ممنوع الإقتراب <<<<< أملاك خاصة >>>>> ممنوع البناء / خليك على الإيجار أحسن

[إحساس ناجح]

مساء الخير على الجميع ندخل في الموضوع على طول بالأمس طلعت مع أخوي الكبير مناطق في جدة منها عسفان وبحرة وأبحر السبب إنو أخوي مهندس زراعي وطلب منه البحث عن أرض بمساحة عشرة كيلو لإنشاء مزرعة دواجن لوزارة الزراعة . المهم قلت راح أمشي معاك . قال : طيب عندما وصلنا لعسفان وكما تعلمون أن عسفان منطقة خالية من السكان إلا نسبة بسيطة لاتتجاوز 10% وبعد بحث طويل وبين الجبال في الداخل تم الوصول إلى أرض مسطحة بيضاء طولها يصل لأكثر من 50 كيلو تم تحديد 10 كيلو مساحة الأرض بواسطة جهاز إرسال وتم إبلاغ الوزارة للموافقة وصدرت الموافقة قبل أن نذهب من المكان أتت مجموعة سيارة شرطة تقريبا أربعة سيارات نزل الضابط يسأل إيش عندكم قال أخوي . عندنا أمر من الوزارة لإيجاد أرض بمساحة 10 كيلو قال الضابط / لو سمحت توكل على الله ولا أشوفك هنا هذه أملاك خاصة من عشرة سنوات وممنوع التعدي عليها سواء من وزارة الزراعة أو البلدية شوف مكان ثاني ( المشكلة إن الأرض في مكان بعيد عن الخط العام ومافي أي لوحة تثبت أنها أملاك خاصة وصاحبها اكتشف أنه توفي قبل عشرون عام ) المهم كلم أخوي المدير تبعه بالوزارة وتم إخباره بالموضوع وقال غير الوجهة إلى بحرة ونفس الإشكالية لاتوجد أرض بنفس المساحة المطلوبة جميع المناطق أملاك خاصة ولايوجد عليها أي نشاط سكني أو تجاري إنما أرض جافة بيضاء مسطحة لاترى نهاية طريقها وبكل بساطة أملاك خاصة أخيرا اتجهنا إلى أبحر ووجدنا الأرض المطلوبة ولله الحمد وتم تحديدها وتم طلب من إحدى الشرحات لإحاطتها بسياج حديدي وتعليق لوحة بإسم الوزارة قبل قليل جاء أخوي العمل ودخل علي وهو يضحك بشدة سألته خير إن شاء الله . قال : الأرض التي تم تحديدها اليوم اتصلت علينا الأمانة وطلبت بتغيير الموقع لأنها أملاك خاصة بإنشاء مزرعة لرجل أعمال. وجهة نظري . ما ألوم وزارة الإسكان لما تقول للمواطنين نعتذر جميع البلاد أملاك خاصة وكمان ما ألوم أمانة جدة لما تقول جدة عشوائية ولايوجد مكان للتوسعة بجوار بيتنا في استراحة كبيرة على طول شارع كامل لايوجد فيها إلا مجموعة بسيطة من العمال وصاحبها من سنين طويلة يعيش في الرياض وهو الآن كبير في العمر . واحد فيكم يقول كيف عرفت بقوله زميل سوداني ساكن بالحارة عندنا وووظيفته في تلك الإستراحة أتوقع هذه الأملاك المنتشرة بكل في أنحاء البلاد هي سبب تأخر منح المواطنين لعشرات السنين خصوصا بجدة وهي سبب إجباري للعيش على الإيجار . الكلام لايقدم ولايؤخر لكن من المسؤول ؟؟؟؟؟؟؟؟؟؟؟ وماهي الحلول ؟؟؟؟؟؟؟؟؟ محبكم / إحساس ناجح

[سكون الورد k.a.u]

المسئول : البلديه (لان مافي عندها تنظيم وترتيب ) يعني رجل الاعمال لما يآخذ الارض المفروض يستثمرها بشي خاص له او للبلد .. اما ياخذها ويركنها وبالاخير يورثوها عياله على الفاضي ، وتصير أزمه بسبب كل رجال الاعمال يسوون هذا الشي ... !

الحلول :::

- يكون في مساحه معينه للآراضي ، اما اللي يجي ياخذ على كيفه ويزحم البلد على الفاضي هالشي غير مقبول لانه ممكن تسكن 500 عائله بمساحة ارضه ..

- يكون هناك شرط إلزامي على رجل الاعمال او الامير اللي بياخذ مساحات زي كذا انه يستثمرها لصالح البلد عامه وصالحه خاصه ..

على طاري الامير ...

انا شفت ذاك اليوم لما رحت منطقة تبوك ارض مسورهـ طولها تقريباً 70 كم مربع ، تساءلت على بالي ارض للجيش او شي من هذا القبيل ... !!

طلعت للأمير : فهد بن سلطان (امير المنطقه) ، طيب علشانك امير المنطقه ... تملكها مثلاً ؟؟؟

والغريب الموضوع ان الارض مافيها ولا عليها اي شي بس مسوره بشبك حديدي .. سألت عنها قالوا لي لها اكثر من 15 سنه على هذا الحال ...

طيب لما كل امير ووزير ورجل اعمال يتملكون الاراضي بالكيلوات !! وين نعيش ؟؟؟؟

نروح القمر مثلاً ؟؟؟؟؟

مشكووور احساس على هذه اللفته اللي يبلها حل صراحه ، ومعليش الحلول اللي طرحتها سريعه لان فكري مشتت ومشغول بالجدول ^_^ ، واعذرني

دمتم بود

[دارس1431]

الحل ... لا حل

حتى البلدية المسكينه مالها دخل ولا حتى رجل الأعمال لأن المالك ليس رجل الأعمال وان كان هناك رجال أعمال يملكون القليل ^^

وكل شبر في بلادنا سوف يكون أملاك خاصة ^^


شكرا اخوي ^^

[•♥fŗŌồtą]

هيا جات على الاراضي بس

حتى البحر الحين حاطين لنا قطعه صغيره نشم هوا فيها وكل خلق ر بي عندها

والباقي املاك خاصه تبغا تشوف البحر روح من الجهه الثانيه مصر ولا السودان

[عموريAHLI]

ههههه حلوة حلوة

احساس حبيبي لاتفكرو في عسفان لأن فيه اراضي بيضا جنب فرع الجامعه هناك

تخيل مملوكة لمين ؟!

لصاحب السمو الملكي الأمير محمد بن فهد ( أمير المنطقة الشرقيه ) <<< ماشاء الله ماتكفي النعيرية ؟ وصحاري الدهناء ؟


والله ماادري هل هو في حاجة لها ؟؟

فيه سعوديين يعيشو تحت اعشاش وورق شجر , وطويل العمر عنده مخططات مو فحاجة لها

شكرا لك



.

[•♥fŗŌồtą]

^

^

ممكن يكونو حاطينها للمستقبل اذا خلص النفط محا يبقا شي غير ذي الاراضي

تعتبر مصدر احتياطي للرزق لهم

[إحساس ناجح]

المشاركة الأصلية كتبت بواسطة عموريahli ههههه حلوة حلوة احساس حبيبي لاتفكرو في عسفان لأن فيه اراضي بيضا جنب فرع الجامعه هناك تخيل مملوكة لمين ؟! لصاحب السمو الملكي الأمير محمد بن فهد ( أمير المنطقة الشرقيه ) <<< ماشاء الله ماتكفي النعيرية ؟ وصحاري الدهناء ؟ والله ماادري هل هو في حاجة لها ؟؟ فيه سعوديين يعيشو تحت اعشاش وورق شجر , وطويل العمر عنده مخططات مو فحاجة لها شكرا لك .

هلا عموري شوف المسألة ليست أرض مواطن اللي صار إنو معاليه منع وزارة بأكملها بإنشاء مشروع يصب في مصلحة المجتمع. . لاتعليق بجد وزي ماقالت فروتا هم مو حاجتها برأيك عندما تقف في وجه وزارة المواطن يقدر يواجه ؟؟؟؟؟؟؟؟؟؟

[عموريAHLI]

المشاركة الأصلية كتبت بواسطة •♥fŗŌồtą ^ ^ ممكن يكونو حاطينها للمستقبل اذا خلص النفط محا يبقا شي غير ذي الاراضي تعتبر مصدر احتياطي للرزق لهم

مش بس احتياطي , الا احتياط احتياط الاحتياطي

خخخ لا جد عاد , انا اشوف انه طمع يالطيييف !

الدنيا فانية

والآخرة خير وأبقى

وعلى قولتك البحر معطين الشعب اسوء واجهة له , وحتى خليج سلمان سيتم القضاء عليه قريباً نرجو من الجميع الاستمتاع به قبل فوات الآوآن

ويعيش الشعب السعودي




.

[تلميذ منتسب]

8

عشرة كيلو لمزرعة دواجن !!!

بصراحة المساحة المطلوبة مبالغ فيها !!!

ويسلموا

[إحساس ناجح]

المشاركة الأصلية كتبت بواسطة تلميذ منتسب 8 عشرة كيلو لمزرعة دواجن !!! بصراحة المساحة المطلوبة مبالغ فيها !!! ويسلموا

طبعا على مستوى المملكة وليس مدينة جدينة وسيتم إدماج مزارع فقيه معها لاتستهين بمساحة الدواجن
اذهب لشركة فقيه وانظر كم مساحة المزرعة الواحدة فقط بما فيها المرافق الخاصة لكل مزرعة والعمال وأجهزة التغذية والتكييف لايغرك الرقم أخوي ولاتنسى عشرة كيلو نادر تحصلها حاليا في مدينة مشكور على المرور