مقـــارنه هندسيه بين جامعه طيبهvsجامعه عزوز

[Mr.midooo]

صبـــــاح/مســـاء النور للمهندسين
شباب ابي مقــــارنه بين دراسه الهندسه
بجامعه طيبه>>فيه ناس تبيه يددرس فيها(العائله كلها)
وجامعه الملك عبـــــد آلعزيز
مــــــن كـــــــل النواحي
الاعتمادات,عدد التخصصات,الفرص الوظيفه لخريجي الجامعتين,السهوله,الصعوبه.........
ويـــــآليت كـــــل واحد يقولنا رآيه ايهم احسن
طبعا بدون تعــــــــصب آو انحيــــاز
وشــــــــــآكر لكم مقــــــدمآآآ

[مدني1]

اكيد مافي مقارنة بين الكليتين فكلية الهندسة في جامعة الملك عبدالعزيز كلية عريقة وحاصله على الاعتماد الدولي الاكاديمي
اما كلية الهندسة بجامعة طيبة فعمرها 6 سنوات فقط

ومن ناحية الصعوبه خذها قاعده اي كلية حديثه لازم تكون دراستها صعبه عشان يثبتوا وجودهم عن طريق المخرج اللي هو الطالب

هذا رأيي وبكل حياديه وانا لا انتمي لا لجامعة طيبه ولا لجامعة الملك عبدالعزيز

[Eng.3zoz]

انا من المدينه وحصلتلي نفس مشكلتك زمان وقلت كلمه وحده ازا فيها جامعة خيبه اقعد في البيت احسن يراجل استخير وربي يكتبلك الخير

[Mr.midooo]

المشاركة الأصلية كتبت بواسطة مدني1 اكيد مافي مقارنة بين الكليتين فكلية الهندسة في جامعة الملك عبدالعزيز كلية عريقة وحاصله على الاعتماد الدولي الاكاديمي اما كلية الهندسة بجامعة طيبة فعمرها 6 سنوات فقط ومن ناحية الصعوبه خذها قاعده اي كلية حديثه لازم تكون دراستها صعبه عشان يثبتوا وجودهم عن طريق المخرج اللي هو الطالب هذا رأيي وبكل حياديه وانا لا انتمي لا لجامعة طيبه ولا لجامعة الملك عبدالعزيز

شكرآآ لمرورك مدني حتى انا بصراحه هذا رئيي وغير كذا
جامعه طيبه مافيها الا تخصصين:كهرباء,ميكانيكا وكلهم مو معتمدين
يعني اعداد طلاب الهندسه قليله >>'طبعا تتضائل فرصتك بــ تخصص الهندسه
على عكس جامعه عزوزالي فيها كل التخصصات ومعتمده كمان

المشاركة الأصلية كتبت بواسطة eng.3zoz انا من المدينه وحصلتلي نفس مشكلتك زمان وقلت كلمه وحده ازا فيها جامعة خيبه اقعد في البيت احسن يراجل استخير وربي يكتبلك الخير

شكرآ على رائيك بس بصــــرآحه مافهمت كلآمك
ويــــآليت اشوف ردود آكثر وشـــــآكر لكم

[fort of cups]

بس حط في باااالك اخووي انك اذا جيت جده راااح تتعزب ,,,

وربي ترا من واقع تجربه حياة العزوبيه ابدا مي مهيأه للدراسه والمذاكره,,,

لان في الغالب مافي شي يربطك وغير كذا مصاااريف وخصوصا انك في جده وحط تحت جده خطين

لان مصاريفها شوي عاليه,,,

بالنسبه لي لو في جامعه في المنطقه اللي اهلي فيها بغظ النظر معتمده والا لا وربي ما ادرس الا فيها,,,

نصيحه اخويه ادرس في جامعتك,,,

او استخير وشوف اللي يريحك,,,

بالتوفيق لك,, ^_^

[gentle man]

انا شخصيا اكتر من شخص من عيال المدينة للاسف نسبة 74% يا يفشلو ويروحو اقسام تانية يا تلاقيهم معدلااتهم واطية ومفقعين وال 26%

دولا مشاا الله دوااافير مافي شي وسط يا فوق يا تحت

وانا في نظري السبب واضح انت بتكون مسؤل عن نفسك وانت الي بحدد ايش تبى طبعن المشكلة انو انت عزاابي

يعني فلتك طلعتك سهرتك نومك صحيانك محد بيحاسبك الا نفسك

اذا انت من النوع الي ما يقدر يقعد لحالو لا تجي لانك ببساطة تجي هنا تلاقي نفسك كل يوم مع الشباب طلعة وفلة
وكدا وتتلهي عن دراااستك خصوصا انو هناك في المدينة في اهلك في ارتباط مافي اماكن تطلع هنا مشا الله تطلع وتفل على رااحتك

يعني تفرررق كتير

غير كدا العزاابية وكر الشباب الي مهم عزاابية تلاقي كل الشباب يتلمو عندك يكون عندك اختبار مدري حطنش تقول يلله نفل وكدا

تقدر تعيش لحااالك !!!!!

انا اقصد انو ما تتجه للي يتجهولو اغلب الشباب انهم يعيشو لحاالهم صح بس طول اليوم في عزبة واحد وكدا

فكر كتير انا بعد 4 سنين دا رأي

ارجع اعيد في كلمتين لاني طولت فوق

اذا انت كنت عاااااااايش فلتك في المدينة وتقدر تنتبي على مستقبلك وعندك القوة انك تواجه كل التحديات الي حتواجهها تعال

اما ان كنت عايش ما بين اهلك وطلعت خفيفة مع اقاااربك واصحاابك انصحك تكمل في المدينة
بالتوفيق

------

صح بالنسبة للاعتماد والكلام دا ترى مو مهم

في النهاية اهم شي انت ايش فاهم ولا لا راح تقدر تثبت نفسك في المقاابلة في المعدل في في

اما بالنسبة للصعوبة فا بالعكس هناك مافي abet يعني مافي صعوبة زي دحينا

افتكر الدراسة قبل الابت وبعدها وربي فرررق جدا كانت اسهل بكتير

كلية جديدة الدراسة تكون فيها سهلة افتكر كلية الباحة والي دحينا سارت جامعة افتكر الشباب كيف كانو فيها دراااسة ولا اسهل

ونفس الشي دحينا الشبباب حقون عزوز الي فرع الشماال كلهم مبسووطين لدرجة انو كتيير سارو يشردو الشمال عشان المباااني والوضع الافضل والتدريس ايضا

بالتوفيق لو عندك اي استفساار ابشر

[iron-maiden]

شوف اخوي انا ماانصحك نهائيا بجامعة خيبه انا طالب هندسه في طيبه والكليه مره زفت والدكاتره معقدين لابعد درجه يعني لو تقدر تدرس في جده وعرفت تنظم وقتك رووووووح لجده ولاتفكر في طيبه ابد ولو درست في طيبه ادخل ميكانيكا وانحش عن الكهربه
بالتوفيق ان شاء الله

[صقرر]

اخوي استخير ربك قبل كل شي

انا من رايي الشخصي ان كل الجامعتين كويسة

الا ان الفرق بينهم في الاعتماد الاكاديمي حيث انك تتخرج من جامعة الملك عبدالعزيز وشهادتك معتمدة من الابت العالمية اما جامعة طيبة ما ادري صدر عندهم النظام او لا

وجامعة الملك عبدالعزيز موادهم اقوى من ناحية الدراسة وممتعة وغير كدا تستفيد اكثر من المواد العامة في الهندسة لانها تبني افكارك ومستقبلك وتفتح لك العالم الخارجي وكيفية التعامل معه << من واقع خبرة

والدراسة في جدة عادية والاسعار معقولة يعني مافيه فرق لو انت في المدينة او جدة مجرد السكن ممكن يفرق فقط يعني تستأجر شقة فقط وبقية الاشياء كالاكل والشرب والخرجات والوناسة وكدا عادي زي اي مكان ثاني في المملكة ... تاخذ مكافاة 990 ريال شهريا وحاول تقتصد فيها . او تشوف السكن الجامعي او اي شقة خارج الحرم الجامعي

بالتوفيق ...

[king of world]

شوف

انا من طلاب جامعة طيبة

من جهة الدراسة صعبة فهي فعلا صعبة زي ما قالو الاخوان

لكن الكتب المستخدمة على اعلى مستوى عالميا

صح ما عندنا اعتماد دولي

لكن هذا الشي بسبب الادارة السيئة

وطبعا في جدة احسلك بحكم الاعتماد الاكاديمي بس اذا تقدر عالعزوبية

وثاني شي

بالنسبة للفرص الوظيفية متوفرة للجميع

المهندس مرغوب بكل مكان

اكيد جامعة عزوز افضل من طيبة بس العزوبية برضو صعبة

انتا استخير ربك بس

وبالتوفيق