اريد التحويل من اداره عامه الى اداره اعمال ..!

[لولو ~]

السلام عليكم ورحمه الله وبركاته

انا طالبه اداره عامه تنظيم وتطوير ابغا احوول من تخصص لاخر

من اداره عامه الى اداره اعمال موارد بشريه ..!

بس ابغا اعرف كم المعدل المطلووب عشان اقدر احوول ..!

اتمنى اللي عنده خبره يفيدني ..وربي يووفقه ان شاء الله ..,

وبس ~.~

[almakro]

بالنسبة للتحويل أهم شي معدلك فوق 3 هذا أولاًُ


والأفضل أنك ترسلي معاملة تطلبي فيها تحويلك . وتحددي القسم والكلية
=========
أما الشروط المطلوبة هي :
أن تكون هذه أول مرة تحولين فيها ، وأيضاً لم تتجاوزي نصف متطلبات التخرج ، وأن يكون معدلك فوق 3

وبالتوفيق

[لولو ~]

يب الحمد لله فوق 3
برسل الحين ونشووف ايش بيردوو

almakro يعطيك العافيه اخوووي وجزالك الله الف خير ..

[$$الفيصل$$]

طيب يااخوان اللي معدله ٢.٩ هل يوافقون علي التحويل من أداره اعمال الى أداره التنظيم والتطوير ولكم مني جزيل الشكر

[ABooOooDIBooty]

اختي الفاضلة صاحبة الموضوع واخوي الفيصل

على حسب علمي انو في اقسام اصعب من اقسام..

يعني تحويلك من موارد بشرية الى تنظيم وتطوير اداري تقدر تسوي وبسهولة وذلك لسهولة القسم..

اما العكس فاتوقع انو صعب لانو من الترم الرابع المواد تختلف كليااااااااااااااااااااا الا في بعض المواد زي لغة عربية وثقافة اسلامية اما المواد التخصص فهي غيييييييييير..

وطبعن موارد بشرية وادارة اعمال دولية وتطوير وجودة هي اصعب التخصصات فلو كنت في احد منها تقدر تحول لاي قسم اخر بسهولة لانو موادك اصعب واشمل من الاقسام الباقية ولكن العكس على حسب علمي انو ما تقدر..

ولكن محد يقدر يفيدكم غير شؤون الطلاب والطالبات في الجامعة لانو حيشوفو المواد التخصص الي درستوها وبالاضافة الى المعدل..

وممكن اذا كانو متعاونيين ممكن يحولوكي يااختي ولكن حتدرسي مواد التخصص من اول وجديد لاني زي ما قلتلك المواد غيييييييييييير..

اختصار للكلام الكتير , امامك حليين
الاول ترسلي معاملة الكترونية لانو الي حترد عليكي قدامها معدلك والمواد الي درستيها وكل بيانات تخصصك فهيا اكتر وحدة ممكن تفيدك..

والتاني انك تروحي الجامعة لشؤون الطالبات وتسالي وتدوري..


ان شاء الله اكون قدرت افيدكم واي سؤال احنا حاضرين..