كليه العلوم الطبيه التطبيقيه \ كليه الطب .. مُساعده !

[Bashaier.y]

السلام عليكم ورحمه الله وبركاته
عندي كم سؤال يادكاتره عن العلوم الطبيه والطب ..

أول سنه في العلوم الطبيه هل موادكم زي الطب ؟

يعني لو درست سنه علوم طبيه ورحت إبن سينا يعادلولي مواد ويحسبوني تاني طب ؟

هل يوجد تحويل من هنا إلى الطب البشري ؟ إذا فيه متى وكيف وهل أحد قدر يحول قبل ؟

وبس ^^

اليوم التسكين يطلع بس بأدور ع خطط إحتياطيه إن لاقدر الله =)

[Dr.candy]

وعليكم السلام و رحمة الله و بركاته ..

حبيبتي كل الكليات الطبية الخمسة
بتدرس مواد عامة في الطب ( التشريح - وظائف الأعضاء - علم الأمراض .. الخ ) في كل التخصصات الطبية
ولكن على حسب احتياج التخصص..

بالنسبة لتحويلك لابن سينااا ..
اعتقد عندهم اختبار تختبريه
و من جامعة لجامعة تختلف معادلة مواد و على اي اساس ..

و بالنسبة لتحويل بين الكليات الطبية ( عموما)
لازم تدرسي سنة كاملة و تجيبي معدل و تحولي من الاودس ..
ويامااا بنااات عملوهااا و حولو ..

[Bashaier.y]

المشاركة الأصلية كتبت بواسطة dr.candy وعليكم السلام و رحمة الله و بركاته .. حبيبتي كل الكليات الطبية الخمسة بتدرس مواد عامة في الطب ( التشريح - وظائف الأعضاء - علم الأمراض .. الخ ) في كل التخصصات الطبية ولكن على حسب احتياج التخصص.. بالنسبة لتحويلك لابن سينااا .. اعتقد عندهم اختبار تختبريه و من جامعة لجامعة تختلف معادلة مواد و على اي اساس .. و بالنسبة لتحويل بين الكليات الطبية ( عموما) لازم تدرسي سنة كاملة و تجيبي معدل و تحولي من الاودس .. ويامااا بنااات عملوهااا و حولو ..

يعني تعرفي أحد قد حول من علوم طبيه لـ طب بشري ؟
لو حولو كانو كيف ؟ أشعه ولا مختبرات ؟؟

ألف شكر إنك رديتي ^^

[ساااااارونه]

المشاركة الأصلية كتبت بواسطة bashaier.y يعني تعرفي أحد قد حول من علوم طبيه لـ طب بشري ؟ لو حولو كانو كيف ؟ أشعه ولا مختبرات ؟؟ ألف شكر إنك رديتي ^^

نسب القبول كل مالها بتزيد
ذحين وصلت نسبة البشري 97 والموازي 94
لو نسبتك قريبه منهم حتقدري ان شاء الله

صحبتي طلبت تحويل بس لسى ماطلعت نتيجتها

[Dr.candy]

المشاركة الأصلية كتبت بواسطة bashaier.y يعني تعرفي أحد قد حول من علوم طبيه لـ طب بشري ؟ لو حولو كانو كيف ؟ أشعه ولا مختبرات ؟؟ ألف شكر إنك رديتي ^^

على ايامناا كان فيه ..

و قدموو تحويل وكلو بس قالو ما ينفع لانو لازم يعملو معاهم مقابلة شخصية للي انقبلو قبل الدوام
عشان دا نظام الأعتماد الاكاديمي عندهم ..

بس تقدري تسألي و تقدمي تحويل اول ما تداومي ..

[Bashaier.y]

المشاركة الأصلية كتبت بواسطة ساااااارونه نسب القبول كل مالها بتزيد ذحين وصلت نسبة البشري 97 والموازي 94 لو نسبتك قريبه منهم حتقدري ان شاء الله صحبتي طلبت تحويل بس لسى ماطلعت نتيجتها

اها , طيب لاتنسي تبشرينا بإيش سار مع صحبتك ^^

شُكرا =)

[Bashaier.y]

المشاركة الأصلية كتبت بواسطة dr.candy على ايامناا كان فيه .. و قدموو تحويل وكلو بس قالو ما ينفع لانو لازم يعملو معاهم مقابلة شخصية للي انقبلو قبل الدوام عشان دا نظام الأعتماد الاكاديمي عندهم .. بس تقدري تسألي و تقدمي تحويل اول ما تداومي ..

أوكِ , إن شاء الله أسال أول يوم =)
مرا شكرا ^^

الله يوفقك ="

[dracula20100]

والله يا اختي انا انصحك انك تدرسي سنه في طبيه تطبيقيه وتجيبي معدل 4.5 او اعلى وان شاء الله يحولوكي لطب بشري

[Dr.Shaikhah]

وحده من زميلاتنا كانت تدرس معانا أشعه درست سنة وجابت معدل عالي وحوّلت طب =)

[Bashaier.y]

المشاركة الأصلية كتبت بواسطة dracula20100 والله يا اختي انا انصحك انك تدرسي سنه في طبيه تطبيقيه وتجيبي معدل 4.5 او اعلى وان شاء الله يحولوكي لطب بشري

إن شاء الله يارب

جزاكم الله خير ^^
تعطو الواحد أمل , الله يسعدكم