ياقلب لاتشتكي على الناس همك

[عبدالله الAL-HARBIحربي]

ياقلب لا تشكي على الناس همّـك
اشتك على اللي عالماً في خوافيك
اللي خلق دونك ضلوعـاً تظمّـك
اللـي بتدبيـره يميتـك ويحييـك
ما تنفع الشكوى لخالـك وعمّـك
ولا تنفعك لقرب قريبـاً يصافيـك
الناس لو بيدينهـم ضـخ دمّـك
يوقفونـه عنـك مافكّـروا فيـك
يالادمـي عنـدي وصايـا تهمّـك
ترفـع مقامـك للثريّـا وتعليـك
الاوّلـه للديـن عصّـب معـمّـك
الدين ستراً لك من النـار ينجيـك
والثانيـه برضـاك لبـوك وامّـك
يرضون والله عنك يرضى ويرضيك
رزق البشر مقسوم ماهوب يمّـك
ورزقك يجي لو حاولوه الصعاليـك
لا تنشغل في كثر مدحـك وذمّـك
مادحك له حاجه وشاتمك ناسيـك
وان كان ماتاصل حبالـك مجمّـك
تبا تموت من الضما محد يسقيـك
اعمل قبل سـود المنايـا تخمّـك
فالحشر ماينفعك ل بنـك ولا بيـك

[جامعيه ولكن..!]

الشكوى لغير الله مذله ..>>>لا ضاااق خاطرك وزادت همومك ما لك غير الله ..

[amintto]

رائع ما نقلت
سلمت يمينك

[amintto]

رائع ما نقلت
سلمت يمينك

[هذيان]

الجميل في القصيده ... سلستها ... ووضوح معانيها ... و أهدافها .. !

أخذ عليها ... !

الناس لو بيدينهـم ضـخ دمّـك
يوقفونـه عنـك مافكّـروا فيـك

سوداويه متقعه ... !

الشكر كل الشكر ... للحربي ... عبد الله .. !

[بنت الغالي]

يعطيك العافية

[O?°· (sarOona) ·°?O]

ياقلب لا تشكي على الناس همّـك اشتك على اللي عالماً في خوافيك اللي خلق دونك ضلوعـاً تظمّـك اللـي بتدبيـره يميتـك ويحييـك ما تنفع الشكوى لخالـك وعمّـك ولا تنفعك لقرب قريبـاً يصافيـك

صح لسانك الله يعطيك الف عاافية ..