َ[الحآسوبيين] هنآ نجتمع ~ 2014

[رفّات حُلم]

المشاركة الأصلية كتبت بواسطة انتِمَآء لمن جيت أسوي بحث شعب تبع الخطة الدراسية للثقافة الاسلامية طلعلي شعبتين بس ! وأوقاتها تتعارض مع جدولي يعني معقولة بس شعبين من 8 الى 9 وقتهم ؟! موحلو أبد ولمن سويت بحث شعب من أيقونة الحذف والاضافة الثانية طلعتلي شعب كثيرة وبأوقات مختلفة .. وفي وقت بناسبني بس لمن أسوي تسجيل بيقول إن فيه قيود ومدري عنه وماتنضاف والحل دحين = ( في أحد زيي

الثقافة اللي فيه بس شُعبتين للبنات ( طالبات كلية الحاسب ) وفيه شعب تانية لكليات تانية وحتى أنا تتعارض معايا
اللي حتلاقيها.. في فروع تانية، للاولاد وكدا ..
ما اعرف ايش الحل انا كمان =( .

[Nada.ir]

حتى انا عني تعارض في الثقافة الاسلامية ونفس الحالة عندي برمجة ومقدمة حوسبة في نفس وقت الثقافة ..يعني دحين الحل هما حينزلو شعب ثانية ولا نشوف اول يوم بالدراسة؟

[انتِمَآء]

^

نروح أول يوم دوام ونضيفها إن شاء الله = )

[mmm0777]

عندي سؤال :/
الحين سويت جدولي
احد وثلوث وخميس من 8 ليــن 2.20
سؤالي
دوامي بيكوني كذا ..اقصد ما ادوام اثنين وربوع ؟؟

[رفّات حُلم]

^

اذا ما كان فيه لابات أو شي في الاثنين والربوع خلاص أعتقد.
بس انت تأكد متلًا امسك البرمجة شوف اوقاتها المحاضرة والمعمل والسكشن،
امسك نظرية الاحتمالات وشوفها هيا واللاب حقها اوقاتها وكذا
لو كُلها احد وثلثاء وخميس خلاص اثنين واربعاء تأجِّز .

بالتوفيق.

[mosab11]

امممممممممممم

أنآ ككل المووآآد عندي (غير متاح التسجيل )

والحل ؟!

[Reem Mohammed~]

^
^
^
انتهى التسجيل المبكر
واذا ماقدرت تسجله الكتروني ممكن تروح عندهم تزبطه

بالتوفيق

[mosab11]

شـــكــــرا لكِ
بس ماعاد يفتح مررة ثانية ؟

[Reem Mohammed~]

يفتح قبل الدراسه باسبوع ويستمر الى بدء الدراسه

كذا جاوب وكيل الكلية بالنقل عن رفات حلم ^^

[أسرار سامي♥]

السلام عليكم ورحمة الله وبركاته ♡
مرحبا بالحاسوبيين و الحاسوبيات ♡♡
بما انكم تعديتوا مرحلة التحضيري و الحمد لله
سينقل الموضوع بعد إذنكم إلى قسم كلية الحاسبات
و بإذن الله هناك باقي أعضاء الكلية يساعدوكم♡
دمتم بخير و محبة ♡♡