رأيكم في جدولي المقترح ^_^

[عبدالرح ـمن]

بسم الله والصلاة والسلام على رسول الله
اشكر الله سبحانه وتعالى على ان جعل في الحياة زملاء امثالك
يعينون الإنسان في تحصيله العلم
بارك الله فيكم ولا حرمكم الاجر

أنا طالب مستجد(مستوى ثالث ورابع)
وحابب اعطيكم المواد
وياليت تشوفون هل هي مناسبة او لا

الترم الأول.. وعدد الساعات 13 ساعة
ie201
phys281
math202
meng102
ie203
ee201

الترم الثاني... وعدد الساعات 14
arab101
ie204
chem281
math203
phys202
meng130


الترم الصيفي وعدد الساعات 8
isls101
ie255
arab201


ياليت تفييوني بطبيعة مادة:ie255
اش فكرتها وكيف ندرسها


الله لا يحرمني منكم يا بشوات
كتب اله اجركم ويسر لكم
موفقين
^_^

[البرق الاصفر]

هلا بيك اخوي
عجبتني المقدمة ^_^

بالنسبة للمواد
IE 201
شغل وكرف ومشروع وقرف. نظام المادة نظام تفاعلي يعني انت وكذا طالب تكونون قروب بحيث انه الدرجات تحسب على شغل القروب وليس شغل الفرد وانصحك تاخذها عند المهندس عمر النقيطي او احمد زكريا

MATH 202
اسف ما اقدر افيدك فيها لانه حسبما سمعت انه صار تغييرات في المادة

MENG 102
وهي الرسم الهندسي ويبغالها مهارة رسم وتخيل. هي بسيطة لو خيالك قوي ويدك كويسة في الرسم وغير كذا عندك المهندسين سمعت انهم تغيرو كمان فمدري ايهم الاحسن حاليا

IE203
مادة انجليزي للهندسة من شخمطة التيفوتي xD . تقدر تعديها بس بصراحة سمعت انه في ظلم كثير صار في المادة والله اعلم

EE201
لغة البرمجة الماتلاب. نصيحة لا تاخذها الا عند الدكتور علاء جودة. معاه حتفهم المادة وتفهم اساسياتها. هي سهلة وبسيطة بس يبغالها تمرين وتركيز

ARAB101
لغة عربية والمنهج دا حسبما اخذته انا كان كله قواعد لغوية مو زي المستوى التاني. بسيط ولا تشيل همها بس مو يعني انك تصير كسول ومهمل.....انتبه!!

IE204
تكملة لـ IE203

CHEM 281
انا اخذتها لما كانت بالعربي وكانت سهلة وبسيطة وممتعة بس عاد سمعت انها صارت انجليزي وفي اشياء تحفظها فمدري بالضبط وربك يعين

MATH203
ناوي انزلها الترم دا باذن الله فكلنا في الهوى سوا لووول

MENG130
بسيطة ولا تخاف منها. منها المعمل ومنها النظري. النظري كان بالنسبة لي كاني اتفرج على قناة دسكفوري او احدى القنوات العلمية وبصراحة كانت حلوة وممتعة بالنسبة لي اما العملي كانك عضو في البرنامج التعليمي في قناة دسكفوري بس اللي عليك انك تلتزم بالتعليمات وما تشوف الا الخير باذن الله

ISLS101
مادة عادية يبغالها تركيز في الحفظ لانه في دروس كنت الخبط فيها....شد حيلك في الحفظ

IE255
وهي الاقتصاد الهندسي ومنها النظام التفاعلي ( قروبات ) ومنها االنظام العادي ( محاضرة عادية زيها زي العربي مثلا ) وبشكل عام المادة سهلة بس يبغالها تركيز ومذاكرة اول باول وبالنسبة للدكاترة انصحك بريحان او منظور في التفاعلي او ابو بكر اسحاق في العادي

ARAB201
مادة عامة بسيطة بس يبغالها حفظ زي بقية المواد العامة حقت الجامعة كلها. المادة منهجها عن الادب وفن الكتابة ومن الكلام دا. يعني حفظ في حفظ ودا شي طبيعي وانصحك تاخذ المادة دي عند دكتور مصري اسمه يحتوي على درويش
معليش ناسي الاسم بس فاكر الجزئية دي درويش

بالنسبة للفيزيا ما اعتقد تقدر تفصل المعمل عن النظري بحيث ان نزلت النظري ينزل معاها المعمل من نفسه
مو زي الكيميا تقدر تنزل وحدة منهم والجزء التاني بعدين


وبالتوفيق

[عبدالرح ـمن]

ربي يخليك ما تقصر
طيب معليش اش ملاحظاتك يعني عالجدول
هل اخغير فيه شيء ولا كذا تمام؟

[البرق الاصفر]

كله بين السهل والوسط وفيه شوية ضغط
لو تتحمل الضغوط امشي عليه