مادة ملابس تقليدية

[نسيجي ابداعي]

يابنات الله يسعدكم وياليت احد يفيدنا
كيف مادة ملابس تقليدية سهلة والا صعبة
واش ندرس فيها بصراحة خايفة مره من المادة
وكيف استاذتها وكيف تكاليف المااادة
وجزاكم الله الف خير

[بنت جدة المنكوبة]

المشاركة الأصلية كتبت بواسطة نسيجي ابداعي يابنات الله يسعدكم وياليت احد يفيدنا كيف مادة ملابس تقليدية سهلة والا صعبة واش ندرس فيها بصراحة خايفة مره من المادة وكيف استاذتها وكيف تكاليف المااادة وجزاكم الله الف خير

إممممم\؟؟؟؟؟
مادة ملابس تقليدية.....ماهي سهلة ولاصعبة
بس شغلها مراااااااااااااااااااااااااااا كثييييييييييييييييير
علشان تعتمد أكثر شي على التطريز اليدوي التقليدي
وثوب حرب إلي سوه الترم الي فات
وأكثر شي يطفش في دي المادة جزءها النظري
ممكن تقعدي المحاضرة كلها على النظري أنا أفتكر كنت أخذها من الساعة 10أو 11 إلى 3
مرا ملل النظري..........بس أسئلة النظري صراحة جدا صعبة حقتهامن جد في الإختبار النهائي تركت الصفحة الثانية كلها فاضية لأن هي كانت زعلانة مننا وتوعدتنا إنو تجيب الإختبار صعب
صراحة الله يعينكم ويساعدكم أحسها كل ترم بتعطي البنات شغل أصعبأفتكر أشواق مسكينة سوت مشروعها تطريز يدوي في الصدر والإسورة مراااااا كثير
إنتم حاولوا ماتزعلوها....وترا كل ماشافتك مجتهدة عندها بتعطيك درجة ترضيك
أنا كنت شايلة أمل أعدي ال80
بس والله تفاجأت أعطتني 92والحمد لله
بالتوفيق ياأختي

[بنت جدة المنكوبة]

إيش بتدرسي في المادة؟؟
أول شي حتاخذوا عن الغرز التقليدية
غرزة الدبانة -القبع - الخريات- السلسلة - اللقطة التركي -عرجاية برجل - عرجاية بني مالك- السلسل المفتوحة الثقيلة - بطن الحية وغيرها
كل قبايل البدو حقون السعودية :الطائف -عسير - بني مالك - حرب نجد - ومدينة -ومكة

الأستاذة طيبة بس مع الكسالى والي يغيبوا كتير مرا تعصب
التكاليف بالنسبة لأيامي كانت عمل برقع 20 ×22 كلو تطريز تقليدي
ثوب حرب
الكراسة حاولي ترتبيها أول بأول علشان حترصد الدرجة على طول(على فكرة هي تابع اللأعمال أول بأول وترصد الدرجات بشكل دوري على النت)
عينة شنطة تطريز يدوي حقت الإختبار النظري 10×10سم
المشروع ثوب نجد على مقاسك
الإختبار النهائي ثوب نجد على مقاسك
عمل المدورة 50×50 نطرز عليها الترتر بشكل متناثر
ثوب حرب نطرز عليه غرز تقيدية بحجم عروسة باربي

[نسيجي ابداعي]

الله يسعدك يا بنت جدة
والله اذا الاستاذة على البنات تمشي نفسها الله يعين
طيب كيف نسيطر على بعض عشان ما تعصب
والله كنت اشوف شغل البنات بطني يمغصني واقول الله يستر
يبغالها المادة ترم لوحدها بس يا الله ربي ييسر لنا المادة
طيب كيف ذوقها صعب في المشاريع ؟
سمعت انها ماترضى باي حاجة
وسامحيني اذا تعبتك

[بنت جدة المنكوبة]

المشاركة الأصلية كتبت بواسطة نسيجي ابداعي الله يسعدك يا بنت جدة والله اذا الاستاذة على البنات تمشي نفسها الله يعين طيب كيف نسيطر على بعض عشان ما تعصب والله كنت اشوف شغل البنات بطني يمغصني واقول الله يستر يبغالها المادة ترم لوحدها بس يا الله ربي ييسر لنا المادة طيب كيف ذوقها صعب في المشاريع ؟ سمعت انها ماترضى باي حاجة وسامحيني اذا تعبتك

والله صراحة حاولي ماتمشي على ذوقها
لأن أنا مشيت على ذوقها في المشروع هو كان عاجبها قبل التنفيذ
بس بعد التنفيذ ماعجبها.........
وانخسفت أظن 3 درجات.........وقت ما كانت معصبة خلت التقييم على الأستاذات
يعني هيا ماقيمت.........
إذا إنتي ماعجبتك الفكرة حاولي تغيريها ترا هيا نساية (تنسى بسرعة فما تفتكر)(ولاتاخذي في المشروع شي فيلة تطريز يدوي وتتورطي زي أشواق).......وأنصحك تستشيري أ-مريم باحداد ترا ماشا الله في تقليدية كنت ألجألها في أشياء كتير والله ماتقصر فخذي رأيها
وابعدي عن ثوب نجد.....هو صح سهل في التنفيذ بس مشكلتو حاجة وحدة أحيانا طول الأمام يطلعلك أقصر بكثير من الخلف في منطقة الذيل فصعب يتعدل.........حاولي تاخذي من القبايل الثانيه وابعدي عن أقمشة الخفيفة زي الشيفون والحرير خذي الأقمشة الماسكة إلي تكون سهلة في الخياطة والله يعينك على لفلفة الهنداوية وسوق البدو علشان الكلف

حاولي تسألي البنات عن مشاريعهم الترم الي فات وتاخذي فكرة عن المشروع .. ودوري على المشروع من بدري عن طريق النت طلعي صور وأفكار.....وخذي رأيهم عن الأستاذة والمادة لأن ماشا الله كل ترم في تغير مستمر

أنا أخذت المادة هادي مع تيورات وبحث2 وثقافة4 ومانيكان2
كان أكتر شغلنا على تقليدية هو ماخذ كل الوقت ود-إيمان الله يسعدها كانت تراعينا في تسليم أشغالها بسبب هادي المادة حتى د-عبير.....

على فكرة إذا كنتو ماحتداوموا دا الأسبوع لازم الأسبوع الجاي تجيبوا الطلبات الأسبوع الي بعدو بمشيئة الله ووهادي الطلبات ثابتة في كل ترم وإذا ماجبتوها حتتبهدلوا منها حتقول ليش ماجتوا الأسبوع الأول وأخذتوا الطلبات:
1-كتاب تقليدية من مكتبة الخوارز المؤلفة أ-بثينة اسكندراني سعر الكتاب على أيام كان 49ريال
2-ملزمة من مكتبة خوارزم عن الغرز التقليدية لازم تكون معاك من أول محاضرة وإذامالقيتيها في المكتبة لازم على الأقل تكونوا مصورة الجزئية الأولى الخاصة بالغرز.(حاولي تاخذيها من بنات الترم الي فات وأنا إذا لقيتها عندي حأرسلها لك هنا في المنتدى)

3-طارة أي مقاس يريحك ويفضل الكبيرة أبو 8
4-قماش أسود قطن حاولي مايكون القماش خفيف
5-إبر عادية حقت التطريز
6-خيوط الكوتون برليه تجيبي الألوان التقليدية وهي الأحمر والأصفر والأبيض والأزرق والأخضر
وجيبي ترتر وخرز(يفضل تجيبي خيوط المولونيه نصحتني فيه أ-مريم تستخدمي بس فتلتين من الخيط)
7-الكراسة بتاعت التفصيل (تكون أوراقها مو كثير لأن هي حوالي 12 صفحة حتكتبوا عليها).

وبس

[بنت جدة المنكوبة]

وشريط إكسترا فور أحمر رفيع بس مو عارفة كم عرضوا إسألي البنات لأن في رفيع مرا ماينفع