مين عدلت جدولها عند د.ليلى الشريف :(

[fatoom sweety]

السلام عليكم

يابنات انا اليوم حامت تسبدي من الكلية
انا تخصصت احياء ومانزلي جدول في الاودس غير الثقافة االاسلامية ورحت السبت والاحد واليوم ومااستفدت شيء مشرفتي اسمها د.ليلى الشريف رحت امس قالولي عندها اجتماع واليوم خرجت بدري الساعة 10 وانا توي واصلة والله انقهرت ورحت اسوي جدولي عند اي مشرفة بس قالت لازم مشرفتك تسويلك

الزبدة مين مشرفتها زيي د.ليلى الشريف و مين سوت جدولها عندها ؟ و تنصحوني بكره اروح ولا لأ؟ واذا رحت اروح الساعة كم لاني دايما اروح 10

معليش طولت كثرت اسئلة بس ماابغى اغلط زي اول وشاكره لكم موفقين يارب

[ذكرى الاحلام]

والله ما ادري انا زيك احياء بس مشرفه غير لكن روحي لرئيسة القسم تبع الاحياء إن شاء الله تفيدك وقولي لها عن
حالتك.. وإن شاء الله تساعدك ... الحقي على نفسك قبل لا تقفل الشعب وانصحك بدري
يعني الساعه 9 تماما تكوني موجوده بالكلية ... والله يكتب لك وللجميع الي فيه الخير..

[fatoom sweety]

طيب رئيسة قسم الاحياء في اي غرفة ؟! واي دور ؟ ماابغى اضيع:(

[ج’ـدآويهـ آنتيكهـ~]

رئيسه قسم الاحياء الدكتوره اريج باعشن تلقيها في الدور الثاني من مبنى العلوم مكتوب على الغرفه 214b

انا رحت عندها لانو مشرفتي قالت ماقدرافيدك وحطيت معلوماتي وقالت اشووف

والله يووفقك يارب

[حساسة بس الماسة]

ياعسل روحي عند الدكتورة اريج باعشن انا مرشدتي مو موجودة رحت عندها واضافتلي
ان شاء الله تفيدك

[•вαсτєячα ≈]

^
^
^

نفس الحاله رووحي عند أريج أحسن لك لأن أصلا في كل الحالات الورق بعدين تاخذه د. أريج هي تسوي الحذف والاضافه ..

نفسي أعرف ليش مافتحوا لنا الحذف والاضافه كان أحسن لنا ولهم من الحووسه هذي ..!!

[fatoom sweety]

اهااااا د.اريج باعشن هي الرئيسة مع اني قابلتها يوم السبت خخخخخ اوووكي مشكورين يابنات ما قصرتوا

[يااارب وفقنـــي]

د/ أريج باعشن دي الدكتورة عسسسسل ماشاء الله عليها درستني في التحضيري
عندي سؤال : كيف أعرف مرشدتي؟؟ وهو لازم أروح عند المرشدة أول بعدين المشرفة ولا عادي ازا رحت على طول للمشرفة؟؟

[fatoom sweety]

لا المشرفة هي نفسها المرشدة ههههه اذا انتي عارفة مشرفتك او مرشدتك تروحيلها وبالتوفيق (:

[يااارب وفقنـــي]

fatoom sweety: ههههههههه وربي احراج خخخخخخخخ <<<< بتضحك على نفسها
المسميات كترت :) هههههه