&نبذه عن دكاترة المختبراات سنه ثانيه&

[قصة غروب]

بسم الله الرحمن الرحيم.

السلام عليكم ورحمة الله وبركاته.

اسعد الله مسااءكم احبابنا اعضاء منتدى احلى كلية

حبايبنا بناء على طلب احد الزملاء انه طلب مني اني اكتب نبذه ولو بشكل بسيط ع الدكاتره اللي راح يدروسكم في سنه ثانيه, وهذا انا جيت ولبيت لطلبه علشان تعرف كيف طريقة الدكتور وماتااخذ وقت على ماتعرف الدكتور وطريقة اسئلته في الاختبار وهكذا.
بشكل عام دكاترة قسم المختبرات من افضل الدكاتره وماشااء الله عليهم على مستوى عالي من الاخلاق والادب والعلم.
اولا:دكاترة الترم الاول:
د.حامد خوجه.
طبعا ماشااء الله الدكتور حامد غني عن التعريف ويعتبر ماشااء الله بحر في تخصصه,الدكتور راح يدرسكم مادة mt skills&instromintaion

طبعا الدكتور حامد بطبيعته انه يحب يستطرد في الموضوع اكثر من مره من باب انه يوصلك المعلومه باكثر من طريقه وباكثر من شكل.
بالنسبه لطريقة اسئلته: الدكتور حامد عادة الاسئلة حقته تعتمد على الفهم بشكل كبير خاصة في الا mt skill. لان ال instromentaion ماده تعتمد على حفظ يعني ما يحتاج يلف ويدور فيها.
وعلشان تجيب درجه حلوه عند الدكتور حامد ذاكره زين وبتركيز وركز كمان على كل نقطه يقولها واكتب معاه خصوصا في المسائل حقت ال lab math.
د.عبدالعزيز بامعروف.
برضوا راح يجي يدرسكم في الinstromention وراح اعتقد يعطيكم جهازين كلها سهله ومافيها اي صعوبه واسئلته جدا واضحه في الاختبار ومافيها لف ولا دوران.
وهوا بطبيعته طيب جدا جدا يعني لا تشيلون همه.
د.عديل شودريه.
طبعا دكتور عديل مااشااء الله عليه عقلية ممتازه جدا وراح يدرسكم جزء في الاinstromintaiom وجزء في ال mt.
جزئيته راح تكون صغيره وسهله لكن المشكله ان الدكتور عديل ما يتكلم عربي الا قليل فاحنا كنا نواجه صعوبه احيانا لفهم المعلومه وتحصيلها وهوا بطبعه يدخل يعطي المحاضرة ويطلع وحبووب واحيان يمزح.
وفي الاختبار جزئيته تكون واضحه ومن الشيت حقه مايطلع شئ من بره.
د.محمد صائم الدهر.
الله يسعده ويوفقه والله انه عسوووووول وعلى درجه عاليه من الخلق وجدا فلااوووي ويحب يمزح وشرحه ممتع.
راح يعطيكم جزء بسيط في الinstro.
واسئلته ماتطلع من شيته ويجيب لك هيا واضحه وضوح الشمس.
د.اسامه الجفري.
دكتور جدا ممتاز ويوصل المعلومه بطريقه حلوه وفي الغالب جزئيته كانت سهله في الاmt عن الsafty والاشياء هذي فاجدا سهله.والاسئله مباشره مافي اي تشغيل مخ.
الترم الاول انا اتكلمت عن مواد التخصص لان هذول الدكتور اللي راح يكونوا معنا دائم اما مواد الطب الاساسيه فاحنا ناخذ الكورس من عندهم ونمشي.
الترم الثاني:
د.طلعت بن عبدالكريم مرزا.
الصراحه مهما قلت في هذا الانسان ما اوفيه حقه وهذا الشئ اقوله حقيقة وليس مجامله وهذا ترى مو كلامي كلام اغلب الشباب اللي عندنا.
هذا الدكتور هو اللي حببني في مادته طبعا هوا بيدرسكم الترم الثاني ان شااء الله هيماتولوجي.
شرحه مبسط جدا والله اعطاه طريقه عجيبه في ايصال المعلومه.
وماايفرق ابدا بين الاولاد والبنات وحطوا تحت هذي مليون خط
وبالنسبه لاسئلته في الاختبارات انا اقولها لكم من اللحين وحطوها حلمه في اذانكم اكتبوا معاه كل شئ وانت تاخذ الدرجه كامله وبس.
د.رفعت الفيومي(البرنس)
الله يسعد قلبه الدكتور رفعت ويحفظه لنا دكتور على درجه عاليه من العلم وماشااء الله المصريين واخذين الدنيا ببساطه.
شرحه جدا ممتاز ويبدا معاك من الصفر ماشااء الله عليه
واسئلته في الاختبار سهله مافيها لف ولا دوران وكلها من الشيت حق وهوا يركز على اشياء في المحاضرة ويقولكم هذي بتيجي في الاختبار.
لاتشيلون همه درجه كامله في الاميون.
د.ممدوح قاري.
دكتور جدارائع راح يعطيكم جزء في الهيماتولوجي وجزء في المليوكيولار بايولوجي.
شرحه حلو وبسيط جدا جدا واسئلته واضحه واضحه وهو يقولكم انا دائم اجيب السوال هذا فانتوا اكتبوا اللي يقوله يااشطار.
د.عادل ابوزناده.
وكيل الكليه والله رزقه ادب واخلاق واحترام الصغير قبل الكبير ماشااء الله عليه.
شرحه حلو وممتاز وبالنسبه للاسئله هوا جزء يكون واضح وجزء يكون فيه تشغيلة مخ شوي لكن في الغالب الاسئله سهله.
د. سالم الكلي.
هذا بس اعطانا محاضرة وحده في الاميون لكن ماشااء الله عليه جدا اسلوبه رااقي(شكله اهلااوي)

هذا بشكل عاام عن طريقة كل دكتور من ناحية الشرح والاسئله.
وانا زي ماقلت هم دكاتره من اعلى المستويات في العلم والادب والاخلاق.
اسال الله ان يزيدهم علما ورفعة في الدنيا والاخره.

اسف حباايبي ع الاطااله ولكم مني جزل الاحترام والود.
تحياتي

&قصة غروووب&

[XHUNTERX]

مع اني فقسم الاشعه بس صراحه مجهود مره تشكر عليه

[عبوور]

قصة غروب شكلك شاطر كلهم اسئلتهم سهلة اجل ليه معدلي زي وجهي
سوري انبراشة مالها داعي
شيء مهم لا تنسوه د. حامد حلوا اسئلته بسرعه لانه يجيب اسئلة تحلها في الوقت بالزبط يعني المسائلة اللي تفكر فيها وتضيع وقت معناته بتاخذ من وقت مسائلة تانية اتدربوا ع المسائل كويس لانه حتجي مسائل كتير
بصراحة كلمة حق زي ماقال قصة غروب دكاترتنا جيدين والله يعطيهم العافية لهم فضل علينا جدا كتير
بس في قصة الاسئلة سنة تانية سهلة وإن شاء الله كل أموركم سهاله بس سنة ثالثة ماراح يكون الوضع كده بجد قصة غروب ودفعته لازم تركزوا لو تبغوا تحافظوا على معدلكم ونفسي ما أجيبلكم الياس بس د. صايم الدهر ماراح يستمر طيب في أسئلة البلد بانك خذوا أسئلة اللي قبلكم وذاكروا بذمة د. بامعروف جدا طيب بس ماشاء الله لانه انسان يحفظ بالنسبة للناس اللي يفهموه اسئلته ماراح تكون سهلة في ثالث لانه راح يجيب سؤال يبغاك تكتب كل الشرح وبكلماته يعني شيته ينحفظ د. ممدوح ود. أبو زنادة الي فعلا أسئلتهم سهلة واللي يقولوا راح أجيبه هو اللي يجيبه ويصححوا بفهمك د. طلعت لما يشرح محاضرة طويلة ويقول راح أجيبلك أكتب المحاضرة صدقوه من غير نقاش لانه يجيب زي كده

[white lily]

شكرا كتيييييييييييير وتسلم على دا المجهود

[قصة غروب]

المشاركة الأصلية كتبت بواسطة xhunterx مع اني فقسم الاشعه بس صراحه مجهود مره تشكر عليه

الله يسعدك حبيبي انا ما سويت اي شئ هذا اقل واجب نقدمه لطلااب احلى كلية.

تشرفت بمروورك اخي الغالي.

[قصة غروب]

المشاركة الأصلية كتبت بواسطة عبوور قصة غروب شكلك شاطر كلهم اسئلتهم سهلة اجل ليه معدلي زي وجهي سوري انبراشة مالها داعي شيء مهم لا تنسوه د. حامد حلوا اسئلته بسرعه لانه يجيب اسئلة تحلها في الوقت بالزبط يعني المسائلة اللي تفكر فيها وتضيع وقت معناته بتاخذ من وقت مسائلة تانية اتدربوا ع المسائل كويس لانه حتجي مسائل كتير بصراحة كلمة حق زي ماقال قصة غروب دكاترتنا جيدين والله يعطيهم العافية لهم فضل علينا جدا كتير بس في قصة الاسئلة سنة تانية سهلة وإن شاء الله كل أموركم سهاله بس سنة ثالثة ماراح يكون الوضع كده بجد قصة غروب ودفعته لازم تركزوا لو تبغوا تحافظوا على معدلكم ونفسي ما أجيبلكم الياس بس د. صايم الدهر ماراح يستمر طيب في أسئلة البلد بانك خذوا أسئلة اللي قبلكم وذاكروا بذمة د. بامعروف جدا طيب بس ماشاء الله لانه انسان يحفظ بالنسبة للناس اللي يفهموه اسئلته ماراح تكون سهلة في ثالث لانه راح يجيب سؤال يبغاك تكتب كل الشرح وبكلماته يعني شيته ينحفظ د. ممدوح ود. أبو زنادة الي فعلا أسئلتهم سهلة واللي يقولوا راح أجيبه هو اللي يجيبه ويصححوا بفهمك د. طلعت لما يشرح محاضرة طويلة ويقول راح أجيبلك أكتب المحاضرة صدقوه من غير نقاش لانه يجيب زي كده

ههههههههه قولي مااشااء الله هههههه.
الله يسعدك هوا صح انتي زي ماقلتي ع جزئية الدكتور حامد خوجه كان فيها شوي صعوبه لانه يجيب مثلا اختيارات وتااخذ نص ساعه الحل.

مااعليكي انا ان شااء الله غير ارفع معدلي في هذي السنه بااذن واحد احد واحنا داخلين سنه ثالثه وكلنا تحدي واصراار والحمدلله نذاكر اول باول والاموور تماام الى الان الله يديمها.

واشكرك الصراحه ع بعض التوضيحات عن بعض الدكاتره اكيد لانك مااشااء الله صرتي خبره.

بس جزئية البلد بانك هيا تعتمد على تاسسيك في الاميون وهذا الكلام اللي قاله لنا الدكتور محمد واحنا مااشااء الله دكتوورنا زي العسل ماسس جدنا صح في الاميون يعني ان شااء الله نضمن درجه عاليه فيه.

الله يوفقك وشدي حيلك وان شااءاا الله ترفعي معدلك وكويس انا حصلت نااس اقدم مني علشان اسالهم رااح ازعجك بس اتحملينا شوي
تحياتي واشكرك ع مرووورك العطر

[قصة غروب]

المشاركة الأصلية كتبت بواسطة white lily شكرا كتيييييييييييير وتسلم على دا المجهود

عفوا كثيييييييييييييييييييييييييييييييييييييييييييييير.
ههههههههههههههههههههههههه
يااستي لاشكر ع وااجب.
الله يسلمك.
وع فكره ترى حطيت سي دي في مكتبة فاطمه من الاسبوع اللي راح ان شااء الله تستفيدين منه.
تمنايتي للجميع بالتوفيق
واشكرك ع مروورك

[eeaassaa]

المشاركة الأصلية كتبت بواسطة قصة غروب عفوا كثيييييييييييييييييييييييييييييييييييييييييييييير. ههههههههههههههههههههههههه يااستي لاشكر ع وااجب. الله يسلمك. وع فكره ترى حطيت سي دي في مكتبة فاطمه من الاسبوع اللي راح ان شااء الله تستفيدين منه. تمنايتي للجميع بالتوفيق واشكرك ع مروورك

شكرا شكرا يا لبى رووووووووحك دايم تجيبها على الجرح لكن بالنسبة للدكتور حامد كل ما اسال احد عنه يقوولي اللة يعينك تحطييييييييم

[قصة غروب]

المشاركة الأصلية كتبت بواسطة eeaassaa شكرا شكرا يا لبى رووووووووحك دايم تجيبها على الجرح لكن بالنسبة للدكتور حامد كل ما اسال احد عنه يقوولي اللة يعينك تحطييييييييم

عفوا عفوا هههههه

الله يسعدك حبيبي الغالي وياالبى قليبك.

الدكتور حاامد والله انه كويس مره لكن زي ماقلت لك هوا يستطرد كثير ويحب ينكت وينتقد كثير فالاسلوب هذا ما يعجب الشباب.

واسئلته كانت كلها تحتاج فهم خصوصا اللاب ماث لكن هوا بيساعدكم كثير في اللاب ماث يعني لاتشيلون هم وانا انصحك اخووي لاستمع لاي احد وعادة خذ عن الشخص الانطباع والاشياء الكويسه ولا تبالي للاشياء اللي تسمع عنه انها سيئة.

ودائما الدكتور حامد الاسئله حقته تتكر كل وانا اذا قدرت اجيب اسئلته السنه اللي راحت باجيبها لكم الكلية او انزلها في المكتبه ان شااء الله ولو ماجات راح تكون نفس الفكره يعني درجاته مضمونه ان شااء الله.

الله يوفقك يالغالي
واشكرك على مرووورك

[عبوور]

ماشاء الله تبارك الله قصة غروب تف تف عشان بعدين ماتقول عبير حسدتني
بعدين أسأل ياسيدي زي ماتبغي إذا عندي إجابة لا تخاف مني بخيلة
ترى د. حامد مو تحطيييم بالعكس مررة جيد وانسان له خبرته ومعلوماته في الحياة بجد ماتلاقيها عن ولا دكتور تاني مشكلته لسانه سليط حبتين أنا كنت من أكتر الناس اللي تتضايق منه و ما أقدر أتعامل معاه أبدا بعدين واحد من صحباتي كانت تحبه جدا قالتلي عبير لا تأخذه كلامه بمحمل شخصي يعني أتاكدي أنه مايروح البيت ويقول هييه انا هزأت فلانه هو مجرد أنه لسان حاد وهو بيقول الكلمة في ساعته وانتهينا بجد فادني الموضوع ده في التعامل معاه
<< ده كله الكلام أنا ماكتبته وما أعرف كيف جاء في معرفي
عن الاختبارات ترى أي مادة يدرسكم هي دكتور حامد حتى لو تحسوا جزءه أصغر من الباقيين في المحاضرات تأكدوا أنه في الاختبار له نصيب أكب في الاسئلة ومعمل كلينكال كمستري ثالث عملي كان كله لدكتور حامد الاسئلة تخيلوا يعني ركزوا على محاضرته
ترى الحياة سهالة يعني بس يبغالها اجتهاد حبتين