يابنات مسار دراسات الطفوله((مهم جدا))

[خريجة دراسات طفوله]

السلام عليكم ورحمة الله وبركاته
انا خريجة دراسات طفولة من دفعة 1427 الترم الاول
المهم ماعلينا طبعا تزوجت وسافرت برى جده وقدمت السنه هذي في الوظائف التعليميه وأستبعدت عارفين ياحلوين ليه لأن الوثيقة مكتوب فيها قسم دراسات الطفوله وطبعا المسمى الوظيفي عندهم معلمة رياض الاطفال فقالو لنا استبعدناها عشان قسم دراسات الطفوله لايمت بصله برياض الاطفال
ولو اقدم كل سنه ماراح يقبلوني
فلازم نضغط على القسم عشان يغير مسمى الكليه من دراسات طفوله لقسم رياض الاطفال
عشان ننقبل في التعيينات
اول القسم يخاطب الديوان بالرياض ويوضحو لهم وشو قسم دراسات الطفوله
ارجو منكم التفاعل لانكم راح تتخرجو وراح تتمرمطو من الديوان عشان مسمى الكليه

[ساكنه في بيتنا]

و عليكم السلام و رحمه الله و بركاته


الشي دا معروف !!

دا غباء منهم , ايش نعملهم ..

قدمي على مدارس أهليه وريحي راسك .. أصلا بنات جامعه سعود أحسن مننا لمن تقدمي للوظيفة بعدين بنات أم القرى و بعديييييييييين يفكروا يطلوا في وجيهنا ..

لااااا وفوق دا كله ما يكتبوا انك دارسه تربوي يعني لو بدك تتوظفي تاخديلك كورس توبوي تكرفي فيه غير السنوات اللي اندفنتي فيها ..

ربك يعين يا قلبي .. ان شاء الله اكلم مشرفتنا عن الموضوع دا و اقلك ايش سار معايا ..

[خريجة دراسات طفوله]

والله ياريت اختي والله حرام تجيني الوظيفه ويكنسلوها علي اتمنى تساليها وش اتصرف فيه
يعني مو كفايه كرف 5 سنوات وبالأخير مافي تعيين
واي خدمه من عيوني بحكم اني سبقتك بالتخرج

[ساكنه في بيتنا]

السلام عليكم

با بطه سألت الدكتوره اليوم و قالتلي قدموا معروض مدري طلب مدري ايش .. المهم انهم قدوموا شي للرئاسة و وروهم خطتنا و مناهجنا و قالولهم انو دراستنا ما تختلف عن ام القرى و جامعه الملك سعود , و الموضوع حاليا في يدهم و ان شاء الله يحنوا علينا

على فكره في المدارس الخاصه اعرف بنات كتييييييييير اتوظفوا حتى من قبل ما ياخدوا وثائقهم ما شاء الله .. من يوم ما يعرفوا انك تخصص طفولة يجروا وراكي

و على فكره كمان المشرفات حقين الرئاسة لما يشرفوا على بنات التدريب يلاحظوا الفرق بين بناتنا ( جامعه الملك عبد العزيز ) و بين الكليات و الجامعات التانيه

عندنا اللي ندرسه في ترم هم يدرسوه في سنه !!


اسم التخصص محا يتغير ,, اصلا احلى من رياض اطفال بصراحه ..

قولي يارب يقبلوا الموضوع .. ما ادري ايش مستنيين شايفين بناتنا في التدريب كيف مستواهم و قدمنالهم الاوراق و الخطه و المناهج بس ايش يبغوا مني فاهمه

اه ,, حاجه كمان .. قالتلي يمكن الخريجين الجدد يكتبولهم في شهادتهم دراسات طفولة - كلية التربية , يعني ما تحتاج تاخد مورسات ولا هبابه ..

على العموم هو الموضوع زي ماقالت الدكتوره قولي يااااااااااااااااااااااااااااااااااااااااااااااااا ااااااااااااااارب ..

و الرسول صلى الله عليه و سلم قال تفائلوا بالخير تجدوه ^_^ ..

الله يكتب اللي فيه الخير يارب .. بالتوفيق أختي

[خريجة دراسات طفوله]

المشاركة الأصلية كتبت بواسطة ساكنه في بيتنا السلام عليكم با بطه سألت الدكتوره اليوم و قالتلي قدموا معروض مدري طلب مدري ايش .. المهم انهم قدوموا شي للرئاسة و وروهم خطتنا و مناهجنا و قالولهم انو دراستنا ما تختلف عن ام القرى و جامعه الملك سعود , و الموضوع حاليا في يدهم و ان شاء الله يحنوا علينا على فكره في المدارس الخاصه اعرف بنات كتييييييييير اتوظفوا حتى من قبل ما ياخدوا وثائقهم ما شاء الله .. من يوم ما يعرفوا انك تخصص طفولة يجروا وراكي و على فكره كمان المشرفات حقين الرئاسة لما يشرفوا على بنات التدريب يلاحظوا الفرق بين بناتنا ( جامعه الملك عبد العزيز ) و بين الكليات و الجامعات التانيه عندنا اللي ندرسه في ترم هم يدرسوه في سنه !! اسم التخصص محا يتغير ,, اصلا احلى من رياض اطفال بصراحه .. قولي يارب يقبلوا الموضوع .. ما ادري ايش مستنيين شايفين بناتنا في التدريب كيف مستواهم و قدمنالهم الاوراق و الخطه و المناهج بس ايش يبغوا مني فاهمه اه ,, حاجه كمان .. قالتلي يمكن الخريجين الجدد يكتبولهم في شهادتهم دراسات طفولة - كلية التربية , يعني ما تحتاج تاخد مورسات ولا هبابه .. على العموم هو الموضوع زي ماقالت الدكتوره قولي يااااااااااااااااااااااااااااااااااااااااااااااااا ااااااااااااااارب .. و الرسول صلى الله عليه و سلم قال تفائلوا بالخير تجدوه ^_^ .. الله يكتب اللي فيه الخير يارب .. بالتوفيق أختي

أشكرك من أعمااااااااااااااااااااق قلبي على السؤال
عموما حبيبتي حتى اذا غيروا في الوثيقه وكتبوا كلية التربيه لازم حتى وثائقنا يغيروها عشاااااااااااان العدل

[ساكنه في بيتنا]

العفو خيتو ما عملنا شي ..

مممممم اذا على الوثيقه هيا قالت يمكن .. يعني غني يا لييييييييييييييييييييل ما اطولك و زيدي من عندي يا ليييييييييييييييييل ما أجملك ..

[المخلصه]

والله كلامكم بعضو يخوف وبعضو يطمن القلب

انا من البنات الي درسوا في ام القرى وفي جامعتنا الحبيبه

من ناحية تخصصنا والله الفرق واضح

في ام القرى مجرد ادرسي احفظي سوي بحوث وواجبات

عندنا الاهتمام بالتخصص اكبر تلاقيهم من جد يحاولو
يخلوكي ماتتخرجي الا وانتي مؤهلة لدا الشي على اكمل وجه
خصوصا مع تغيير الخطه الي انكرفنا فيها
وزادت الفصول الدراسيه الي راح ادرسها
الله يعيننا جميعا ويوفقنا لما يحب ويرضى

كمان حكاية التربوي هادي الي سار فيها اختلاف له اول ماله اخر
لا تنسونا من دعواتكم يابنات وربي يخرجنا من البكالوريوس على خير يااارب

[ساكنه في بيتنا]

:)

قولي يارب و سوي اللي عليكي و الباقي سيبيه على ربنا ..


بنت خالتي طفوله في ام القرى لما تجي تسألني عن واجب ولا شي .. احسهم مساكين يتعبوا نفسهم بزياده ..

مواد احس مالها داعي لو تندمج مع بعضها يمكن تكون النتيجه احسن ..


الله يوفقنا كلنا و يكتبلنا الخير فين ماكان ..

[المخلصه]

امييين يارب العالمين

وربي يوفقنا اجمعين وييسرلنا كل خير يارب

بس احلى حاجه فرحت قلبي لما سألت دكتورة اماني عن التربوي

وقالتلي كل الي عليكي بعد ماتتخرجي تجي تاخدي افاده من عندنا

انو شهادتك تربوي

ومايحتاج تدرسي تربوي لحالو ولا شي

يارب لك الحمد

شي اهون من شي

[ساكنه في بيتنا]

يب الحمد لله ..