طالبات التربية الخاصة ادخلوا لو سمحتوا

[joody1417]

السلام عليكم ورحمة الله وبركاته


انا طالبه في الثانوي
صراحة كل شوي افكر في الجامعة
محتارة بي قسممين : تربية خاصة _ تمريضّ

محتاجة كل وحدة تتكلم عن تخصصها ,
وهل فيه اقسام جديدة فتحوها ولا لا ?

وكيف لبسكم في الجامعة ?

الي بترد بدعي لها ..

[joody1417]

بالله مافيه أحد يرد

[joody1417]

ممكن احد يرد ع استفساراتي

[نحو التميز]

رفع رفع

[ماكسوو]

مساء الخير ياقلبي ..

لاتشرهين ع التطنيش منتدى كلية التربية مهجور مدى الترم محد يفضى يفتحه من الشغل اللي لين راسنا ..

بالنسبة للتخصص هو تخصص جميل وانساني وكل مادة تدرسينها تنمي فيك معرفة وتفيدك وتغير قناعاتك ..

اول ترم بعد ماتتخصصين تربية خاصة اذا ربي كتبه لك تكون المواد عامه بحيث تهيئك للتخصص الدقيق وتخليك تحددين وش المسار اللي تبغين تكونين فيه .. والمسارات المفتوحة حاليا : اعاقة عقليه و صعوبات تعلم و توحد وموهبة ..

انا مساري اعاقة عقلية كنت اتمنى ادخل مسار اضطرابات نطق لغة لكن مافتح للاسف بكليتنا .. وحمدلله مرتاحة بهالمسار ..
الدراسة حلوه والمواد حلوة ونظامها السهل الممتنع يعني على قد ماتذاكرين وتتعبين بتنحصدين وبتستفيدين لقدام مهنياً .. طبعا بمسار الاعاقة العقلية وباقي المسارات كلها تأسسك كيف تتعاملين مع الاطفال من المعاقين وكيف تعلمينهم بشكل خاص المهارات الاكاديمية القراءة والكتابة والمهارات الحياتية والعناية بالذات بشكل عام التركيز على تقليل الفجوه بين العاديين والمعاقين قدر المستطاع .. والمستقبل الوظيفي بيكون معلمة او اخصائية تربية خاصة بمدارس الدمج او المعاهد والمراكز لذوي الاحتياجات الخاصة ..
بالنسبة للبس ف كلية التربية الرحاب تنورة طويلة او ميدي وماتكون قصيره وبلوزة او تيشيرت وطبعا مايكون كت ..واذا بتلبسين بنطلون لازم يكون فضفاض والبلوزة طويلة او البسي عبايتك فوقه وهذا حال اغلب الكلية ياخذون راحتهم باللبس بس فوقه عبايه ..
في الختام اتمنى اكون افدتك اختي .. الله يسهلك ويوفقك ويكتب لك اللي فيه الخير .. لاتشغلين بالك بالتخصص من الحين ركزي ع الاختبارات والنسبة اللي تدخلك الجامعة وبعدها استخيري تدخلي تمريض او تربية خاصة (تختارين المسار التحضيري العلمي او المسار الاداري اللي يدخلك تربية خاصة ) لان هالتخصص ماتدخلينه اذا دخلتي تحضيري علمي (نظام الدفعات الجديدة ) ..

وبالتوفييق ^^