مشورة من اهل الخبره في مستقبلي!

[ندى محمد القحطاني]

^^

تقصدين اني افتح مشروع خاص ؟؟

المسأله مو سهله لابد يكون عندك راس مال عشان تحققين اللي نفسك فيه

[يارب اسالك التوفيق]

الفلوس ممكن تجي بكذا طريقه المهم تخطيطك الجيد ومجهودك وابداعك بعد ذلك

[Brainiac]

هلا بك يا ندى...

الوضع اللي انتي فيه مش غريب....لان اتوقع ان اغلبنا عاش نفس الموقف بفترة من الفترات في حياته.

علشان نكون واقعيين ، أغلب الفرص العملية اللي فيها تطور وظيفي ورواتب كويسة وعمل "غير روتيني" ، يكون فيها اختلاط .......... بغض النظر اذا انا مع أو ضد الاختلاط للمرأة ، ولكن أنا مجرد ناقل للصورة.

بشكل عام ، فيه اماكن يكون فيها اختلاط ولكن مع احترام للخصوصية وفي التعامل.... وفيه أماكن للاسف يكون فيها اختلاط ولكن مع قلة أدب .... والامثلة للحالتين كثيرة.

في القطاع الخاص ، ما فيه وظيفة مكتبية بكل ما تحمله الكلمة من معنى الا "الاستقبال" ... أما أي وظيفة ثانية لازم فيها روحي وتعالي عشان تخلصين الشغل المطلوب منك..... يعني حتى "ادارة الاعمال" ، ما راح تقدرين تديرين الاعمال بشكل صحيح وانتي جالسه بالمكتب طول الوقت.

أنا بصراحة ما اؤيد العمل في الجمعيات الخيرية كوظيفة أساسية ...... بسبب ضعف الراتب.. وبرضو ان اغلب الجمعيات للاسف شغلهم يسوونه بالبركة ...... يعني مافيه نظام معين او هدف معين ..... شغل عبارة عن اجتهادات غير مدروسة (وهذا سبب ضعف الجمعيات الخيرية عندنا).

بناءاً على المعطيات اللي ذكرتيها... وأيضاً الاقتراحات اللي انتي وضعتيها لنفسك..... أنا اشوف الافضل هو "التوجيه والارشاد".............. أما بخصوص معاناتك اليومية في الصباح ، انتي لما تقنعين نفسك داخلياً أن هو الخيار الوحيد المتوفر حالياً.. ولازم تسوينه ، اتوقع خلاص بتتحمسين للموضوع وبتروحين للمدرسة كل يوم .......... وما تدرين يمكن هالشي يساعدك بشكل كبير وقت التقديم الجاي للماستر.

بالتوفيق ان شاء الله

[سفينة الحياه]

نفس المعاناااااااااااه

[ندى محمد القحطاني]

المشاركة الأصلية كتبت بواسطة يارب اسالك التوفيق الفلوس ممكن تجي بكذا طريقه المهم تخطيطك الجيد ومجهودك وابداعك بعد ذلك

طيب كيف مشروع بدون راس مال

[ندى محمد القحطاني]

المشاركة الأصلية كتبت بواسطة Brainiac هلا بك يا ندى... الوضع اللي انتي فيه مش غريب....لان اتوقع ان اغلبنا عاش نفس الموقف بفترة من الفترات في حياته. علشان نكون واقعيين ، أغلب الفرص العملية اللي فيها تطور وظيفي ورواتب كويسة وعمل "غير روتيني" ، يكون فيها اختلاط .......... بغض النظر اذا انا مع أو ضد الاختلاط للمرأة ، ولكن أنا مجرد ناقل للصورة. بشكل عام ، فيه اماكن يكون فيها اختلاط ولكن مع احترام للخصوصية وفي التعامل.... وفيه أماكن للاسف يكون فيها اختلاط ولكن مع قلة أدب .... والامثلة للحالتين كثيرة. في القطاع الخاص ، ما فيه وظيفة مكتبية بكل ما تحمله الكلمة من معنى الا "الاستقبال" ... أما أي وظيفة ثانية لازم فيها روحي وتعالي عشان تخلصين الشغل المطلوب منك..... يعني حتى "ادارة الاعمال" ، ما راح تقدرين تديرين الاعمال بشكل صحيح وانتي جالسه بالمكتب طول الوقت. أنا بصراحة ما اؤيد العمل في الجمعيات الخيرية كوظيفة أساسية ...... بسبب ضعف الراتب.. وبرضو ان اغلب الجمعيات للاسف شغلهم يسوونه بالبركة ...... يعني مافيه نظام معين او هدف معين ..... شغل عبارة عن اجتهادات غير مدروسة (وهذا سبب ضعف الجمعيات الخيرية عندنا). بناءاً على المعطيات اللي ذكرتيها... وأيضاً الاقتراحات اللي انتي وضعتيها لنفسك..... أنا اشوف الافضل هو "التوجيه والارشاد".............. أما بخصوص معاناتك اليومية في الصباح ، انتي لما تقنعين نفسك داخلياً أن هو الخيار الوحيد المتوفر حالياً.. ولازم تسوينه ، اتوقع خلاص بتتحمسين للموضوع وبتروحين للمدرسة كل يوم .......... وما تدرين يمكن هالشي يساعدك بشكل كبير وقت التقديم الجاي للماستر. بالتوفيق ان شاء الله

اهلا اخ Brainiac


ارائك دائما تلفت نظري وتعجبني

انا لما قلت عمل مكتبي ... اقصد انه اعماله غالبيتها خارجه عن الدروس والتحضيرات ولاهم من كل هذا ان مافي اعمال او تكاليف اخرى اشيلها معي للبيت واعيش همها

صادق في نقطة الاختلاط .. وفي مسألة الجمعيات الخيريه

وبما انك رشحت لي التوجيه والارشاد .. خليني اسألك :

الاخ فواز وضح لي ان عمل التوجيه والارشاد يعتبر ميداني تقريبا ... فهل عندك خلفيه عن هالتخصص ؟

اظافة الى اني قرات اليوم كثير عن مهنة التوجيه والارشاد في المدارس ...
لقيت ان اغلب المرشدين في المدارس يشتكون من سؤ مكانتهم وعدم اعطاؤهم حقوقهم .
.فهل هذا صحيح ؟؟ ((وهذا السؤال موجه لك ايظا ياأخ فواز ))

وايظا .. هل مهنة التوجيه والارشاد .. يحصل فيها تأثير على نفسية المُرشد ؟؟




بالنسبه لتخصص تقنيات ...
من اسباب اختياري له ورغبتي الشديده فيه ..
انه مهنته تتلخص في كوني مسؤوله على التقنيات والوسائل التعليميه في المدرسة ..
وهالوظيفه تعتبر بعيده عن التدريس و بنفس الوقت ممتعه وانا متعتي في الالكترونيات والحاسب


فهل برأيك .. اصرف نظر عن هالقسم نظراً للازذحام فيه ؟؟
او كما يقول لي البعض استمري وثابري ولاتغيري اتجاهك حتى تحصلين على الماستر فيه ؟؟



واتمنى انكم تتابعون معي الموضوع مشكورين لين اصل لنقطة ثبات

واعتذر لو ثقلت عليكم

[ندى محمد القحطاني]

المشاركة الأصلية كتبت بواسطة سفينة الحياه نفس المعاناااااااااااه

الله يعيننا ويوفقنا للصواب

[Brainiac]

شوفي ..... تخصص تقنيات التعليم حلو.. وفيه مجال للابتكار واسع جدا جداً........ ولكن لو فكرنا فيها بالمنطق ، أكثر تخصص تربوي عليه ازدحام من المتقدمين ... وبرضو لا تنسين ان الافضليه تكون لخريجي الحاسب الالي... وانتي مع الاسف الشديد تخصصك مش حاسب الي في البكالوريوس.... وبرضو ما اعتقد ان عندك خبرة كافية تقدرين تعتمدين عليها بشكل كبير عند التقديم والمفاضلة.

عشان كذا ، أنا لو منك استبعد تقنيات التعليم من الخطة .... يبقى توجيه وارشاد ، والادارة التربوية ....... انا بصراحة ما عندي أي خلفيه عن المجال التربوي بشكل عام... ولا اقدر اقول لك اذا التوجيه افضل من الادارة التربوية أو العكس..... بس انا نصحت بالتوجيه والارشاد بناءاً على الكلام اللي قاله اخوي فواز.... وبرضو لوجود الرغبة المبدئية من ناحيتك ( على حسب ما فهمت من ردك عليه).


بأختصار شديد ... الشخص لما يقرر يدرس ماجستير ، القرار راح يكون بناءاً على نقطتين:
إما : عندك وظيفة حالياً .. ومبسوطة في المجال اللي تشتغلين فيه... وحابة تكملين دراستك بتخصص يناسب نفس مجالك.

أو: ما يكون عندك وظيفة أساساً ... وتدرسي حاجه تناسبك وممكن تبدعين فيها... وعلى أساسها تدوري وظيفة مستقبلاً تناسب مجال دراستك العليا.... وأن ما حصلتي ، ممكن تكملي دكتوراه.


أعطيك مثال على نفسي ، انا قدمت على ادارة اعمال تنفيذي بجدة... مع أن القصيم أقرب لي بحكم المسافة.... ولكن ليش اخترت جدة؟ ... لانهم يقبلون طلاب أكثر بجدة... يعني راح يكون عندي فرصة أكبر بالقبول .... والحمد لله انقبلت.

الانسان بالنهاية وده بأشياء... ولكن الواقع يخليه يتجه اتجاه اخر... ولكن حلو نكون "وسطيين"... حاجه ممكن ندرسها ونتقبلها... وبرضو فيه احتمالية ننقبل فيها .


بالتوفيق ان شاء الله

[ندى محمد القحطاني]

^^

طيب بما انك تخصص ادارة اعمال راح اطرح تخصص دراسي اخر كان في بالي من زمان

هو تخصص (نظم معلومات) وانا مثل ماقرأت هن هالتخصص انه ايظا يعتمد ع الحاسب .؟؟؟ فأيش رأيك فيه ؟ ومجالاته الوظيفيه ؟

ما يكون عندك وظيفة أساساً ... وتدرسي حاجه تناسبك وممكن تبدعين فيها... وعلى أساسها تدوري وظيفة مستقبلاً تناسب مجال دراستك العليا.... وأن ما حصلتي ، ممكن تكملي دكتوراه.

هذا هو حالي : (

[فواز الرمالي]

اخت ندى بالنسبة لمهنة الارشاد تختلف من شخص لآخر
اذا كنت ذات بال واسع وعندك اسلوب الاقناع للشخص
ومعرفة الشخص من طريقة كلامه يعني تقدرين تشخصينه هل هو صادق اولا
انصحك بهذه المهنة لانها ليس لها تحاضير وليس له عمل خارجي شغلك نوع ما مكتبي ونوع ما ميداني
انتي تكون مهمتك دفاع للطالب ضد من يحاول التقليل منه سواء معلم او ولي امر او ادارة
ومتابعة لاحوالهم المادية والصحية والمعنوية
ارجو ان اكون وضحت لك الفكرة