Gee test

[jode2008]

شوفوا هي تعتمد على مهاره اكثر من لغه .. يعني لازم تقدروا تركزوا بالاستماع زين وتلقطوا الاجابه وتسجلوها قبل ما تبدأ الثانيه , هم يعطوا وقت بين كل واحده ثواني يعني مو كثير .
يعني لازم انتباه كبير لأنه سرحان مره يضيع عليك اللي بعده , وإذا توقفتوا بواحده الشريط مابيوقف ينتظركم !! لا هو مكمل ومسجل هي المراقبه ماتسوي شي , يعني مضبطه المحادثات بالترتيب وبالوقت بين كل واحده والثانيه.
واحده قالت بمنتدى ثاني عن اختبار مشابه نصايح منها إنه اذا تقدروا تقرأوا المطلوب بالفقره قبل تسمعون المحادثة بس هالشي يبيله سرعه.
ثاني شي جزء القرامر اللي اذكره كانت جمل وهم حاطين خط على كلمه وتكون غلط وحاطين تصحيحات طبعا حسب القرامر تنحل , نسيت اذا فيه نوع اسئله ثانيه بالقرامر.
وجزء القراءه أطول جزء قطع كثيره والوقت مايكفي يعني تبدأ الحل وبعدين عشان الوقت تحلون عشوائي .. اللي يقدر يحل بسرعه أفضل , يمكن لو تقرأوا المطلوب بالفقرات قبل تكون أسهل !! انا لانه كان اول مره فما سويت كذا وكان اغلبها عشوائي .
أصلا مانتبهت للوقت وقلت الافضل اظللها كلها على عدد الاسئله وبس .
عن نفسي ماجبت الدرجه المطلوبه , وهالشهر بقدم اختبار والله يكتب اللي فيه الخير ويوفقنا أجمعين .
فيه مواقع خاصة باختبارات الانقلش والتوفل جربوا فيها وان شاءالله تستفيدون.
أي معلومه أو موقع تعليم انقلش بساعدكم فيه .. موفقين يارب