هل استطيع النجاح

[الحساوي1]

طبعا انا توني مستلم الكتب وحاب اجل سمستر بس طبعا مو مسموح زين طبعا ماراح استطيع اذاكر المواد كلها لانها طويله واجد ولا عندي ملخصات وعندي دوام في الشركة بعد يعني اجي مايبقى عندي وقت بس ودي انجح . زين انا لو رسبت كيف راح يكون وضعي السمستر الي بعده هل استطيع اكمال الدراسة

مشكورين اخوتي

[زهرة تشرين]

المشاركة الأصلية كتبت بواسطة الحساوي1 طبعا انا توني مستلم الكتب وحاب اجل سمستر بس طبعا مو مسموح زين طبعا ماراح استطيع اذاكر المواد كلها لانها طويله واجد ولا عندي ملخصات وعندي دوام في الشركة بعد يعني اجي مايبقى عندي وقت بس ودي انجح . زين انا لو رسبت كيف راح يكون وضعي السمستر الي بعده هل استطيع اكمال الدراسة مشكورين اخوتي

أخي الحساوي: أولا- شي استعين بالله عزوجل
ثانيا- لا تفكر بهذا الشكل السلبي
ثالثا- أنت بهذا الشكل توجه طاقه سلبيه
رابعا- لازم تكون متأكد إرادة الانسان قويه جدا
خامسا- حط في بالك المعدل الأول أهم شي يعتمد عليه أشياء كثير
سادسا- أعمل على إخراج الطاقه التي بداخلك ووجهها نحو هدفك
سابعا- مو معقول كل المواد ماعندك فكره عنها أو كلها صعبه
ثامنا- بما إنه ماعندك وقت حدد المواد الي أسهل عليك
تاسعا - اعتمد على هذه المواد وشد حيلك فيها
عاشرا - حط في بالك المواد الي ترفع المعدل الي عدد ساعاتها 3
الحادي عشر - على الأقل في النهايه عند أسوء شي ممكن تحمل ماده او مادتين
الثاني عشر- فيه وقت اكثر من 10ايام الحاسب ب3 ساعات وهو بسيط اذا عندك
خلفيه
*أخيرا رتب نفسك وشد حيلك وأهم شي الوقت قسمه وكلها اسبوعين *
وفقك الله.. أخيرا أنت تستطيع النجاح باذن الله تعالى توكل عليه وهو حسبك..

[الحساوي1]

مشكور اخوي بارك الله فيك

[عبدالعزيز366]

السلام عليكم..
طيب وش اللي يقول اللي صارله حادث وجا له كسر بيده اليمنى ولا بقى على اختباراته إلا 15 يوم
ويالله يكتب بيده اليسرى ..
ماقول الا الحمدالله على كل حال وشد حيلك وتوكل على الله اولا و آخرا...

تحياتي..

[الدامح111]

هلا والله اخوي الحساوي

انا نفس حكايتك

بس بأذن الله

راح اعدي الترم واجيب معدل لايقل

عن ثلاثه وراح اذكرك إن شاء الله

انت بس شد حيلك وبس

وتوكل على الله

ولايوسوس لك الشيطان انك ماراح تنجح

تذكر قول الرسول صلى الله عليه وسلم ( إذا سألت فسأل الله ، وإذا استعنت فستعان بالله )

فأن الله هو الهادي

فاطلبه بالدعاء واعطه حقه

وما توفيقي إلا باللـــــــــــــــــــه

اخوك / الــــــــــــدامـــــــــــــح

[قوة اصرار]

اسأل الله العظيم التوفيق والنجاح للجميـــــــــــــــــــــــــــــــــــــــــــــ ع

[دربـ وفا ـي]

حساوي

من جد قمة التحطيم ... لاتنسى انه لعقلك الباطني تأثير في اللي بتقوله على نفسك ""

بعدين اذا فكرت تعتذر فلا يحقلك الأعتذار " اذا كنت سنه تحضيري او مستوى اول .............

بعدين تفكر في لو رسبت "" اجل انت راسب من الحين "" وفي حال رسبت اذا كنت سنه تحضيري انا سمعت مادري مجرد كلام انه اللي مايجيب معدل اقله 3,75 يطردونه واتأكد بنفسك ذا انا سمعته من بنات سنه تحضيري .." والله اعلم " وفي حال جبت معدل عالي تدخل بالتخصص اللي تبي ..

واذا عن الدوام ياخي خذ اجازه ولا تطلع من البيت اللين الأختبار .. واضغط على نفسك .. حسس نفسك انك قدهـــــــــــــــــــــا .. ولا تضيع عليك فرصه الكل يحلم فيها ... ويجيك يوم وتــ ن د م ......"

[الصامل]

الله يوفقك اخي الكريم وماعليك وانا اخوك شد حيلك ولا تحطم نفسك وتحطم غيرك

خلك شديد وانا اخوك وطيب بالله عليك يعني تفكر كيف ترسب وباقي لك 15 يوم

ياخي ماودي احلف انك بتنجح بس بصراحه فكر انت بالأسئلة اللي بتجيك تراها سهله مايبي لها شي مويه

يعني كلها اختيارات وصح وخطأ وش تبي ياخي تراها سهله جدا انت سو اللي بقولك عليه


من اليوم افتح الكتاب ابدأ هاليومين حط برنامج في بالك وجدول نفسك يعني مثلا

اليوم وباكر مهارات الاتصال لأنها هي الاسهل

وبعده خل 3 ايام مهارات التفكير شوي غزيره بس ماعليك

طبعا على اقل تقدير تصفحها واعرف وش فيها اقل شي تسوي

وفي اللي انت تسويه هذا خذ لك مدرس احصاء لمدة اسبوع على اقل تقدير كل يوم ساعتين يشرح لك بعض النقاط المهمه

وايضا اذا خلفيتك باللغه الانجليزية تعبانه مايمنع انك تاخذ مدرس خصوصي للغه الانجليزيه ولو مدة اسبوع ايضا

مع اني اشوف انه ماله داعي تاخذ مدرس للغه ولكن على حسب خلفيتك .



اتمنى اكون افدتك اخي الكريم تحياتي


انا اتكلم في حال ان كان خطتك ب
وقس على ذلك اذا خطتك أ