النظرة الشرعيه للولد مو لأمه‏

[خـ ج ـل]

وين المشكله إذا أم الولد شافت البنت قبل ولدها ؟؟؟؟؟

[عسل جداوي]

مافي مشكله
ودا هوا العرف
عمرنا ما سمعنا انه الولد يجي يشوف كدا من الباب للطاقه
اصلا مايشوفها الا ونحنا قيدنا موافقين عليه
لا ومحددين موعد الملكه
يعني بس شكليات لا اكتر ولا اقل

[soma al7elwa]

حبيبتي العسولة

كيف توافق البنت عالولد وهي ما شافتو ولا اتكلمت معاه؟؟

على اساس سمعتو يعني؟؟

طيب كيف تضمني من سمعتو انو شخصيتو وشكلو زي ما تتمنيه انتي ؟؟؟

على أي اساس توافقي عليه؟

مسلا بابت البنت يجيها يوقلها ترى فلان الفلاني اتقدملك وسمعتو كويسة وسألت عنو فشغلو وكزا وكزا

تقوم ترد طيب يا بابا انا موافقة

خلاص على بركة الله الملكة الخميس الجي

بس خليه يجي يشوفك

كدا بيصير ولا كيف؟؟

انا مو فاهمة

طيب على فرض ما عجبتو البنت ولا هوا ما عجبها

على اي اساس يصير الموافقة وتحديد الملكة؟

الشوفة من الاساسيات في الخطوبة ياقلبو مو شكليات