كلية الصيدلة في عبدالعزيز وأم القرى

[Muna B]

السلام عليكم ورحمة الله وبركاته

أنا طالبة سنة تحضيرية لسا مستوى أول
من مكة وحابة ادخل صيدلة باذن الله
بس ماني عارفة آخدها هنا ولا في أم القرى

سؤالي : هل الدراسة الصيدلية في عبد العزيز تختلف عن ام القرى ؟؟
وفي فروقات ، امتيازات ، افضلية في الشهادة والفرص الوظيفية ؟؟

لأن لو كان مافي اختلاف ولا افضلية يسير أدرس في مكة واختصر على نفسي مشوار كل يوم نازلة طالعة

ياليت تفيدوني جزاكم الله خير

[al-mawhiba]

وعليكم السلام ورحمة الله وبركاته
والله انا ما اعرف اذا جامعة ام القرى زينا ولا لأ
بس انا حساعد تعرفي امتيازاتنا وانتي حاولي تشوفي ام القرى

وهذا رابط فيه اجوبه لكل الاسئلة الي ممكن تخطر في بالك
http://www.skaau.com/vb/showthread.php?t=246538

بالتوفيق ان شاء الله

[غريب عزيز]

عندنا هنا لو دخلتي صيدلة بتكوني بنظام دكتور صيدلة مباشرة اما في ام القرى فيها نظامين صيدلة عادية ودكتور صيدلة

جامعة الملك عبدالعزيز هي اول جامعة بالسعودية تطبق نظام دكتور صيدلة وقريبا باذن الله بتاخد الاعتماد الاكاديمي هدي ميزة كبيرة بالتوظيف بعد التخرج إن شاء الله

لكن اتوقع عشان تدرسي صيدلة هنا لازم تعيدي التحضيري مش متأكد من هدي المعلومة

تحياتي ،

[Muna B]

مشكورين..جزاكم الله خير
نفس الكلام الكل بيقولي عليه

خلاص قررت أكمل وآخدها هنا ان شاء الله

أنا في عزوز سنة تحضيرية أساساً

بالتوفيق للجميع

[Rañdøm]

عبدالعزيز طبعا افضل من ام القرى أكاديمياً
وزي ما قال الاخ قريبا بتاخد الاعتماد الاكاديمي

[pharm.d .s]

انا افضل برنامج ام القرى بمليون مرا عن عبدالعزيز
كتير ناس ماتفضل الفارم دي ليش اضيع عليهم سنة هما ما يحتاجوها
اما الاعتماد الاكاديمي اعتقد راح يكون من كندا يعني من الاخر ما راح يفيدني انا بشي واغلب الناس لانو الغالبية تبغى تاخد زماله من امريكا
وفي الاخير وجهات نظر

[AL-Lord Sari]

عزوز افضل طبعا ,, انا كمان من مكة وكل يوم طالع ونازل وصابر لأنه عزوز افضل

[fdo ldo]

المشاركة الأصلية كتبت بواسطة pharm.d .s انا افضل برنامج ام القرى بمليون مرا عن عبدالعزيز كتير ناس ماتفضل الفارم دي ليش اضيع عليهم سنة هما ما يحتاجوها اما الاعتماد الاكاديمي اعتقد راح يكون من كندا يعني من الاخر ما راح يفيدني انا بشي واغلب الناس لانو الغالبية تبغى تاخد زماله من امريكا وفي الاخير وجهات نظر

ايش هوا الفارم دي دا

[pharm.d .s]

برنامج الفارمي دي الي هو دكتور صيدلي ستة سنوات
يختلف عن بكالوريس صيدله الي هو 5 سنوات
لمن تقول عن بنامج دراسة انو افضل لازم تقول لية مو افضل بس كدا
انت لمن تدخل كلية على اساس معين ولمن تجي تتخرج تلاقي كلام تاني مصيببببببببببببببببببببببببببببببببببببببببببببببب بببببببببببببببببببة
ما اقدر اقول الا الله يعينكم

[holmes]

المشاركة الأصلية كتبت بواسطة pharm.d .s برنامج الفارمي دي الي هو دكتور صيدلي ستة سنوات يختلف عن بكالوريس صيدله الي هو 5 سنوات لمن تقول عن بنامج دراسة انو افضل لازم تقول لية مو افضل بس كدا انت لمن تدخل كلية على اساس معين ولمن تجي تتخرج تلاقي كلام تاني مصيببببببببببببببببببببببببببببببببببببببببببببببب بببببببببببببببببببة ما اقدر اقول الا الله يعينكم

السلام عليكم و رحمة الله و بركاته...

دكتورة ممكن توضحي هذا الجزء ( انت لمن تدخل كلية على اساس معين ولمن تجي تتخرج تلاقي كلام تاني مصيببببببببببببببببببببببببببببببببببببببببببببببب بببببببببببببببببببة ) !!!
لأني أنا أنقبلت في الصيدلة و راح أبدأ دراسة صيدلة إن شاء الله الترم بداية الترم الجاي
فإنتي الله يجزاكي خير خبصتي أم الدنيا عندي بردك هذا ، فــ( بليز حاب منك إنك توضحي قبل يوقع الفاس في الراس ) !!