حصريا : كل ما يخص كلية الطب & الهندسة .. نبذة شاملة

[طالب طب في المستقبل]

- هل فكرت ولو لمرة واحدة انك تترك الطب ؟؟ بصيغة اخرى لو رجعت لك ايام التحضيري هل ستختار كلية الطب ام لا ؟؟

لا.. وماراح افكر إن شاء الله... ولو يعود فيني الزمن ماراح اختار الا كلية الطب ...

لانه حلم حياتي بكل بساطه ...

2- كم عدد الطلاب الي سحبو من كلية الطب هذي السنة ؟؟ وما هي الأسباب ؟؟ وفي اي كلية ذهبو ؟؟ << طبعا حسب علمك

والله ماادري لكن انا اعرف واحد كان من اصحابي وسحب من الكلية عشان هوه رغبته هندسة لكن قال اجرب
وبالفعل ما ارتاح في الكلية والحين في كلية الهندسة حول بعد ممكن شهر من الدراسة ...

والحين انا اشوف طلاب كانوا يحضروا معنا الترم الاول والترم الثاني ماعاد اشوفهم

3- هل لازم طالب الطب يذاكر يوميا حتى في الويك اند ؟؟ وكم ساعة تتطلب المذاكرة في المتوسط ؟؟

بالنسبة لي انا والله مذاكرتي مي ذاك الزود مذاكرتي اقل من عاديه كل يوم سهرات وطلعات مع الشباب ...
لانه الواحد يتعب من الروتين ... انا اذاكر قبل الاختبار با اسبوع اضغط على نفسي ... وهذا اللي انا اسويه مره غلط لانه اثر على درجاتي في الاخير... لكن الحمد لله كانت درجاتي نوعا ما عالة مقارنه بالطلاب الثانين ...
لاني اعرف طلاب معدلاتهم 5 في التحضيري وراسبين عندنا في الكلية ....

وعلى فكرة الرسوب شي طبيعي في الطب ...

بالنسبة لساعات المذاكرة في اليوم تكفيك ساعتين .. واحسها مره كثير ..


بالتوفيق اخوي


واي سؤال لايردك الا الكيبورد