ما اقدر اعدل جدولي ايش الحل

[muzzi]

السلام عليكم

اخواني انا نزلي جدول ودخلت الاوديس عشان اعدل وحذفت مادة وما قدرت ارجع اضيفها وبرضوا في مواد ما اقدر اغير الشعبه والان الاوديس مقفل التعديل

روحت الكلية قالولي مافي تعديل للطلاب الجدد في قسم القانون

ايش الحل انا جدولي مره ملخبط

[*MRMR]

وعليكم السلام ،،

الي قالك ذا الكلام يصرفك

روح بكره لموظف ثاني وعدل جدولك

[نواف النباتي]

من جد اتفق مع كلام اختي مرمر
الموظف حاول يمشيك من عنده
من يوم ماعرفنا الجامعة واحنا نعدل ونحذف بالمواد طالما الحذف والاضافة موجود
روح بكرى عند موظف ثاني وحاول فيهم

ترى الكلام اللي قاله لك مستحيل يصير

[iK6]

من جد اتفق مع كلام اختي مرمر الموظف حاول يمشيك من عنده من يوم ماعرفنا الجامعة واحنا نعدل ونحذف بالمواد طالما الحذف والاضافة موجود روح بكرى عند موظف ثاني وحاول فيهم ترى الكلام اللي قاله لك مستحيل يصير

ولله للأسف نفس الكلام قالوه لصاحبي اليوم، المستجدين بعد ثلاث أيام يأتوا والشعب على كذا بتكون إمتلأت،
صراحة مليت من تصريفاتهم، شهر كامل وهم يصرفونا يوم والثاني، والحين فتح الحذف والإضافة وبرضوا يصرفوا الطلاب.
وللأسف ما أعرف سياسة الشكوى هنا، وأعتقد أنها ستكون فاشلة للأسف.

[muzzi]

طيب ايش الحل دحين لان جدولي مره ملخبط محاضره في الليل ومحاضره في النهار ومحاضرة المغرب

[نايف العبدلي ^]

المشاركة الأصلية كتبت بواسطة muzzi طيب ايش الحل دحين لان جدولي مره ملخبط محاضره في الليل ومحاضره في النهار ومحاضرة المغرب

زي ما ذكرو الاخوان .. كالعادة تصريف !!

أشوف أنك ترتب جدولك والأوقات اللي تبيها وبعد كذا حاول انك تدخل على وكيل الكلية الدكتور محمد العثمان واشرح له وضعك وصدقني 100 % 100 راح يضيف لك المواد وبزبط جدولك ..

مهما رفضوك او صرفوك انشب لهم .. لانهم ما يجون الا بالنشبه !!


موفق

[نايف العبدلي ^]

المشاركة الأصلية كتبت بواسطة ik6 ولله للأسف نفس الكلام قالوه لصاحبي اليوم، المستجدين بعد ثلاث أيام يأتوا والشعب على كذا بتكون إمتلأت، صراحة مليت من تصريفاتهم، شهر كامل وهم يصرفونا يوم والثاني، والحين فتح الحذف والإضافة وبرضوا يصرفوا الطلاب. وللأسف ما أعرف سياسة الشكوى هنا، وأعتقد أنها ستكون فاشلة للأسف.

ما نقول الا الشكو لله سبحانه .. تروح رئيس قسم الانظمة والكلية الدكتور عبدالله العطاس وما تحصله تروح لوكيل الكلية الدكتور محمد العثمان وما تحصله تروح للموظفين الحذف والاضافة يصرفون عشان لا يتعب نفسه !!

ترسل شكو لعميد الجامعة عن طريق العمادة ما توصل له الا هي تقطعت في الطريق !! بترفع شكو وزارة التربية والتعليم العالي يردون عليك بعد ما تتخرج ..


نصيحة أخوية أشوف انك تمشي في السليم وحتى لو تشوف اي تهكم أو عدم مبالاة >> ( كأنك من شايف شئ ) هذا هو الحل !!


بالتوفيق

[iK6]

صبراً جميل والله المستعان،
رحت الكلية، زحمه إذا ما جيت من بدري، والأخ اللي عند باب غرفة التسجيل، جالس يقول لي وولله جالس يضحكني بكلامه معي، يقول أنتم المستجدين مالكم حق تعدلوا وتضيفوا من عندنا هههههه يقول أنتو العمادة تنزل لكم جدول جاهز،
الأغلب أنه شايفنا دلوخ عنده، لما كنت في التحضيري وأنا تحضيري، حذفت جدولي بالكامل وغيرت الشعب كلها.
وهذا هنا يصرفني بكل برود ويقول الأولوية للي ع باب التخرج، وطيب المادة حقتي اللي أول هيا في أول ترم ليا لو أخذوا هما الشعب حقتها، انا أيش اسوي؟


ولله شيبوا رأسي، خربت جدولي بسبب مادة الأصول والآن مو راضية تنضاف، ولو راحت الشعبة هذه بالذات، جدولي بيصير زبالة.

[نايف العبدلي ^]

المشاركة الأصلية كتبت بواسطة ik6 صبراً جميل والله المستعان، رحت الكلية، زحمه إذا ما جيت من بدري، والأخ اللي عند باب غرفة التسجيل، جالس يقول لي وولله جالس يضحكني بكلامه معي، يقول أنتم المستجدين مالكم حق تعدلوا وتضيفوا من عندنا هههههه يقول أنتو العمادة تنزل لكم جدول جاهز، الأغلب أنه شايفنا دلوخ عنده، لما كنت في التحضيري وأنا تحضيري، حذفت جدولي بالكامل وغيرت الشعب كلها. وهذا هنا يصرفني بكل برود ويقول الأولوية للي ع باب التخرج، وطيب المادة حقتي اللي أول هيا في أول ترم ليا لو أخذوا هما الشعب حقتها، انا أيش اسوي؟ ولله شيبوا رأسي، خربت جدولي بسبب مادة الأصول والآن مو راضية تنضاف، ولو راحت الشعبة هذه بالذات، جدولي بيصير زبالة.

مع احترام لشخصك الكريم .. أنا كنت موجود قال الطلاب المستجدين يوم الأربعاء والخميس يضيفون وما قال ما يحق لكم تحذفون وتضيفون! ! .. وتراه معه حق بالنسبة للي على وجه تخرج ..


وبالنسبة للمادة أصول الفقه .. في حال قفلت الشعبة والاكيد انها قفلت .. تراجع كلية الآداب لأنها أساساً من قسم الدراسة الإسلامية .. تروح توسع الشعبة وبعدين تراجع كلية الحقوق يضيفونها لك ...

أنا شخصياً بالضبط صار لي زيك بالنسبة لمادة الأصول وفي الأخير رحت وسعت الشعبة بعد ما نشبت لهم .. وهذا حال الحذف والإضافة .. معاناة معاناة لازم يكون عندك صبر وزي انت ما ذكرت ( صبراً جميل وبالله المستعان )


موفق

[iK6]

المشاركة الأصلية كتبت بواسطة نايف العبدلي ^ مع احترام لشخصك الكريم .. أنا كنت موجود قال الطلاب المستجدين يوم الأربعاء والخميس يضيفون وما قال ما يحق لكم تحذفون وتضيفون! ! .. وتراه معه حق بالنسبة للي على وجه تخرج .. وبالنسبة للمادة أصول الفقه .. في حال قفلت الشعبة والاكيد انها قفلت .. تراجع كلية الآداب لأنها أساساً من قسم الدراسة الإسلامية .. تروح توسع الشعبة وبعدين تراجع كلية الحقوق يضيفونها لك ... أنا شخصياً بالضبط صار لي زيك بالنسبة لمادة الأصول وفي الأخير رحت وسعت الشعبة بعد ما نشبت لهم .. وهذا حال الحذف والإضافة .. معاناة معاناة لازم يكون عندك صبر وزي انت ما ذكرت ( صبراً جميل وبالله المستعان ) موفق

بالنسبة لي انا ما قال لي أصلاً أجي الأربعاء أو الخميس حتى. وما قلت إلا كلامه معي. وضحكني لما قاله.
بس قالوا لصديقي أمس لما راح أنو المستجدين بعد ثلاث أيام، يلا نروح الأربعاء ونشوف أيش يصير.
وشكراً لذكر تجربتك عشان نحاول نعملها لو قالوا الشعبة إمتلأت.

بس أبي أفهم حاجة وحدة



مادة الأصول الآن ما تعتبر مسجلة، لأنها ما تطلع لي أصلاً في الإستعلام الشامل وإنما فقط في الحذف والإضافة ومسجلة وحداتها بصفر؟