العربي اللي الين دحين هوا الحوسه

[RnooOOoo]

السلام عليكم ورحمه الله وبركاااته
كيفكم صباايا وشباب ؟؟ ان شاء الله كويسين
طبعا الى الان واحنا نعاني من الجامعه وتستمر المعاناه الين نتخرج من دي الجامعه المحترمه
المهم انا نزلت كل المواد اللي ابغاها والحمد لله
ومن قرادت حظي ان المواد اللي نزلتها اوقاتها عفنه بس مافي غيرها لاانو الشعب تملت حسبي الله عليهم
ابدا يوم السبت 8 واخلص من المحاضره 9 تقريبا وبريــــــــــــــــك الين 12 هيا بالله في دا الوقت كلو ايش اسوي ولو بحذف ماده بروح فيها
المهم طبعا المعاناه هنا في ماده العربي اللي الين دحين مهي راضيه تنزل معايا هيا العله فين ماادري تملت الشعب ولا ايش الحكااايه بس بكره ان شاء الله براجعهم واشوف ايش يقولولي
كنت بسألكم << واخيـــــــرن
لو بااخد العربي مع الاستاذه شادن كيف شرحها من جمبها ولا كويسه
وفي وحده تانيه اسمها رحمه كيف مين احسن الاولى ولا التانيه
هدا لو اخدت المااده لاتقولولي مو مهم العربي سهل المستوى التاني لااني المستوى الاول تادبت واتربيت عند الدكتوره فريده من جد كرهت الجامعه بكبرهااا

[none55]

انا اقولك ليش ماتنزل

لانو هادي مادة عامة

وكل الي ف الجامعة يدرسوها

وهما غالبين

يخلو بنات الادارة ف شعب معينة

وبنات الاداب ف شعب معينة

يعني زي كدااا

[RnooOOoo]

مشكوره حبيبي يعطيكي العافيه

[وهج المشاعر2009]

up

للرفــــــــــــــــــــــــع

[جنى الشريف]

هههههههههههههه مثلي فريده ^_^ كرهتني بالعربي مع انها كانت تعجبني شخصيتها وه بس << بتتلطش ..

وبعد مثلي السبت اداوم 8 محاضره ل9 وانطر لييييييييييييين 1 مدري 12 ..

اليوم رحت وكذا قالتلي الثقافه قفلت .. والعربي بنطلب توسيع شعب .. واضفتلي ماده مدخل عام اضن اسمها قالتلي مهمه وبكذا تجاوزت الحد اللإئتماني 18 ساعه هع ..

وشكلي بخليها الترم الثاني الله يعين مره تكدست مواد التخصص احصاء راي عام مدخل علم نفس علم نفس النمو مدخل عام مدري وش اجتماعي بقوه مدري ..

[RnooOOoo]

جنــــــــــــووو لا انتي شكلك مشتهيااا تتلطشي فريـــــــــده شخصيتها حلوه اي شخصيه ياعيني
ياما تهزئنا منهااا يعني صح كنا نتكلم في المحاضره ونحش بس مو كثير هع
بس بسألك ليكون كنتي في نفس شعبتي في مبنى 12 الساعه 9 اضن
انا اليوم رحت وعدلتلي الساعات وسار مناسب يعني مو بريك 3 ساعات سارت ساعتين<< اشبو في فرررق يعني
ربــــــــــــك يعين

[Esraa.MD]

والله يا رنووو افتكر لما جيت اضيف وكدا سئلت البنات عن الاستازات قالو الاتنين كويسين فانتي ادخلي قسم العربي واسئليهم

اهم شي لما رحت ضافولك العربي ولا لا؟

[وهج المشاعر2009]

المشاركة الأصلية كتبت بواسطة rnoooooo فريـــــــــده شخصيتها حلوه اي شخصيه ياعيني ياما تهزئنا منهااا يعني صح كنا نتكلم في المحاضره ونحش بس مو كثير هع

ايه فريده معاجيني >> اووووووف كم وكم مرره دعيت عليها ,,,

الله يستر لا تدرسنا اللحين ..
اتأخر دقيقه تحسب لي غياااااب >> ولا حتى باليابان المحافظين على اوقاتهم مو كذا ,,

المشاركة الأصلية كتبت بواسطة rnoooooo شعبتي في مبنى 12 الساعه 9 اضن

ايه نفس موعدي ونفس التوقيت

المشاركة الأصلية كتبت بواسطة rnoooooo انا اليوم رحت وعدلتلي الساعات وسار مناسب يعني مو بريك 3 ساعات سارت ساعتين

ياحلوه رحتي عند مين بالضبط ؟!

[RnooOOoo]

يب اسرار قلبي اضافولي العربي الحمد لله وعدلتلي الاوقااات
وهج حبيبي رحت مبنى الجوهره عند مرشدات قسم علم النفس اول ماتدخلي هناك اسألي عنهم لانو المبنى دا اول ماادخلو يلف راسي مااعرف اوصفلك لو الغرفه قدامي

[جنى الشريف]

لا يا رنو يا قلبو ما كنت معاك كنت تأهيلي مع العصريه الست فريده ..

انا اوصفه خبره هع ..

وهج اول ما تدخلين مبنى الجوهره لفي يمييييييين وامشي ع طول وبعدين تلقين على اليمين قسم علم الاجتماع مكتوب بالوحه لفي يسااااار وع طووووووووووول لا يردك الا اخر الممر وتلقينه كذا جنب مطبخ ادخلي وموفقه ان شاء الله ..