز المواد لا يوجد فيها رمز قسم القانون ال BL .. وطبعا بما انو رمزنا مو موجود في الخانة الاولى ف اكيد كل من خانة العام او الفصل الدراسي مالها اي وظيفة..

[بحر الحرية]

المشاركة الأصلية كتبت بواسطة :::zaza-.-mazaza::: ياريتها مسألة اسماء دكاترة واوقات الشعب الا الرمز نفسوو ال bl مو موجود من اساسو .. يعني في العادة الواحد يدخل على قائمة الشعب الدراسية وبعدين يلاقي 3 خانات الخانة الاولى اختيار رمز المادة الخانة الثانية اختيار السنة او العام الخانة الثالثة اختيار ترم اول او ثاني او صيفي .. ف احنا مشكلتنا في ان الخانة الاولى الي فيها رموز المواد لا يوجد فيها رمز قسم القانون ال bl .. وطبعا بما انو رمزنا مو موجود في الخانة الاولى ف اكيد كل من خانة العام او الفصل الدراسي مالها اي وظيفة..

كمان يا أختي مو فاهم عليكي..
إيش المشكلة من عدم وجوده دحين؟؟
يعني لو الرمز موجود الآن إيش حتستفيدي منه؟؟

وضحيلي أكتر
...

[:::Zaza-.-MaZaza:::]

الحكاية ومافيها انو هيا لسى ماصارت مشكلة حقيقية بس احنا متخوفين انو الرمز مايظهر الا وقت الحذف والاضافة واكيد انت عارف كيف وقت الحذف والاضافة يكون في ضغط وتعليــــــــق رهيييب على الاودس ودا والواحد بيكون خلاص رتب نفسو على اي مواد ناوي ومرتب نــفسو على الوقت والشعب وخلاص ما بقيلو غير يضيف ويحذف ومع كداااا معاااناااااااه فتصوووور انو تكون اساسا منتا مرتب نفسك على الممواد الي حتاخدها لانو ببساطة ماشفت جدول المواد لانو الرمز مختفي .. فاحنا خايفــيــن انو الرمز ما يظهر الا وقت الحذف والاضافة ونتورررط توريطة معتبرة ..الواحد يلا يضيف ويحذف فما بالك يقعد يشوف ايش المواد والاوقات والشعب الي يبغاها وتناسبو .. فأنا بقوووول انو من المفترض انو الرمز يظهر من دحين عشان الواحد ياخد وقتو في السؤال عن المواد وينسق جدولو مبدئــيًا فكل ما ظهر الرمز بدري كل ما كان لينا فرصة اكبر في تنسيق جداولنا والسؤال عن المواااااد ..
يعني هيا مسالة احترازية =) نتفادى المشكلة قبل وقوعها ..
هوا الله اعلم متى الرمز حيظهر ويبان ,ولكن من باب الحيطة ما نستني لما يطيح الفاس في الراس وما يظهر الرمز الا في عـــــــــز المعمعه (يوم الحذف والاضافة) وخصوصا انو مافي اصلا مبرر لاختفاءه !
ف زي ما ذكرت لازم ينزل قبلها بمدة عشان نرتب نفسنا واقلها عشان نتطمن وما نكون كل يوم على اعصابنا . ان شاء الله تكون فهمت عليا :)