بطاقة تعريفية عن الـ leader و الـ coleader

[do0ody-do]

ي مرحبا و مسهلا ..

اسفرت و أنورت وأستهلت وأمطرت .. نورتنا ومن قوة نوركم قطعوا عننا الكهرباء ..

اليوم راح أشرحلكم بابسط الكلمات مين هما وكيف شغلهم و .. الخ " الليدر و الكوليدر"

الليدر+ الكوليدر عبارة عن " شخص طريف ظريف طويل البال ذو حضور و شخصية قوية عنده قدرة ع التعامل مع جميع انواع المخلوقات الحية و ترتيب الوقت "

الليدر بعبارة ابسط عريييييييييييييييييييييييف الكلاس .. هو الشخص الي راح تكون عنده ارقام الدكاترة الي راح يزبط الجدول معاهم الي راح يستشير الكلاس في مواعيد الاختبارات ممكن يكون فله و يشطح زياده زيي طبعا للبنات الكلام الجاي " و ينظم رحلات للشطر و يحدد موعد في الاسبوع تطلبو فيه من مطعم و ساعات اتهور و اجيب اللاب توب و افلام ونتفرج >> ما شوفتوا شي اوك ..

اشياء لازم يراعيها الشخص الي يبا يكون ليدر :
1- انتا ابدددددددددا منتا فوق كلاسك .. بالعكس انتا بتخدمهم .. فيعني لا تسوي ابو العز و ابضاي و انا الاسد و انتوا القطيع ..

2- عممممممممممممممر العرب " الكلاس" ما راح يتفقوا ع شي محدد خصوووووووصا جداول الاختبارات .. و دايما بناخد بصوت الاغلب و الاقرب للعقل و المنطق ..

3- انتا راح تكون ع اتصال دايم بالدكاترة فاختار الاوقات الصح في الاتصال او و انتا بتاخد رقم الدكتور اسال متا تحب اتصال عليك ؟ .. كدا باسلوب كيوت .. مو " دكتور من متا لمتا ادق ؟! >> فيييييين نحنا في زقاق الحارة ي ابو ..

4- اذا كان في قسم اولاد " التغذية و التمريض ما فيها و دا احححححححلى شي " .. راح تكونوا مضطريين كل ما سويتوا شي للاختبارات تدقوا ع الليدر تبعهم .. و ي ليل ما اطولك ع معاهدات الصلح ..

5- ارقام الدكاترة ابددددددا لا تتسرب و لا انتا ليدر مبزوط " يعني ليدر مهمل "

6- اذا احد حب يساعدك غير الكوليدر لا تطير فوق و ما تسمعله انتا اذنك لازم تنزل حتا لدبيب النمل .. عني انا احساس انثى و الكوليدر هما الي زبطوا جدول الدراسه لاخر اسبوع و انا كنت بس بدق ع الدكاترة .. و نتفق ع الموعد ..

7- اذا صار شي ممكن من قبل الكلاس زي مثلا نصهم ما حضروا محاضره اضافية في وقت البريك راح تاخد ع راسك كلمة زي " فين الباقي انتا ما بلغتهم طيب ناديهم و الخ .. بس عاااااااااااااااااااااااادي take it easy ya 3zezi .. انا قيد اتقفلت في وجهي سماعات و اكلت تهزيء عشان اتاخرنا ع محاضرة .. كنا نحسب انها في الكلاس ..

8- دايما كونوا حنينين و مو لو دكتور زعل و انتا معاك الحق تمدولي البوز شبرين .. عادي انتوا اعتذروا .. و زبطوا الوضع بابتسامه في الوش كل ما قابلتوه .. و بعض الدكاترة روسهم ناشفه يعني بالمختصر المفيد " لااااااا تتقاوح معاه او لا تستمر في تبيين انه هو الغلط " ..

9- الكلاس راح يكون كبير في بعض الاقسام .. فحرام الليدر يرسل رسايل ل45 شخص بان المحاضرة اتغيرت او الدوام يبدا الساعه و ساعات تكون طويلة الرسايل و الفاتورة كولها ع راسه .. الله لا يهينكم فاكرين التقسيم الشجري .. عليكم به .. فيصير عندكم .. ليدر .. كوليدر .. و مجموعة وقدرها 6 اشخاص سب كوليدر

10- ايوا ع المحاضرات لازم يكون عندكم .. قروب غير الليدر و الكوليدر مثلا اربع اشخاص دولا خاصيين لاخد المحاضرات الي برا الكلاس بدل الزحمه الي تصير في الكلاس الاخر .. و تنحط ع الدسك توب تبع كلاسكم ..

و قروب خاص للمكتبه عشان طباعة المحاضرات لان بعض الدكاترة راح يدوكم هي جاهز .. نحنا عملنا فكرة بداية السنة اخدنا من كل بنت 10 ريال .. و استعملناها للمكتبه فبعد ما خلصت جمعنا تاني و هكذا .. بس ما احد ياكل منها لانها امااانه و تكون خاصه للكلاس كامل ..

كمان كدا يكون في شخصين .. خاصيين بالايميل و رسايله .. و متفرغين له .. يعني في دكتور راح يقلكم راح ارسله في الايميل .. ف ع طول تدوه ايميل الشخص دا .. " لاااااااااااااازم كدا بعد ما تستقروا باسبوع يجيبوا ورقمه كل واحد يكتب فيها اسمه - ارقامه البيت الجوال الخ - و الايميل " .. و تنطبع بعدد الكلاس ..

11- لازم كل صباح كدا تشغلوا الكمبيوتر تنزلوا شاشه العرض تشغلوا الداتاشو .. طيب في عله في شي ما .. بسورعه كدا تكونوا لهلوبين " يعني خفيفين الحركه " .. و تفتشوا عن كلاس تاني و تسالوا الشوون او تبلغوا الدكاترة ان الكلاس اتغير .. و دايما انتبهوا من الفيروساااااات ..

12- ياااااااااااااااااااااااارب تكونوا قد المسؤلية .. ^^ .. و ع فكرة مرا بسيط شغل الليدر بس عشان الهرج كتير تحسوه كدا ملغوص و مدري كيف ..

عقبال ما نشوف الليدرات الجدد ي رب ..

تحياتي .. ..

[د. هدّولا]

الليدرية .. الطريق الأسرع للوفاااة ههههههههههه

هو حلو وإحساس بالمسؤولية
وأي أحد يحب يكون ليدر على قولة المسل " الحكم فرحة لو على فرخة " << لحد يعصب :/

إن شآء الله كلنآ نكون متعاونين
وأحلى وأكول وأجمل قروب med 11

[Beeshoob]

هههههههههههههههههههههههههههههههههههههههههههههه

موضوعك رااائع مرررره حبيتو ويعطيكي العافيه ع الموضوع

اما على حكاية الليدر فعلا هيا مره تحتاج مسؤوليه ومافكرت فيها دحين ابدا يمكن بعدين بمعجزة ما << بعد ابداعي في ليدرية الفيزكس والبايو
واروع شي تعريفك لليدر راائعه صراحه وان شاء الله نشوفك انتي كمان

[Majed7]

تسلميـ عالموضوع وتعريفك الشامل والكامل عن الليدريــة ..

أنا بوديـ أترشح وأكونـ ليدر لكن راح أخرب دفعتي لان فيني بعضا من البزوطة .. فـ أترك المجال لـ شخص أكفأ مني ليتولى المهمة >> يتكلم كأنه ضامن المنصب هههههههههه


شكرا عالموضوع ^_^

[فخر النماص]

يعطيك العافية


موضوع غاية في الواقعية


وانا اقرأ الموضوع جالس يتخيلي ليدرنا الملك ياسر البلادي ( ysory )


الله يرجعه لنا بالسلامة

[No_0ne]

الليدريه شي انحشت منه طوال السنا الي فاتت ...
ببساطه هي كبش فداء :( و البعض الله يهديهم ما يعترفون بمصطلح سقط سهوا او لقد نسيت p:
و بالنسبه لي اتنازل عن الليدريه بكامل قواي العقليه و الجسديه الا في حاله لو الكلاس مكون من بنت وحده و هي انا و ذا شي مستحيل p:

[ولد حلال]

الليدر حيكون عليه عبء ثقيل شويتين

بس اهم حاجة يكون منظم ويعرف يرتب وقته ما بين مذاكرته وتسيير شؤون الدفعة

غير كذا يكون فهلوي ولسانه طلق ويتحمل جميع انواع الاسئلة من الطلاب

بالتوفيق للجميع

[محمد عماد]

الليدر هو انسان يضحي بوقته وجهده من اجل باقي الطلاب
ولازم يكون رجل امين يحب الخير للأخرين ويفضل المصلحة العامة على الخاصة
ويكون صبور يتحمل التعب .. والله يكون في عونه

مشكورة د. دودي على الموضوع

[فتى تثليث]

موضوع مرررررة جيد..
حبيت اسلوبك في تبسيط الموضوع..
الله يوفقك..
وتقبلي مروري..

[mo3tz_bam]

هههههههههههههههههه انا لو يدوني فلوس ماصير ليدر
خلوني اجي بدري اول بعدين نتفاهم
ممكن اخدكم في حكاية وحدة بس
حكاية انو نطلب من مطعم
احلا حاجا عجبتني في الموضوع كلو
<< عشقو الاكل =d
ف الزبدة انا اكبر مبزوط ما انفع ليدر =p