أي أستفسار أتفضلو

[esraa b]

انا عندي استفسار
انا اتقبلت في الطب وراح بابا يوم الاحد العمادة عشان ابغى احول صيدلة وقالوا انه حسب لو كلية الصيدلة حتستوعب ح اتحول وانا ماعندي فكره ,,, هل الكلية عندها امكانية اتحول ؟؟
المهم قالوا انه لو اتحولت حينزلي في الاودس بس للاسف الاودس مقفول
ولو انفتح وما اتغير شي كيف اعرف لو اتحولت ولا لا؟؟
وادعولي يارب اتحول

[Dr.AlJuhani]

أنا عندي استفسار
1- عن مكان الدراسة (الفصول\القاعات): كيف نعرف فين ندرس و الجدول مو مكتوب فيه شيء عن الفصل إلا ندرس فيه المادة؟؟
أيوا مايكتبو بس الغالي أنو يسوولكم يوم أرشادي بالمسرح حق الكليه يقولو لكم الأماكن وكذا
أتوقع انو مباني الأولاد زينا أحنا البنات فيمكن يكون المسرح مبنى 2 زينا أنتا روح هناك وأسأل


2- ممكن وصف تقريبي ل موقع كلية الطب أنا رايح بكرة أدورلها بس مع الوصف ممكن اختصر الوقت.

أمم أنا صراحه معرف اوصف ياريت أحد من الاولاد يقدر يفيدنا في هذي النقطه

3- هل الجدول حينزل في ODUS و يكتبوا الفصول هناك؟
اللي أعرفه وأشوفه عندي دايما أنو ينزل بس المواد اللي حتدرسها وعدد الساعات بس
أما الفصول فلا ... وينزلو هما كمان الخطه الدراسيه
4- إذا نزل الجدول في ODUS حيكون فيه (حذف و إضافة) أو إن جدول الطب ثابت؟؟
هههههه لا مافي شي عندنا أسمو حذف وأضافه الجدول ثابت ثابت

5- i`m sure i`ll have MORE questions by tomorrow :b

...
بالتوفيق
وبالنسبه للردود الثانيه فما عندي أجابه متأكده منها يايرت اللي يعرف يفيدنا

[عبدالعزيز..!]

اولا شكرا عالافادة ... عندي كم استفسار وياليت القى الجوااب ...

1) لاحظت في الجدول الجديد رمز g1 ..g2 .... اش يعني :) ؟؟

2) بالنسبة للسكرب ... متى يقولو لنا اللون المناسب وهل لكل دفعة لون معين ؟؟ .. ومتى نلبسه إجباري هل مع بداية السنة ؟؟

3) كم عدد الساعات بالنسبة للترم الاول :) ؟؟ ....

4) كم كتااب لازم ناخذ او نادرس من الشيتات ؟؟ .... وشكرا

[Dr.DarknesSx]

الله يجعل هذا الموضوع قي ميزان حسناتك و يوفقك إن شاء الله :)

[Dr.so sweet]

انا حابة اسال عن كلية الطب قسم العيوون



كـــم سنة ندرس فيهاا ..؟

قسم البنات لوحدو ولا مختلط ..؟



ســــوري اسئلتي بايخة بس حابة اعرف اكثر عن طب العيوون ,,



و شكراا على الموضوع الحلو ...

[Dr.AlJuhani]

]اولا شكرا عالافادة ... عندي كم استفسار وياليت القى الجوااب ...

1) لاحظت في الجدول الجديد رمز g1 ..g2 .... اش يعني :) ؟؟
يمكن القصد قروب 1 وقروب 2 .. روحالشؤون التعليميه أتوقع تلاقيهم بمبنى 4 وأسألهم أفضل
2) بالنسبة للسكرب ... متى يقولو لنا اللون المناسب وهل لكل دفعة لون معين ؟؟ .. ومتى نلبسه إجباري هل مع بداية السنة ؟؟
الأزرق الملكي هوا لون السكرب بالنسبه للبنات أما الاولاد فكانو في دفعتنا يلبسو البيج
اممم متى ماشتريته ألبسه مو أجباري وقت معين
3) كم عدد الساعات بالنسبة للترم الاول :) ؟؟ ....
مدري والله لنو أنتو غيرنا, جدولكم غير وموادكم فيها زيادات عندكم كورس مصطلحات وكذا فوالله مدري بس تلاقي لما ينزل الجدول ان شاء الله يكتبو لك عدد الساعات

4) كم كتااب لازم ناخذ او نادرس من الشيتات ؟؟
امممم هذي والله سالفه طويله
انا لي موضوع في MEDKAAU
اللي هوا المنتدى الرسمي للكليات الصحيه بجامعتنا الموضوع من سنه بس تلاقي فيه كل ماده ومن فين
وغير كذا تلاقي خبرات السنين السابقه
...
موفق

[Dr.AlJuhani]

انا حابة اسال عن كلية الطب قسم العيوون
مافي شي أسمو كليه طب قسم عيون
هوا تخلصي بكلوريوس طب وجراحه عامه اللي بندرسه أحنا الحين
اللي هوا 6 سنوات مع الأمتياز يسير 7

وبعدها تدخلي أختبار الهيئه السعوديه مثلا وتتعادل شهادتك وبعدها تتخصي طب عيون
ويعتمد عدد سنوات التخصص فيه على حسب الدوله اللي تكملي فيها

كـــم سنة ندرس فيهاا ..؟

قسم البنات لوحدو ولا مختلط ..؟
في الدراسه حقت البكالوريوس
أول 3 سنين بنات في كليتنا
بعدين ثاني 3 سنين في المستشفى والمستشفى مختلطه
بس وقت المحاضرات الأولاد بكلاسات واحنا بكلاسات
وتقريبا أي تخصص أكلنيكي يعني تشتغلي في مستشفى بيكون فيه أختلاط
عدى لو خلصتي طب واتخصصتي تخصص وصرتي معيده يعني شي اكاديمي
فتدرسي بالجامعه وأغلب الوسط بيكون نساء ومافي أختلاط
:)

[dr.fnoo]

المشاركة الأصلية كتبت بواسطة dr.aljuhani ]انا لي موضوع في medkaau اللي هوا المنتدى الرسمي للكليات الصحيه بجامعتنا الموضوع من سنه بس تلاقي فيه كل ماده ومن فين وغير كذا تلاقي خبرات السنين السابقه

ممكن رابط للموضوع

[Dr.AlJuhani]

حاولت أحط الرابط مو راضي مو عارفه ليه

طيب أنتي روحي قوقل وأكتبي
medkaau
بعدها لما تدخلي المنتدى أضغطي
Forum
وبعدها
أدخلو من
MIDICINE
لقسم
Basic Year Discussion
في مو ضوع أسمو
مواد سنه ثانيه بشري
وفيه مواضيع ثانيه كمان

...

[wadoud]

السلام عليكم
انا ابغى استفسر عن طلاب الطب هذي السنه كم آخر نسبه قبلوها وكم العدد
لأني الحين تحضيري وأبغى أعرف أخاف اتحمس للطب وآخر شي ما انقبل :(
ممكن تفيدووني