معطرات للمنزل..

حلاي من حلى روحي · #1 31-01-2012, 03:41 AM

اهلييين بالحلوين ~

دايما ابحث عن احلى واحسن معطرات للبيت ..

وادور في كل حتة ومكان .. واقعد اشم احلى الروائح ..

عشان اخلي بيتي ريحته منعشة ومعطرة دايما ..

ما خليت على قلبي ولا بقيت ... اشكال والوان معطرات للجو ..

معطرات للشارشف ..

معطرات للكنب ..

معطرات ومنعنشات للجو ..

ولا قد فكرت .. اني ادور شي طبيعي .. او يكون عندي في البيت ..

المهم ..

دورت على كم معطر او معنعنش للجو .. بس يكون موجود في البيت

وموجود في كل بيت تقريبا ..

نبدا باول واحد :

1- BAKING SODA

بكينج صودا .. مهي طبيعة بس موجود في اغلب البيوت ~

دي تستخدم للسجاد والمفروشات ..

احيانا لمن تحسي الغرفة مكتومة او الكنب مروح ..

او السجاد .. ريحته غير جديدة ..
وتحسي الغرفة يبغالها نور الشمس .. وهوا

قبلها في الليل .. رشي رشة خفيفة من بيكنج صودا على السجاد
[ رشة خفيفة .. مو تكبي البوردة عليها كبك !! ]

يعني رشة خفيفة مرررة .. وما تكون ملحوطة ابدا ..

وخليها البيكنج صودا تقعد فيها قرابة من 12 الي 24 ساعة ..

وبعدها اكنسيها بالمكنسة وافتحي الطيق ..

وابشرك بانو ريحته الغرفة راح تكون منعشة . . وحتي السجاد ..

2 - زيت شجرة الشاي TEA TREE OIL :

طبعا للي يحب الروائح الجملية في كل مكان وفي كل حتة ..

انا مررة اهتم بدا الشي ..

حتي مناديل العادية اعطرها من جوا ..

وخصوصا حقت الحمام ..

جوا الرولة احط نقط من الزيت ..

انا استخدم زيت بريحت الياسمين وده شكله

مرررة احب ريحته ~

وممكن تستخدمي اي نوع زيت تحبيه وتحبي ريحته [ بس اهم شي تكون ريحته حلوة .. ههههه]

وبالنسبة لكراتين المناديل افتحها من جوا واحط فيها نقاط من الزيت ..

ويا سلام على الريحة ..

اي احد يمسك المنديل .. يشم ريحة حلوة ~

3 - TEA BAGS اكياس الشاهي او الشاش :

اكايس الشاهي او الشاش .. اعبيه باعشاب طبيعة .. على حسب الريحة الي احبها

وارميها في الدولاب او ادراج الملابس .. وبعدها الاقي الملابس اخذت ريحتها ..

مامتي مرررة تحبها . . ودايما تسوي لنا هيا ..

وخصوصا لمن يكون عندنا ورد طبيعي .. وبدا يدبل ..

تاخذه وتنشفه ..

وبعدين تقسمه على اكياس او في الشاش ..

وترميها في الدولايب حق الملابس.. والادراج ..

وشوفي الريحة وخصوصا في الملابس ..

4 - معطر طبيعي بالفانيليا من ايدي :

فانيليا سائلة .. [ انا استخدمت بوردة ما عندي سائلة ]

اعواد قرفة

شرايح برتقال ..

واذا حابة تحطي نعناع بس على خفيف [ انا ما حطيت ]

تحطي المكونات في قدر صغير .. ومعاها نص كاسة مويه

وتخليها تغلي .. ويا سلام على الريحة الحلوة الي راح تتطلع

انا وقفت عندها وقعدت اشم الريحة والبخار الي طالع من القدر ..

يقضي على اي ريحه طبيخ ..

وخصوصا لو كنت طابخه شي تقيل .. والمطبخ ساير مكتوم وريحته طبيخ ..

وبس خلصنا ~

اتمني انكم استمتعوا بافكار المعطرات الي طرحتها ..

دمتم بحب

م/ن