تجمع طالبات اقتصاد منزلي تربوي

[shooq Ahmad]

انا كمان خريجة مكة ام القرى وزيك 28
ولازم تجيبي توصيفات المقرر تصدقي حوست حوسة مع القسم حقي لحد ما طلعت التوصيفات
المشرفه لازم تشوف توصيف المقرر مثلا مادة الطباعه اكيد درستيها بس لازم تشوف مطابقه للشي الي يدرسوه في جدة وعلى دا الاساس تشوف كل مواد المحتوى الي درستيه
عموما قسمك في ام القرى حتى التوصيفات القديمة موجودة بس يبهدلوكي على ماتاخديها
لازم تروحي السبت لجامعه ام القرى

[Hawazin ALhifzi]

المشاركة الأصلية كتبت بواسطة shooq ahmad انا كمان خريجة مكة ام القرى وزيك 28 ولازم تجيبي توصيفات المقرر تصدقي حوست حوسة مع القسم حقي لحد ما طلعت التوصيفات المشرفه لازم تشوف توصيف المقرر مثلا مادة الطباعه اكيد درستيها بس لازم تشوف مطابقه للشي الي يدرسوه في جدة وعلى دا الاساس تشوف كل مواد المحتوى الي درستيه عموما قسمك في ام القرى حتى التوصيفات القديمة موجودة بس يبهدلوكي على ماتاخديها لازم تروحي السبت لجامعه ام القرى

اول شي مااعرف كيف اشكرك بجد من كل قلبي اقول الله يفتحها بوجهك يارب
يعني تقولي السبت اروح كلية الاقتصاد المنزلي في شارع منصور لان تخصصي سكن
اكيد درست مادة الطباعه واخذ التوصيفات من هناك بعدها اروح جدة اذا كنتي من تخرجتي
من نفس الكلية اروح لمين بالزبط الا لازم اروح الجامعة نفسها ام القرى وربي اني طفشتك ادري
ازعاج بس والله ضايعه صح وسؤال في جدة اروح اي مبنى نازلة مع الباص الله يستر
لو يوصلني المدينة قعدت حايسه في عمري ههههههههه بس لما افهم منك المبنى اقلها ادبر راسي
والله انك سويتي خير وبجد بجد من قلبي ادعي الله يسعدك وفرحت انك فنون اسلامية كمان
حسيت بلحظة بدرس لحالي من اول اسأل مااحد يرد <<<كانت محبطة
بس الان غير انتظر جوابك عشان بلاش اكلم الباص على السبت اخليه الاحد ابدأ معاه

[lolo bin]

هوازن وشوق
مشكورين الله يعطيكم العافيه من جد بدات افهم الي ليا والي عليا اول كنت ضااااااااااااااايعه
بس كيف اعرف مين المشرفه حقتي ؟؟؟

[Hawazin ALhifzi]

المشاركة الأصلية كتبت بواسطة lolo bin هوازن وشوق مشكورين الله يعطيكم العافيه من جد بدات افهم الي ليا والي عليا اول كنت ضااااااااااااااايعه بس كيف اعرف مين المشرفه حقتي ؟؟؟

انا عن نفسي ياقمر رح اتبع شوق لانو نفس التخصص بس بقولك شي ليش انتي
مو زينا احتمال كبير لاننا كلنا اقتصاد منزلي اسمعي لما خلصت الاجراءات قالولي كدا
روحي عند رئيسة القسم في اول اسبوع دراسة وهي رح تفهمك انتي كمان اعملي نفس الشي
صدقيني هي رح توجهك وازا مرا قفلت معاكي روحي عند اللي قالت عليها شوق ربي يسعدها
عهود لانها خاصة بالشؤون الاكاديمية وكمان يوم التدقيق كل الاقتصاد المنزلي مع بعض
فخليكي معانا عشان لاتتوهي اكتر اهم شي نجيب التوصيفات الان عشان نخلص
وربك يسهل

[shooq Ahmad]

هوازن ايوة تروحي لقسمك عند رئيسة القسم وتطلبي توصيفات موادك حقت الاربعه سنوات تخيلي بس متى تقدر تطابق المشرفة مواد اربعه سنوات مع موادهم . انتي جيبي التوصيفات اهم شي السبت لانو مرررة مافي وقت

المهم مشرفتنا انا وانتي اسمها استاذة اميمة عاشور
في بالنسبة لجامعه جدة تدخلي من بوابة 7 الي ع الشارع
بعدين اول ما تدخلي الجامعه اول بوابة ع يمينك بوابة 1 الغربية تدخلي منها داخل الجامعه روحي المبنى حقنا يكون على يمينك ( انا دخلت مبنى الخنساء وخرجت منو على مبنى 43 او اسئلي فين مبنى الاقتصاد ) اطلعي الدور الاول وروحي يمين واسئلي عن استاذة اميمة عاشور او تلاقي غرفتها مكتوب مشرفة الفنون الاسلامية ( عندي رقمها بس مااعرف كيف اقدر اتواصل معاكي )
المهم استناذة اميمة هي الي بتشوف مقرراتك وكل شي معاها
و لولو كمان روحي نفس المكان بس دوري المكتب حق مشرفه الاقتصاد التربوي

سؤال هوزان : كيف راح تداومي طول الترم ؟؟ انا كنت مرتبة وضعي اداوم بالباص بس الصراحه الجدول مرررة سئ وقت المحاضرات وماتناسبني مواعيد الباصات واظن حتكوني زيي وترا مافي شعب نقدر نغير وكدا لانو اغلبها مفتوحة بس عشاننا
الله يسعدك ردلي عن موضوع المواصلات لاني اليوم العصر نازلة اشوف سكن طالبات

[shooq Ahmad]

و بالنسبة لاستاذة عهود مكتبها في عمادة الدراسات العليا الدور الاول قدام الغرفه الي طابقنا فيها الاوراق بالضبط

الله يسهل اموركم يارب

[Hawazin ALhifzi]

شوق لا تقولي وربي عامله حسابي على ابو سرهد حتى كلمتهم بس لسا الى الان
ادفع دفعة عربون اسمعي بقولك شي عندي ايميل في الياهو نفس اسمي دا هوازن الحفظي
بالانجلش وكل الحروف اسمول وجنب بعض ارسليلي الله يسعدك اي شي من ايميلك
هناك نعرف نتفاهم اكتر اخد رقمك اقابلك نتصرف نشوف سواق نشوف سكن
لانو ياحبيبي مافي سكن زحمه موووووووووووووووت ويمكن فيه والله مااعرف بس
لما دققت سألتها تقول زحمه والله مااعرف المهم حاولي ترسلي ليا على الايميل لان والله عامله حسابي
ابوسرهد لا وفرحانه اقول غالي وفخم مالت عليا تورطت

[shooq Ahmad]

هوازن ارسلت ع الايميل

[sara2]

السلام عليكم
هوازن وشوق ممكن تنزلون جدولكم في هالصفحه اذا امكن
وياليت تقولولي الدوام كل يوم بيكون ولا كيف ؟
انا للان ماسويت شي في جدولي ولا رحت الجامعه واحتمال كبير اسحب بس بشوف الجدول يناسب وقتي وضع السياره - انا زيكم فنون اسلاميه
وبالتوفيق حبايب

[sara2]

شوق هوازن تكفون ردو عليا بليز