وش سالفة الايقاااااف ؟؟؟ وشفيهم قلبو علانا

[سلوبودان]

السلاموووو عليكم ..

ياشباب الاعلام .. ويا اهل العلاقات العامه

انا طالب دافور ومعفي من رسوم الانتساب من اول ترم

ولله الحمد خلصت 89 ساعه

وشفت معدلي اليوم ..

وبغيت اشوف الحذف والاضافه .. بس يقول راجع الايقافات

من خلال رابط سجلات الطالب

المهم مالكم فالطويله ..

يقلون انت موقوف بسبب تأخر السداد ؟؟؟؟؟؟؟؟

تتوقعون وشبهم ؟؟

مع العلم ان المعدل ابدا ماينزل عن 3.75

اللي معه علم يعلمنا ...

ولكم التقدير والاحترام

[الرمضان]

حسب ما ظهر عندي وشفته في مشاركات منتدى الجامعة (الستايل الأخضر)، على ما يبدو المشكلة عامة، إن شاء الله تزول المشكلة قريب

[سلوبودان]

بارك الله فيك ياشنب ..

جاني راااعه .. يعني خفت لايكون قلبت علينا الجامعه

قولبانيه ماتدري

دمت بكل ود

[saeedmoh]

لا تستعجل و لا تقلق
تو الدوام الفعلي بدأ بعد الاجازة و اتوقع ان شالله يكون في تحديث خلال الايام الجايه و تكون الامور مرضيه للجميع

[rawadam]

انا نفس المشكلةومعفي من الرسوم ومعدلي الحين 3.87 الله يستر أتمنى اي احد يفيدنا

[طائر الليل]

ان عرف طلاب منسوب الجامعة طلاعهم ايقاف طبعا منسوب الجامعة مجانا

[ريد بل]

انا اعطيكم العلم الاكيد 100%
الهرجة ان النظام قفلوه للتحديث وبيفتحونه الاسبوع الجاي او الي بعده وراح ينزل لكم الاعفاء بدون مشاكل

انا متاكد 200% لانهم يعملون هالاجراء كل ترم وانا اعرف زملاي هناك وعلموني

[نايف الناصر]

لا تخافون ولا تقلقون بعد تاريخ 28/3 بتنحل كل الامور

[أمجد لطيف]

مشكلة عامة

[سلوبودان]

اثلجتو صدورنا

بارك الله فيكم ووفقكم لما يحبه ويرضاه ..

المهم لايقطعون بنا في اخر المشوار والله مالامها داعي

شكرا للوحوش اللي علقت