استفسارات بخصوص التعليم عن بعد

[منصور الشمري]

السلام عليكم ورحمة الله وبركاته ...
كيف حالكم شباب / صبايا يا حقين التعليم عن بعد
ابي فزعتكم 
عندي استفسار ابي التعليم عن بعد هل يمديني احول عليه ؟
وهل فيه جدول للمحاضرات عن طريق الانترنت اون لاين يعني ؟
وهل فيه درجات للي يحضر المحاضرات ومن كم درجة ؟
بالوثيقه هل يكتب اني انتساب اذا دخلت تعليم عن بعد ؟
وماهو اسم النظام الي ندخل فيه على المحاضرات ومتى موعد التحويل للتعليم عن بعد ؟

وشكرا لكم .

[منصور الشمري]

up

up

up

[خـا!لـد]

المشاركة الأصلية كتبت بواسطة منصور الشمري السلام عليكم ورحمة الله وبركاته ... وعليكم السلام ورحمة الله وبركاته عندي استفسار ابي التعليم عن بعد هل يمديني احول عليه ؟ نعم، إذا انطبقت عليك الشروط تروح لعمادة القبول والتسجيل يحولونك ومااعرف الوقت وهل فيه جدول للمحاضرات عن طريق الانترنت اون لاين يعني ؟ نعم، ينزل لك الجدول على موقع الأوديوس. وهل فيه درجات للي يحضر المحاضرات ومن كم درجة ؟ لا يوجد درجات على الحضور، الدرجات توزع على الواجبات والإختبارات القصيرة والمنتديات والرسائل الإلكترونية، ولكن عند تغيبك بنسبة 25% تحرم من المادة ولو حضرت التسجيل تسجل حاضر. بالوثيقه هل يكتب اني انتساب اذا دخلت تعليم عن بعد ؟ يكتب في الشهادة تعليم عن بعد ولكن الشهادة غير معتمدة هذا ما أعرفه. وماهو اسم النظام الي ندخل فيه على المحاضرات ومتى موعد التحويل للتعليم عن بعد ؟ من خلال موقع السنترا تدخل على المحاضرات حسب مواعيدها، ومن خلال موقع الآيميس تحل الواجبات والاختبارات وتتفاعل مع الدكتور، أما الموعد أعتقد إنه آخر كل ترم ولكن إتصل عليهم أفضل. وشكرا لكم .

,,,,,,

[منصور الشمري]

خالد

الله يعطيك العافية اخوي وما قصصصرت وبيض الله وجهك يعني على كذا
ابقى على انتسابي ارحم لي :(
يقول خلك على مجنونك لا يجيك الي اجن منه هههههههههههههإإي

يعطيكم العافيـة

[sealove]

وعليكم السلام ورحمه الله وبركاته


عموما من الترم الجاي الكل يحول تعلم عن بعد

و ايضا بخصوص ((يكتب في الشهادة تعليم عن بعد ولكن الشهادة غير معتمدة هذا ما أعرفه.
))

هذا الكلام اول مره اسمعه كيف ماهو معتمد ودراهمي ووقتي هدر مثلا مع نفسي

الاخ خالد ماقصر وان شاء الشباب مايقصرون معك بعد




.

[! سلطـــان !]

بخصوص اعتماد التعليم عن بعد اتمنى محد يكتب لنا معلومة الا بمصدرها الرسمي

عموما شف هالرابط يمكن يفيدك

http://www.skaau.com/vb/showpost.php...01&postcount=8

[منصور الشمري]

المشاركة الأصلية كتبت بواسطة ! سلطـــان ! بخصوص اعتماد التعليم عن بعد اتمنى محد يكتب لنا معلومة الا بمصدرها الرسمي عموما شف هالرابط يمكن يفيدك http://www.skaau.com/vb/showpost.php...01&postcount=8

الله يعطيك العافية اخوي سلطان لكن هل عندك علم يمديني احول او لا
علماً بان الساعات الي اكتسبتها 40 والمسجلة 43

وشكرا لك اخوي

[! سلطـــان !]

المشاركة الأصلية كتبت بواسطة منصور الشمري الله يعطيك العافية اخوي سلطان لكن هل عندك علم يمديني احول او لا علماً بان الساعات الي اكتسبتها 40 والمسجلة 43 وشكرا لك اخوي

تقدر تحول لانك ما اجتزت اكثر من نصف عدد ساعات التخصص

بس في ملاحضة بالتعليم عن بعد مافي مسار تطوير وتنظيم اداري الموجود ادارة عامة مستر عام فقط

اتمنى لك التوفيق