اسئلة الثقافه الاسلاميه اسئلة تحدي

[ابوهمس]

انا مااقول الا حسبي الله ونعم الوكيل على من وضع الاسئله انا اتوقع ان الدكتور هذا يتحدى او في باله شي ياجماعة الخير المواد الاخرى رغم انها مواد حسايبيه اشوف ان اسئلتها واضحه واسهل بكثير من اسئلة الثقافه والله ياناس اول اختبار يصدع براسي ومن شدة الصداع اول ماوصلت البيت ربطت على راسي والله شوي وراسي ينفجر وفالنهايه الله يوفق الجميع لما يحبه ويرضاه

[مشاري بن سعود]

اخوي ابو همس هل انت ذاكرت صح الصراحه انا ذاكرت الماده امس واليوم بس واشووف الاسئله سهله صح فيه كم سؤال معقد شوووي لكن مع التركيززز يجي الحل وإن شاء الله اتوقع درجه كامله واتمنى لك نفس الشي اخوووي وبالتوفيق وإن شاء الله تعديهااااااااااا

[نبض الخفوق]

الاسئله مرهقه تماما

ويبي لها تركيز ومراجعة اكثر من مرهـ

ياشيخ رقبتي للحين تعورني من كثر ماني مركز نظري على الاسئله

لان اغلبها تحتاج انك تقراها وتتفحص الكلمات كلمه كلمه

المهم اني ظمنت بأذن الله درجه عاليه في هالمادهـ

الله يوفق الجميع

[نجوان الجحدلي]

بعكس الاختبار حلو صح فيه غموووووووووووض

لاكن مو صعب

[7oriah_ksa]

في تعمق شديد وتلخبط وتحير حتى لو الشخص مذاكر أنا مذاكرة كويس وفصفصت وبلعت الكتاب بس صراحة تفاجأت من الإختبار ولاحظوا بعد كل سؤال يكتب من المقرر يعني يقصدوا السؤال من جوة الكتاب مافي شي اخترعناه

[متفائل رغم الاسى]

بالعكس يابوهمس الاسئله جدا سهله انا مافكيت الكتاب وحليت الاسئله كامله ونقلت ثلاثه اشخاص كل الاجوبه

ان شاء الله 100% يعني a+

[نبض الخفوق]

المشاركة الأصلية كتبت بواسطة نجوان الجحدلي بعكس الاختبار حلو صح فيه غموووووووووووض لاكن مو صعب

هو فعلا سهل بس المشكله ان الاسئله ما توضح من أول مرهـ

يعني لازم تقرأ مرهـ وثنتين لحد ما توضح الصورهـ وفي بعض الاسئله لازم

تقرأ الخيارات عشان تستدل على الاجابه الصحيحه

المشاركة الأصلية كتبت بواسطة 7oriah_ksa في تعمق شديد وتلخبط وتحير حتى لو الشخص مذاكر أنا مذاكرة كويس وفصفصت وبلعت الكتاب بس صراحة تفاجأت من الإختبار ولاحظوا بعد كل سؤال يكتب من المقرر يعني يقصدوا السؤال من جوة الكتاب مافي شي اخترعناه

هو يكتب كلمة من المقرر

عشان ما احد يجي بكرهـ ويقول انا جاوبت الاجابه الفلانية لانها

جات في كتاب الشيخ فلان والعلامه فلان او المؤلف الفلاني قال كذا وكذا

لا هو يبغى يحدد كل شي بالمنهج المُقرر

[وجدي منصور]

والله يا جماعة الخير انا رحت من غير ما افتح الكتاب .. واشوفه سهل جدا وما يبغاله شي ..

بالتوفيق ان شالله للجميع

[jddawi]

انا وكلت امري لله قبل الاختبار, وطلبت من الوالد والوالدة الدعاء
كل الاختبارات السابقة ( ان شاء الله ) اعديها
لكن هذا الاختبار انا شاك فيه ، اسأل الله العلي القدير النجاح في هذي المادة
انا خلصت اول واحد في القاعة،، ليه ؟ كل الأسئلة قريتها ولا حظت ان مافي امل اجاوبها فأخترتها بالتخمين، وانا من الناس اللي ما احب اغش نهائيا مدري ليه.
وبعدين وش قصت : كل شيء ،، لا شيئ مما سبق ،، فقره أ و ب.
اغلب الاسئلة زي كذا ::: لا بعد خمس اختيارات، يعني نسبة الصح تكون 20% بالتخمين
والاختيارات كان ملخبطة للأجوبه بشكل كبير، حتى اللي اعرف اجابتها بديت اشك فيها

تمنيت يكون سهل الاختبار لانه اخر اختبار والشباب يبون على الاقل ينبسطون

ما اقول غير ان الله يوفق الجميع

[AL-AOLANI]

اما مذاكر امس وتحسها سهله قسم انها قوية
انا مذاكر الماده قبل شهرين وحاضر جميع دورات السنترا وحسها متوسطه

عاد شكل عندك عقلين ماشالله تبارك الرحمن
اما الاسئله فيها لخبطه وحوسة جايب مواضيع متشابهه يعني الي ماقرا صح بيلخبط

ومن ناحيه اخرى وارجو اني غلطان لاحضت ان قبل كل اية قرانيه مكتوب صلى الله عليه وسلم بدل بسم الله الرحمن الرحيم هل حد لاحظ في النموذج د هذا الشي ولا لا لاني حاولت اركز ماش الخط صغير
عادا اذا صحيح ليتهم ركزو على هذي مو على الاسئله كيف يبجونها صعبه