استفسار عن نظام وتخصصات كلية الاقتصاد والادارة للقسم العلمي {عنوان معدل}

[fajer al-shehri]

السلام عليكم

كيف الحال ؟؟
معليش اذا كان وقتي غلط وكذا بس انا طالبة تحضيري و تعرفوا ذحين عندنا تسكين و كذا
وعندي كم سؤال عن كلية الاقتصاد و الادارة اتمنى تفيدوني
اول شي سمعت انو اول ما ندخل التخصص بندرس سنة ونص مواد عامة بعدين اختار القسم اللي ابغاه هل هذا صحيح و لو كان مو كل الاقسام طيب ايش هيا الاقسام اللي بندرس فيها كذا ؟؟
و اهم شي انا وحده اكرررره الماث و الانقليش و ما اجيب فيهم درجات كويسه يعني تنصحوني ادخل الاقتصاد و الادارة ولا لا يعني بتعتمد عليها او لا !!

الله يوفقكم مستقبلي حيعتمد ع كلامكم اتمنى تجاوبوني
وجزاكم الله خير .

[girl.k.s.a]

المشاركة الأصلية كتبت بواسطة fajer al-shehri السلام عليكم كيف الحال ؟؟ معليش اذا كان وقتي غلط وكذا بس انا طالبة تحضيري و تعرفوا ذحين عندنا تسكين و كذا وعندي كم سؤال عن كلية الاقتصاد و الادارة اتمنى تفيدوني اول شي سمعت انو اول ما ندخل التخصص بندرس سنة ونص مواد عامة بعدين اختار القسم اللي ابغاه هل هذا صحيح و لو كان مو كل الاقسام طيب ايش هيا الاقسام اللي بندرس فيها كذا ؟؟ و اهم شي انا وحده اكرررره الماث و الانقليش و ما اجيب فيهم درجات كويسه يعني تنصحوني ادخل الاقتصاد و الادارة ولا لا يعني بتعتمد عليها او لا !! الله يوفقكم مستقبلي حيعتمد ع كلامكم اتمنى تجاوبوني وجزاكم الله خير .

وعليكم السلام ورحمة الله وبركاته
الحمدلله تمام ياعسل
لا عادي يامزا
ربي يوفقك ويسهل امرك ويكتب لك كل الخير
صح كلامهم
كلية الاقتصاد والادارة حالياً تنقسم لقسمين: علمي وأدبي
العلمي صار بالانقلش
(قسم التمويل+نظم المعلومات الادارية+التسويق+ادارة الاعمال+المحاسبة+الموارد البشرية)
وحيكون في مواد ماث وستات
لكن إن شاء الله بتكون سهله عليكِ
بس حالياً مو متأكدة إدا يدخلوها ناس أدبي والا بس علمي في التحضيري
مع استثناء قسم المحاسبة : حيكون بالعربي ما عدا أول 3 سمسترات مواد مشتركة
كلها بالانقلش

الأدبي بالعربي طبعاً وهوا قسمين العلوم الإدارية+الاقتصاد

أما القانون صار كلية مستقلة لوحدها

أنصحككككككككك تدخلي قسم علمي عشان مستقبلك يكون تمام لانو قسم العربي
ما راح يفيدك + العالم أصبح متفتح كتييييييييييير ولابد من الانقلش في كل مكان

يعني أدخلي معهد انقلش من دحين وحاولي تتعلمي عشان تسهل عليك الامور

[girl.k.s.a]

اممممممممم كمان لالالالالالالالازم تشوفي ميولك
من دحين , ادخلي اختبار تحديد الميول يمكن تكوني حابة كلية تانية !!

وأستخيري كمااااااااااان

[fajer al-shehri]

شكككككككككرا جزاك الله خير و الله يوفقك يارب

يب انا علمي و كل ما اسوي اختبار يطلع لي ميولك ادارة و اقتصاد بس مدري احس لو دخلتو حواجه صعوبه في الرياضيات خايفه منو

و بالنسبة للمواد ادرسها انقليش ماعندي مشكلة الحمدلله اجيب درجات كويسه
بس اهم شي مافي مادة انقليش ندرسها ؟؟ قرامر و فوكاب و معرف ايش لا ما احبها

[roooody]

ما في مادة رياضيات في الكلية ابدا و الانجليزي 3 مستويات الاول تمام التاني مو مرة التالت الله يخارجنا ههههههههه

[fajer al-shehri]

المشاركة الأصلية كتبت بواسطة roooody ما في مادة رياضيات في الكلية ابدا و الانجليزي 3 مستويات الاول تمام التاني مو مرة التالت الله يخارجنا ههههههههه

اووووبس غير الاربعه مستويات اللي درسناهم في التحضيري ؟!!

[عبدالرحمن ال]

بالنسبه لمواد الانقليزي 3 مستويات ( 3 كتب )

كلهم في مستوى واحد ,, ويتكلموا على الاعمال والاداره بشكل خاص

مستواها زي مستوى التحضيري اذ1 مو اسهل .. مافيها ذيك الصعوبه

[fajer al-shehri]

اه اوكككككي جزاكم الله خير افدتوني كثيررر