ابغى ملزمه تشريعات وكمان سؤال عن الجدول

[Diro]

السلام عليكم ابغى ملزمه التشريعات وكمان بسألكم عن الجدول تبعي اذا كويس او لا


عام مع رقيه فتيحي
سكان حنان السريحي
تشريعات غادة بن محفوظ
مناهج بحث مع ليلى جمال


وابغى اضيف نظريات مع هنادي خان بس خايفه يكون الجدول دسم وانا يالله بالبركه ماشيه او ممكن ترشحولي ماده تكون سهله


وثقافه 4كيف سمعت انها صعبه عشان كدا كنسلتها


وكمان ابغى رابط المفردات لو سمحتو
الله بوفقكم ويسعدكم جاوبو لا تطنشوني

[عزتي بإسلامي]

وعليكم السلام
بالنسبه لجدولك تمام خاصه مع هالاستاذات
اضيفي النظريات مع هنادي لان الماده شوي دسمة وهنادي مسهلتها فهي تعتبر فرصه ماتدرين الاترام الجايه من تكون معه
بالنسبة للملزمة تلقينها بقسم الملخصات
بالتوفيق

[Diro]

شكراياقلبي خلاص اضفتها مع هنادي ةالله يستر

[Diro]

ماعرفت اطلع الملزمة

[ميمي_غامد]

لو اني داخله من اللاب كان حطيتلك الرابط
بس انتي اكتبي في جوجل ملخص تشريعات للطالبات حيطلعلك موضوع للمشرفه ندى حملي الملزمه واتوكلي ع الله

جدولك فيه مواد دسمه يعني اختاري بين النظريات والمناهج لانهم دسمين بمعنى. الكلمه
اما بالنسبه للثقافه 4 ههه مين اللي ضحك عليكي وقالك صعب اسهل شي الا لو غيرو الكتاب لانو ع مااتذكر يتكلم عن الزواج

[Diro]

المشكلة اخاف الاستاذات يطيرو مني