بنات الانتساب تعالو ابغا اشكيلكم همي

[ناموسه جده]

كيفكم يابنات

انا طالبه انتظام وابغااا احول انتساب لظروف خاصه

بليزز ابغا اعرف كيف نظام الانتساب وهل هوا احسن من الانتظام


وكيف تكون اختباراتكم ودرجه النجاح فيها من كم ؟

وكيف تعامل الاستاذات معاكم .. ؟

ومتي يكون دوامكم ؟

بلييززز حمسوووووووني للانتساب مره مكتئبه الله يسعدكم

[ريلآكس]

تبادليني ..!


+++++++
وكيف تكون اختباراتكم ودرجه النجاح فيها من كم ؟
اختبار واحد عن 100 درجه
وكيف تعامل الاستاذات معاكم .. ؟
مشي مشي بسرعه بسرعه ..!
ومتي يكون دوامكم ؟
مافي دوام على السنترا يعني في البيت وعلى النت ..!
لمده ثلاث اسابيع يشرحون فيها كل الكتاب
كل يوم مادتين ..
+++++++++





لو جربتي تحضري محاضرات السنترآ يوم واحد .!
يمكن تشيلي الفكره التحويل

[ريلآكس]

بليزز ابغا اعرف كيف نظام الانتساب وهل هوا احسن من الانتظام

^^

عجيب سؤالك ؟
اكيد الانتظام افضل

[BeEera]

انا انتظام وحولت انتساب

والله يالانتساب فلــــــه وسهل موووووووووت ودرجات بالساهل

والاختبارات تختبري مره وحده النهائي من 100

ومافي لاتكاليف ولابحوث ولاواجبات ولااختبارات دوريه ولاحضور وغياب <- اهم شي

واذا ع الشهاده جيبي معدل كويس ويمديكي كمان تبتعثي زيك زي الانتظام ..

اما عن الوظايف فالشغله ارزاق ..

بخصوص تعامل الاستاذات صراحه حسب الاستاذه بس الغالبيه رووووووووعه غير لما يكونو بالانتظام ..

درجه النجاح 60 .. واش كمان ياربي

ايوه اذا كنتي تحضيري.. دوامك حيكون سنترا يعني من النت بدون حضور للجامعه

اما المستوى الرابع ومافوق فيها حضور

:-) اتحمست هع

عموما هذي وجهة نظري الخاصه لاني جربت الانتظام والانتساب,,

[برآءة حروف]

شوفي ياقلبي الانتساب حلو لاشياء وهي

انو ماتتحاسبين على واجب ولا على بحث ولا على حضور ولا على غياب ولا على مشاركة

وكمان الاختبارات اللي كل اسبوع ماتختبريها اكيد طبعا هع

وكمان حلو انك تذاكري وقت ماتبغي ولازم تخلصي قبل الاختبار طبعاً

وفي نهاية الدورة حيدونا الاشياء المهمة اللي لازم نذاكرها والاشياء اللي قراءة فقط والاشياء اللي مايبغالها اطلاع

وكمان وقت ماتبغي تحضري محاضرات في الجامعة تحضري زي ماتبغي ماحد حيكلمك

معلومة

طالبات وطلاب الانتساب دايماً درجاتهم عاااااااااااااليه اعلى من الانتظام

لانو بس تتحاسبين عالاختبار النهائي وطبعا حتكوني مذااااكرة بتركيز وتروحي الاختبار وحيكون اختياري طبعا وصح وخطا

يعني الشي اللي ماتعرفيه تتوقعيه

نصيحة طبعا لطلاب وطالبات الانتساب انكم تربطوووووون بين السؤال والجواب وتربطونو بحولكم

عشان تثبت المعلومة

الصراحة انا عن نفسي افضل الانتساب

بس يمكن احول انتظام مسار علمي عشان ادخل طب طبعاً

والله ييسر اللي فيه الخير يالدووبه

هيييييييه ياحلوة انتي نصييييييييييييحة تستخيري قبل ماتتخذي قرارك

لانو سبحان الله لو استخرتي على طول يتيسرلك اللي فيه الخير حتى لو مابتحسي بشي

اتمنى افدتك يالدوووبه

وبالتوفييييق

تحيتي

^^

[ريلآكس]

صح استخيري ^^


الخيره فيما يختاره الله