إلى الدكتور عماد او الاخت شواطئ.. للضروره

[نيوتينيه]

السلام عليكم ورحمة الله بركاته
اسعد الله اوقاتكم بكل خير
انا قُبلت ولله الحمد بالماجستير العام..
وطابقت اوراقي الاسبوع الماضي..
وحصلت على الموافقه ولله الحمد مشروطه بموافقة جهة العمل..
الآن حصلت لي ظروف .. وأريد اكمال الدراسه بالخارج..
سؤالي::
هل من الممكن تحويل البعثه من جامعة الملك عبدالعزيز لأي جامعة بدولة خارجيه؟
اذا كانت الاجابه بـ لا
متى يحق لي التحويل من جده الى الخارج؟

وإن كان لديكم حل آخر اتمنى تطلعوني عليه

هذا ولكم خالص الشكر والتقدير ,,

[ثيوقراطي]

ما تقدر تحول بعثتك من جامعة الملك عبد العزيز إلى أي دولة ثانية إلا في حالة واحدة وهي:

أن تكون أكاديمي من منسوبي الجامعة نفسها, أما غير ذلك فمستحيل.


ولكن من باب التطفل: وين الوزارة اللي تعمل فيها وتسمح لمنسوبيها يدرسون بالخارج, خلني أنقل خدماتي لها, لأني ماني مصدق إن فيه وزارة طيبة للدرجة ذي.

موفق في حياتك العلمية ولاتنسى تجاوب على سؤالي بالموضوع اللي تحت موضوعك, افزع لي وافزع لك

[نيوتينيه]

يا الله على هالخبريه
كأني قريت بلائحة الدراسات العليا ان فيه تحويل !!
انا تبع وزارة التعليم العالي
معيده..والجامعه اللي أناادرّس فيها أساسا يبون يطلعونا برا
مايرضون بالابتعاث الداخلي الا بطلعة الروح

الحين اشوف موضوعك..وألف شكر ع مداخلتك ~

[عماد الحسن]

عليكم السلام ورحمة الله وأهلا بكم في المنتدى
مبروك عليكم القبول في الماجستير وفي البعثة، ولكن أحياناَ كثرة الخير يكون لها نتيجة عكسية،
قبولكم في الماجستير لا يعتبر بعثة ، وطريق الابتعاث مختلف تماماً من ناحية الجهة وشروط القبول

الحل في وضعكم هو الاختيار بين الاثنين لأن الجمع بينهم غير ممكن،
طالما تمت مطابقة الأوراق ممكن تبدئي الدراسة أو تعملي تأجيل وتدرسي وضعك وتتخذي القرار
أما البعثة فهي تحتاج تقديم منفصل حسب الشروط الخاصة بهم كما تفضل أخي في رده.

دعواتنا لكم بالقبول.