استفسار عن بعض المواد

[أبو عبدالعزيز2020]

السلام عليكم ورحمة الله وبركاته ،،،
.
.
.
.
كيفكم يااااشبااااب إن شاااء الله مستعدين لحرب الحذف والاضافة

حاب استشيركم في مواد الترم هذا :

1) محاسبة مالية متقدمة 1(acct 373)
2) مراجعة 1 (acct 361)
3) محاسبة تكالبف 2 (acct 352)
4) محاسبة ضريبية (acct 441)
5) نظم معلومات محاسبية (acct 482)
6) محاسبة منشات متخصصة (acct 432)

حابكم تساعدوني في اختيار أربعة مواد من هذه المواد مع العلم أنو مادة مالية متقدمة ومراجعة لازم اخذهم ،
الشيء الثاني تعطوني نبذه عن هذه المواد من حيث الصعوبة ومن هو أفضل دكتور في كل مادة .

مشكوررررين وماجوووورين مقدما لكل من يجاوب علي.

[cra$y man]

1) محاسبة مالية متقدمة 1(acct 373)
المآدة يبغالها شوي تركيز وابدا موصعبة للي بيذاكر والمنهج قليل جدا اغلبها قيـود يومية واستاذ
طبعآ الدكتور /عبدالعال ابو خشبة > جدا رائع ومتفهم بالعربي عسل
*
2) مراجعة 1 (acct 361)
مآدة بصرآحـة دسـمة وكلهآ حفظ وكلآم كثييييييير بتتعب وانت تقرا .. ولكن ممتعة بنفس الوقت ..وتستفيد منها كثير
مشكلتها الدكتور / صآدق حسنين هههههههههه توحفة هالادمي ...شوف هو يجيك الصبح راااايق وفآآآيق مآدري وش يفطر ...ومابتسلم من لسآنه تريقة وونسة على راسك وتحشير في الاسئلة مع الصبآح ههههههه بس ترا قلبـــه طيـب لابعد درجة وعسل ..انا اخذت عنده 90 الحمدلله ... انت ذاكر المذكرة واكتب معه وباذن الله تلقى كل خير ...

3) محاسبة تكالبف 2 (acct 352)
مآدة تحتآج شوية شغل وتركيز...بس تراسهل بكثير من تكاليف (1) طبعآ دكتورها اللي محليهآ /زايد ابو شنآف ..ولا تاخذها عند غيره
*
4) محاسبة ضريبية (acct 441)
مابغى اتفلسف عليك في الضريبية لاني ماخذتها ..ولكن د/جمال عبدالحميد ممتآز .. وانتبــه من يمآني

5) نظم معلومات محاسبية (acct 482)
مآدة سهلة جدا جدا كلهآ نظري وحفظ ... عندك د/جمال عبدالحميد او د/ممدوح باعويضآن> الاثنين ممتآزين
*
6) محاسبة منشات متخصصة (acct 432)
تحتوي على عملي ونظري والمادة بشكل عآم ليست صعبة ..عن البنوك وشركآت التأمين يعني سهالة ان شاء الله
د/ عبداللطيف بآشيخ .. مافيه غيره اصلا .. ولآتخاف يعطيك حقك بالتمآم لاتسمع اللي يقولك الدكتور ظالم وشديد
ابدا ..انت احضر المحاضرات كاملة وخليك من حالك في شانك ولا تحاول تستفز الدكتور وراح تجيب درجة حلوة


وفي الختآآم اتمنى اني افــدتك انت شوف وش اللي يناسبك وضيفــه الترم هذآ ....اتمنى لك التـوفـيق

[أبو عبدالعزيز2020]

الله يسعدك يا الغالي وما قصرت

بس ايش تشوف مادة او اثنين مناسبين اني اخذهم مع مالية متقدمة والمراجعة

[cra$y man]

انا رايي شخصيآ .. ارشحلك / تكاليف2 ونظم معلومآت محاسبية

[أبو عبدالعزيز2020]

الله يسعدك وماااا قصررررت وفي ميزاااان حسنااااتك إن شاء الله

[cra$y man]

بالتــوفيـق يآلغــلآ

[أبو عبدالعزيز2020]

الجميييييييييييييييع إن شاء الله