بنات التصميم الداخلي والرسم والفنون تعالة ضروري

[زيزو1234]

السلام عليكم ورحمه الله وبركاته

كيفكم حبايبي

الله يخليكم ساعدوني انا مرررة محتارة بين التصميم الداخلي والرسم والفنون وما اعرف اي شي عنهم

ابغاكم توضحون لي من تجربتكم الخاصه كيف التخصصين من ناحيه

حلو .. ومكلف .. ومتعب وفيه شغل كثير..

لان عندي بيبي وما ابغى اقصر معاه


بلييييييز ساعدوني باسرع وقت الله يخليكم

[rony3]

وعليكم السلام

شوفي مابغا احطمك بس الي اعرفو انو القسمين مكلفين وحقين كرف وطلبات

وحبذا لو تكون الطالبه متفرغه كليا


بس برضو شوفي رأي بنات التخصص

[زيزو1234]

يلا وين اهل التخصص

طيب ايش اللي اقل شغل وكرف وتكلفه ؟؟؟

بلييييز ابغى جواب

[Rouba]

التصميم الداخلي غير انه مكلف وكرف ، يحتاج دقققققةةة عالية في رسم المناظير والمقاسات وكذا
اما الرسم والفنون اعتقد بس كرف وتكاليف

[Miss Foof]

الفنون والرسم او تصميم الازياء

علمي ولا ادبيييي !

[rony3]

الرسم للعلمي والادبي

تصميم الازياء للعلمي

[مهندسة ديكور(ان شاء الله)]

الرسم والفنون كرف وتكاليف ومافي وقت لنفسك وما ينفع تاجلي شي لانو بيتراكم عليك
التصميم الداخلي كرف وتكاليف بس اقل من الرسم والفنون لانه الاشياء الي يستخدموها مشابهه لبعض في بعض المواد عكس الرسم والفنون كل مادة عالم تاني

والقسمين حلوة بس انت شوفي نفسك لانو في بنات يقولو هذا اصعب وهذا اصعب بس هو كل وحدة وقدراتها ومهاراتها

[miss reemo]

برأئي قسم التصميم الداخلي مكلف ومتعب اكثر
ودقة عالية

الفنون مكلف بس مايتعدا المبلغ المكافأة الي بتاخديها

[آشجآن~]

انا كمان ودي اعرف ياليت اشوف اجاابات اكتر .

[Eng_sara a7mad]

مبارك عليكم الشهر صبايا
بالنسبه لاستفسارك عزيزتي
القسمين صراحه مكلف واكيد مافي شي فهاذي الحياه سهل وكل الاقسام صعبه هوا راجع لك وكيف انتي مهتمه ولا يعني بتنظيم الوقت وانجاز الواجبات اول بأول راح ترتاحي وعن نفسي اقولك المكافأة قولي عليها السلام لانو منجد قسم مكلف بس فنفس الوقت جدا جميل وممتع وتحسي انك انجزتي شي لما تشوفي اعمالك نهايه السنه انجاز ملموس طبعا هذا اذا كانت ميولك فنية غير كذا ماانصحك وتقدري تجربي ترم حسيتي والله ماعجبك الوضع حولي
بالتوفيق ^^