أحياء 202 أو فيزياء 202 أو كيمياء 202 ؟؟؟؟؟

[Al-AzDi]

السلام عليكم ورحمة الله وبركاته وكل عام وأنتم بخير

عندي سؤال

أنــا عندي في الخطة

مقرر علمي (معملي) ٢

من 4 ساعات

فما أدري وش اختار وياليت تساعدوني وتدلوني على الاسهل

وعندي سؤال ثاني + هل الاحياء بالعربي + ؟؟؟

وشكرا

[الشيمآء]

و عليكم السلآم و رحمـة اللـه و بركآتـه ..

كورس أحيآء 202 انقلش ..
و بالنسبة لي أفضل " بكتيـر " من كيميآء 202 ..
و فيزيآء 202 ما أخدتها :$

بالتوفيق ~

[Al-AzDi]

أشكرك أخــتي

أنــا متـعقد جدا من الأحياء

النحس والحظ السيء والمشاكل تلاحقني من الثانوي في المادة هذي

هل المادة لها تست بانك أو ملخصات

وكم كانت درجاتك فيها ومعملها كيف

[الشيمآء]

^
الكتآب المطلوب في الكورس نفس كتآب التحضيري ..
بتآخد منو 8 فصـول ..
و فيه سلآيدآت ..
بس المزآكرة كآنت من الكتآب :$

المعمل حلـو و مسلي ..نفس الكلآم اللي في النظـري يتعآد ..
بس فيه تشريـح فأر و تشريح عين بقـرة

الأحيآء بشكل عآم تستهويني .. عشآن كدهـ درجتي الحمد للـه في دآ الكورس ممتآزة :$

الكيميآء 202 كيميآء فيزيآئيـة :/
الخلآيآ الجلفآنيـة و الجهد الكهربآئي و دآ الكلآم
الكورس من 6 فصـول .. برضـو من نفس كتآب التحضيري ^^"
ممكن تطلع ع المنهج هنــآ

اللـه يختآر لك الخيـــر :) .

[sarona sweet]

وعليكم السلام ورحمة الله وبركاته

بما إني بايوك فأخذت الأحياء والكيمياء لكن فيزياء ما عندي

كل الكورسين سواء بايو أو كيم فكلهم سهلين وحبوبين وما احلاهم لكن الكيم يعتمد بالدرجة

الأولى ع الدكتورة

البايو كورس مرره ممتع ومتنوع عن كل شيء يعني حتى لمن تذاكر ما تحس بالملل ومعمله

مررره حلووووو ويعطونا مراجعة لكل المعامل وهيا نفسها تجي في الإختبار بالنسبة

ليا كانت مادة رائعة جدا

الكيم كورسه مرررره كان خفيف جدا جدا جدا وكل معامله متكررة تقريبا اول 3 او 4

معامل نفسها وإللي بعدها برضو نفسها كان مره حلو وكل شيء مرتب و حتى أدواته

جدا بسيطة

ولو خيروني بين الإثنين...طبعا راح اختار بايو

فأولا واخيرا أستخير وإن شاء الله أي وحدة تاخذها تجيب فيها الفل مارك

وإن شاء الله موفقين كلنا

كنت أحسب صاحبة الموضوع بنت فمررره سوري لأنتي كنت اتكلم عننا إحنا البنات

[بيو كيميائية ^_^]

شوف أحياء 202 أفضل

وعلى حسب ماعرفته إن الأولاد تست بنك عندهم وعربي وإحنا البنات إنجليزي ومافيه تست بنكـ

[Al-AzDi]

الله يعطيكم العافية كلكم

[دافئ الإحساس]

يا بويا

الاحياء هوا اللي اسهل وخدها عند العشماوي

سهلا ومالها داعي

ولا تزاكر المحاضرات

ولا تفهم الدرس تعالي عشين التحضيري وبس

وزاكر من التست بنك لنو بالعربي وتافه كمان

بس مدري ازا بيخلوو الترم دا بالانجلش

موفق

[LeLou]

أنا بحكم أني فيزياء..

فيزياء 202 سهلة جدًا و معتمدة على الفهم..
فإذا ما تحب تحفظ هذي المادة مرة كويسة..
المادة اسمها أساسيات الكهرباء و مغناطيسية..
كانت جدًا ممتعة بس أنا ما فلحت فيها لأنه الدكتورة إللي درستنا هي الله يسامحها كانت ما تشرح..
تفتح الداتا شو و تقرا منه و بس..
لكن أسمع الشباب يقولوا أخذوها عند الدكتور علي الزهراني يقولوا ما شاء الله تاخذ عنده الــ a+ بالراحة..

و إنت قبل كل شي استخير..
و بالتوفيق||~