ابغى رايكم بدون مجامله

[ابراهيم ماغيره]

السلام عليكم

انا ملييت من الجامعة وابغى احول إلى جامعة مريحة وفيها تغيير مستمر وتطور لو سمحتوا ، مليت من الشمغ وقت الاختبارات وواحد يبيع اقلام بدون برايه علشان تشتري قلم جديد منه
ودورة مياه عزكم الله لازم كمام فل كامل وتشجير الارصفة يرثى له وانت مار من يمه يقول تكفى اسقني، ولون الاضاءة الابيض يذكرني بالمستودعات الاغذية او في بنده وبعدين الاضاءة ضاربة على لون احمر الي هو الشماغ وينعكس قوس قزح عجاجي لون غريب شوي يصعب وصفه ،ومليت من تعنيف وقمع الطلبه من اساتذة القسم وقت الاختبار وتجاعيد وجهه ونظرته الثاقبة عندما تقوم باي حركة يقوم فوراً بأخذ نصف لفه ووضع يده في جيبه كانه يحمل مسدس تحس انه ماهو استاذ علم اجتماع طيب وحنون

سؤالي وين الجامعة الي عكس ماذكرت فوق سواءً اهلية أو حكومية وممكن يعادلو ليه المواد ؟ مشكورين سلفاً

[عبدالله ابراهيم المسعود]

هلا اخوي
جرب تختبر مناطق لان كل الكلام اللي قلته مو موجود بالمناطق انا لي اربع فصول اختبر بالرياض وبالبدله او اللبس الرياضي حتى وشي جميل وتعاون مشرفين وحبوبين وكل شي يفتح النفس ومتعاونين الى ابعد حد حرام بقي لك شوي وتروح تغير وتبدى سالفة جديده لانك على ما اعتقد المستوى السابع والله حرام الصبر والصبر وانا اخوك وبيسهل ربك كل امر عسير

[ابراهيم ماغيره]

المشاركة الأصلية كتبت بواسطة عبدالله بن ابراهيم هلا اخوي جرب تختبر مناطق لان كل الكلام اللي قلته مو موجود بالمناطق انا لي اربع فصول اختبر بالرياض وبالبدله او اللبس الرياضي حتى وشي جميل وتعاون مشرفين وحبوبين وكل شي يفتح النفس ومتعاونين الى ابعد حد حرام بقي لك شوي وتروح تغير وتبدى سالفة جديده لانك على ما اعتقد المستوى السابع والله حرام الصبر والصبر وانا اخوك وبيسهل ربك كل امر عسير

هلابك زود وازود عاد تصدق ياعبدالله اني زمان في الجامعة واجلت اكثر من مره طيب ياغالي كيف اختبر في الرياض ؟

[عبدالله ابراهيم المسعود]

مع نزول جداول الاختبارات ينزل اعلان اختبارات المناطق بالاودس تدفع رسوم الف ريال بمعهد العالمية ويجيك رسالة يحددو الموقع وخلاص وريح راسك من الصداع

[عبدالله ابراهيم المسعود]

ومو شرط تختبر بالرياض مناطق عندك ( الرياض - الدمام - ابها - القصيم )

[توفي 2006]

غريبه انا لي سنتين اشوف الطلاب بي الجينزات والبدل يحضرون الاختبار ولا احد يكلمهم انا ماعمري لبست الشماغ اوقات الاختبارات اجي وراس مكشوف ولا احد يكلمني .....