اللبس في الجامعه بصراحه

[Luis Network]

المشاركة الأصلية كتبت بواسطة yahya1500 انتي شكلك من الشلة،،،، ومبسوطه بعد ،،،،،،،،،هههه الحمدلله اهل العقول براحه ،،، الحين احد يطلع .................... تقولين عادي ،،، سلامات ،،،،الله يعوضنا بخير

Enta Shklak Mrrrra
FFFFAAAAALLLLAAAAA !!!

C YA & ARRIVEDERCI ^_^

[jef619]

soma al7elwa+luis network

انا مع الاثنين دول

وخاصة كلام لويس في الصميم

[yahya1500]

المشاركة الأصلية كتبت بواسطة luis network enta shklak mrrrra ffffaaaaallllaaaaa !!! c ya & arrivederci ^_^

يا اخي خبط عربي علشان نفهم

[soma al7elwa]

المشاركة الأصلية كتبت بواسطة yahya1500 يا اخي خبط عربي علشان نفهم

ههههههههه

طيب حان دور المترجمة سوما p=

"انت شكلك مرررررررا فللللللللللله

اشوفك "

وشكلك كمان مافهمت الرد اللي كتبو اول

" هيي ياجماعه

كل واحد جالس يتكلم عن الـlow waist " اللي هو البنطلون اللي خصرو نازل"

يا جماعه لو سمحتو

بطلوا تتكلمو عن دول الناس من دي الزاوية

الناس مو بلبسها يا بشاوات

ياما في ناس لابسة بس قليلة الرباية

وياما ناس شالحة

بس محترمين اكتر من بعض اللي لابسين

وزي ما قالت سوما

كل جيل عندو ستايل" يعني اسلوب لبس" خاص يميزوا عن غيرو

وبعدين للي يقول انو لازم يفرضوا التوب على الاولاد

اقولهم :

سسسسسسسسسسسسسسسسسسررررررررررررررررووووا

انت لما تطلع وتدرس خارج المملكة

مافي احد يجبرك تلبس لبس معين

وبعدين لو شفنا كل الشباب اللي بيدرسوا خارج المملكة

ترى مافي ولا واحد لبس توب

لييييييش ماقلنا قلت ادب؟؟

ولا اللبس دا يتلبس في جامعات تانية حلال وهنا حرام؟؟

وبعدين انتو ليش بتقولوا اللبس دا لازم يتمنع؟

اللبس دا ساتر لعورة الرجل

يعني حلال

فلا تجلسوا تحرموا ما احل الله

قال تعالى
{يا أيها النبي لم تحرم ما أحل الله لك تبتغي مرضات أزواجك}

وبما انو ساتر للعورة فهو حلاااال

وبلاشي افتاء انت وهو وهيا

لكن زي ماقالت سوما لكل مقام مقال

لو بسنا جينز عادي

فانا شايف انو مافيها شي ياجماعه

بس لو كان طيحني او مهما يكون

اشوف انو مو مكانو الجامعه

لكن خارج الجماعه

الناس ازواق وكل واحد حر فلبسو

إذا << ماني عارفة اترجمعها بشكل تاني

بطلو تتكلموا عن لبس الأشياء دي برا الجامعه

وركزوا كلامكم داخل الجامعة

وازا البنات يبوا الاولاد يلبسوا تياب

احنا موافقيين ازا رضيتوا بالمراييل "

منجد كلام مررررررررا جيد يا لويس

الله يسعدك يارب

[wan]

i agree with Soma & Luis

Come on Guyz we're now in 2009

فتحـو عقولكمـ شويــآ و بطلـو الكـلمـآت التـآفهه البذيئه إللي إنتو مخترعينها ( طيحني و بابا اسمحلي و مدري ايش )
طيحني على قولتكم إسمو low waist

المـهم .. ما أزيد على كلام البنات بس للتأكيد يعني
رووحو شوفو ستايل الـ 80 و الـ 70
كان جيل لهم ستايل شعر و لبس معين
و إدا ع الشعر المنكوش يالقراوهـ فدا مجرد ستايل ... أبصم بالعشرهـ إنو أبهاتنا كانو بيعملوها زمان
يعني شي مو جديد أبداً .

تبغــوهم يفرضو عليهم لبس التياب ؟

من جد ( ســرررررروووا )

ليش رايحين فرح و لا عزا

بالله فكو أدمغتكم شويا ... الشعب السعودي لازم ينضف من دي العقليات السطحيه
الناس سارت تخترع و تعمل أبحاث و أحنا طيحني و كعبلني ..

من راقب الناس مات همـاً

و بالنسبه للبنات أنا أشوف إن البنطلون أستر ... لأنولو فرضاً سارلها حادث لا سمح الله .. رح تنكشف و انتو عارفين الباقي ... و غير كدا الجامعه متعبه و كبيره مره صعب التحرك بـ تنوره

ع العموم أنا أحس نفسي بأنفخ في قربه مشقوقه



ياربي متى يصير الشعب السعودي Open mind >> مافي أمل

[super girl]

على فكرة .. المغزى مو من الستايل او الشكل نفسه
المغزى بالمعنى .. وذا تعليق ع رد الي فوقي ..
خلينا صريحين مع بعض وقولي لي ايش معنى بنطلون الوويست والي يبين الأندروير .. ؟
بأمريكـا ودول اوروبـا الي يلبسونهـا .. وعذرا ع الكلمه .. لكن شواذ
عمومـا الموضوع مو كذا وبس
صرنا مانلقى بناطيل عاديـه .. بالمولات والمحلات
كلهـا لو ويست .. ليه طيب

[soma al7elwa]

حبيبي super girl

انتي ما قد سافرتي برا؟

ياستي مو ضروري تكوني سافرتي برا

ماقد اتفرجتي عالتلفزيون ؟؟؟

دحين بالله عليكي

كوووووووووووووووول دول اللي بالـlow waist شواذ؟؟

على كدا الناس الطبيعية صارت تنعد عالاصابع

انتي فكري معايا شوية

كل ما طلعت حركة جديدة باللبس ولا بالشعر قالوا انو الناس اللي ماهم كويسة هي اللي بتسوي الحركة دي

صح ولا لا؟

ومالو اي معنى

مجرد انو حركة جديدة باللبس طلعتها شركات الجينز

وبعدين انتي قلتيها بنفسك

بان الاندر وير

والاندر وير بيغطي اللي تحتو

فمافي أي مشكلة

وازا برضو مو مقتنعة لا تلبسيه انتي

لكن مافي داعي نفرض رأينا عالناس التانية

[wan]

رد سوما كافي و وافي

تبغوا تلبسوا بناطيل توصل لحلوقكم بكيفكم بس لا تفرضوا رأيكم على الأخرين
و اللو ويست ماهو حكر ع الشواذ .. ترا مره الكلام دا غلط يعني بالله لو رحت مثلن في بلد أجنبي و لبستو
رح يقولوا عني شاذه ... نو وييييي

و إنتي قلتيها بنفسك صرنا مانلقى في الأسواق غير اللو ويست لو إنها حقت شواذ كان ماصنعتها الشركات و الماركات
العالميه و الغير عالميه ... كان يمديها في ماركات تنعد ع الأصابع .. كان ماحصلناها في ملابس الأطفال حتى

متى تفهموا إنو لكل فتره زمنيه لبس و ستايل معين .. حتى العصر الحجري كانو يلبسو خرق
و الأغريق و اليونان كانو يلبسو زي التياب و كم ايوا و كم لا ...> يعني هدول كانو غاويين اغراء و مسخره بالله ؟ ليش محد تكلم عنهم
و زي ماقولت قبل كم سنه كانت طالعه البناطيل إللي من تحت واسعه
و كان الـ Afro و الشعر الكبير راااااااااااائج ليش ما قالو وقتها شي ..؟
وبالنسبه لـ اللو ويست إللي بيبين الأندر وير .. ( مررررره )
دا يسمحلي يا إنو مسكين البنطلون واسع عليه ولا انو يستعرض و فاهم غلط

احنا بنتكلم عن اللو ويست المعقول .. الصحيح

المهم أنا عني و برأيي أتمنى يجي اليوم إللي أشوف فيه الشاب السعوي متأنق .. بلاشي التوب في كل طلعه و إن ضربت الحمى و سار يبغا يتشيك لبس ترنق أبو خط و تي شيرت برشلونه

أقل شي نحسن مظهرنا أمام الشعوب الأخرى إللي ماخدين فكره عن السعوديه إنها صحرا و خيمه و جمل

ملاحظه : أنا مو ضد التوب بالعكس مره أحب شكلو على الرجال بس في المناسبات و ما شابهها

[soma al7elwa]

المهم أنا عني و برأيي أتمنى يجي اليوم إللي أشوف فيه الشاب السعوي متأنق .. بلاشي التوب في كل طلعه و إن ضربت الحمى و سار يبغا يتشيك لبس ترنق أبو خط و تي شيرت برشلونه

ههههههههههههههههههههههههههههههههههههههههههههه

والله حمووووووت من الضحك

ههههههههههههههههههههه

منجد بالله كيف اشكالهم؟؟؟

وياريت التي شيرت الاصلي الغالي

لاااا

التي شيرت ابو 15 ريال

خخخخخخخخخخ

ياعيني يا خطيرة ياقوية يا رنو

يا كدا البنات يا بلاش

[ماجد الفاقد]

soma al7elwa+رنوـو الخطيرهـ

ماشالله عليكم متفتحين مره

عاد لا تنسونا اذا طلعت موضه جديده ولا شي

لازم تعلمونا علشان نواكب العصر وننسى لبس الثوب والشماغ

ولا اقول لكم ننسى اننا سعوديين بالمره