فقط لاصحاب الf الحمرا ...........

[بيو كيميائية ^_^]

المشاركة الأصلية كتبت بواسطة dr-a كندر من جنبها أصير دكتوره بصير جلكسي ( سيم يو باf ) راحت علي والله أحس غصه بحلقي ومو راضيه أسوي شي من الفجعه احس نشف دمي يوم شفتها ..

لا أنتِ بعد

هذي مادة زفته ومأساويه

ويارب تطلعي ناجحة يارب

وربي يكتب لك الخير يارب

[بيو كيميائية ^_^]

المشاركة الأصلية كتبت بواسطة the~dark~side الله يعطيك العافية والأحياء أخس مادة مرت علي لكن الله يعيين أهم شي عندي إن الفيزياء والرياضيات جبت فيها درجة كويسة والحمد لله على كل شي والهندسة بإذن الله راح أدخلها والله يوفقك ويحقق أمنياتك

الله يعافيك

يارب الله يسمع منك

الحمدلله أهم المواد تبع الهندسة جبت فيها عدل

يعني حرام مايدخلونك عشان أموات بالله ايش دخلها في الهندسة

إن شاء الله راح تدخلها وتنجح في المادة الكريهه دي

أنا كنت أحبها بس الحين أكرهها

وربي يوفقك ويدخلك هندسة ونشوفك مهندس اقد الدنيا

والله يعينك على الغربة ويصبرك

[جالكسي22]

عن جد شي يقهر بس اش نسوي مابليد حيلة
مالنا غير الله ينتقم لنا منهم

[دحوومي جدة]

هههههههههه


والله كلنا في الهوى سوى

مو بس انتا او انا شباب كثيرين ايام الثانوية شطار بس من دخلوا الجامعة الــ f صار زي سلام عليكم

انا في الثانوية ماكنت اشيل هم النجاح لأني ضامنه كنت اشيل هم المية والتسعين

بس في الجامعة اتمنى اني اشوف الستين في بعض المواد !!

احنا مثل ماقلت مذاكرة بنذاكر .. حضور بنحضر مع الرغم في الدكاترة مايحضروا ...



ومقدر ومكتوب عزيزي

يعطيك العافية ،،

[asma'a]

المشاركة الأصلية كتبت بواسطة اووه ياسعودي ياجماعة كيف تعرفوا المعدل الكلي ؟؟؟؟

أخوي ادخل الأوديس.. واضغط على احسب معدلكـ تجريبيا..

وراح تنفتحلكـ كل درجاتكـ.. امسح وحدة منهمـ..

مثلا انقلش 83..
امسحها وارجع اكتبها ثاني 83..

وراح يطلعلك معدل السمستر الأول.. والمعدل التراكمي تبعهـ..
وتحت راح تلاقي السمستر الثاني والمعدل التراكمي الكلي للترمينـ..

ان شاء الله اكون أفدتكـ..ِ..
دمتـ بخير..~..

[سيده ملعقه]

اهئ اهئ حتى انا عندي f في الاحصاااااااااااااااااااااااااااء الله ياخذه
انا مدري هذي الماده كيف يعني نحل ونطلع من الاختبار مبسوطين وفي النهايه ننصدم بالدرجات
انا مدري ليش نص دفعه خطه ب راسبين في الاحصاء البلا مننا ولا منهم

[marinegeo]

بكره تتعودو على f

هههههههههههههههههههههه

قولوا آمين ان شاء الله ماعاد تشووفوه

شدو حيلكم

[Roxy]

انا كنت متأكده ميه بالميه من نجاحي بالكيميا

زاكرت بأجتهاد و الكل شاهد

و اخدت f و اتحطمت و بكيت و بكيت و صرخت و بطلت اكل

مع اني كنت متأكده من نجاحي ..

قدر الله و ماشاء فعل عاد ايش نسوي

بس بكره رح اروح عند استاذة الكيميا اطلب اني اشوف ورقتي ..

[mermaid]

والله انا نفس حالتك وعندي مادتين f

في البدايه انصدمت بقوووووووووووه طبعا اول مره ارسب في حياتي ومادتين مره وحده ؟؟!!

وزي ماقلت كنت بحضر المحاضرات وفاهمه كل شي

بس في الاخير تعرف انو هذا من ربنا والحمدلله راضيه فيه امكن يكون خير ليا ...

والفشل هوا اول خطوه للنجاح ومافي اي انسان يكون طول عمرو ناجح اصلن ماتحس بطعم النجاح الا اذا فشلت ورجعت حاولت

ومو معناتو ازا رسبنا انو احنا فاشلين لا بالعكس مفروض مافي شي يخلينا نوقف او توقف طموحاتنا

والله يوفق الجميع

[east flower]

أنا للآن ماني مستوعبة انو عندي F
كل شوية ادخل الـ odus أشوف أقول امكن غلطو وحيغروها
أختي وأخوية اللي أصغر مني كلهم بيقولو أمال اش كنتي تسوي وانت ماسكة الكتاب وراجتنا ماتبي ولا صوت في الأخير مانجحتي مع انها بس مادة لكن منجدددددددددد انصدمت كل ما افتكر ابكي حراااااااااام وغير درجاتي التانية ولا درجة راضية عنها لأني عارفه اني تعبت وسهرت وفي الأخير انظلمت لكن ما أقول غير حسبي الله عليهم ألف مره ومره الله يكتبلنا جميعا اللي في الخير