استفسار عاجل عن خطوات مابعد الانتظام والتخصيص

[عبير منشي]

السلام عليكم.

يا ليت احد يساعدني الله يسعدكم .

انا انقبلت في الانتظام. جات نتيجة معاملتي ورسلوها للفيصلية ع الكمبيوتر لكن رفضَت الموظفة تخصصني اليوم عشان ماوصلت لها القبول على شكل ورق! تقول مايكفي ينزل في الكمبيوتر لازم يجينا ورق المعاملة حقك مع ورقة المعروض اللي فيها توقيع العمادة. وهذي حسب كلامهم احتمال السبت توصل !

رفصَت برضو تخصصني ! رفضَت تكمل لي أي إجراءات رغم انها كانت تتحجج بعدم دخول المعاملة للكمبيوتر تبعهم ورحت السليمانية بليموزين خليتهم يحولوا المعاملة قدام عيوني و تم .

ورجعت الفيصلية بليموزين عشان ابلغهم ان المعاملة وصلتهم واني ابي استغل الوقت في إكمال أي إجراءات لأن الدراسة بدأت خلاص و رفضوا للسبب اللي فوق.

السؤال الآن :

1- انا تعبانة كل هالتعب واليوم تقريباً اغمي علي عندهم في المكتب جاتني ضربة شمس من المشي اربع مرات لمبنى القبول والتسجيل فأقل من 5 ساعات .و كل هذا اتحملته عشان الإنقليـــزي ..
باختصـار الدراسة في الجامعة بالنسبة لي = الإنقليزي .

ايش اعمل لو رفضوا السبت رفض قاطع يخصصوني انقليزي بحجة انه خلاص رئيسة القسم وراها اشغال غيرها ومستحيل تعيد الاختبار حسب كلامها. ايش اعمل ؟

2- ايش الخطوات اللي بعد كده ؟ ما أعرف ولا شي يا بنات. محتاجة أحد يشرح لي خطوة خطوة..

لو ثبّتوني كمنتظمة ايش مفروض اعمل ؟ فين اروح ايش الاجراء اللي اسويه ؟

و هل الحذف والاضافة للمواد لازم ادور على كل معلمة مادة و اضيف عندها و توقع لي ؟!!

يعني مافي تضبيط جدول للمنتظمات من النت ؟

لو مافي .. كم تاخذ اللفلفة على المعلمات علبال يوقعوا لي ؟ يوم كامل أو يومين أو كم ؟

الله يوفقها اللي تشرح لي تراني لوحدي وما عندي ولا أحد يفهّمني.