حااايس بالأحيااء><

[Bayan alsaud]

وعليكم السسلام ،

السلايدآت مافي وقت تحفظها كلها صم بس اغلب الباب الثاني والثالث فهم تحس نفسك تدرس كيميا واشياء مكرره

*زي لو كان المحلول يحتوي على عدد الهيدروجين اكبر من عدد الهيدروكيد فيكون محلول ......

من زمان فاهمين ان محلول acid حمضي

*وجزء المونيمر والبوليمر عن طريق نزع الماء واضافة الماء دي برضو فهم لو جانا في السؤال تكسير روابط نختار اضافة ماء ولو ربط جزئين مونيمر نزع الماء تختار

يعني الفهم ما يحتاج حفظ بالنص عشان ماتضيع وقت ،

اما بالنسبة لجزء الحفظ عندك 4 طرق للحفظ وانا اقول تستخدمها كلها سوا عشان تركز المعلومه

*اقرا بصوت عالي ( بتكرار النطق )

*السمع ( تكرار السمع ) يعني عيد وزيد في الكلمه بصوت مسموع مو في نفسك

*الكتابه اكتب الكلمه الطويله في ورقه كدا مره

*الرسم ودي حاول انك تبدا فيها وتطبق الطرق ال3 وانت ترسم

لو قلك غشاء الخليه يكون فيها .... تسمى .....

ارسم دائره واعتبرها الخليه على طرف الدائره (غشاء الخليه ) غمق شويه بالقلم واكتب الاسم

طبعا مو رسم مرتب عشان الوقت

على نفس السلايد في الطرف حتى لو خبيص بس راح تفيدك مرره دي الطريقه وخليها للاشياء الصعبه

حتى وقت المراجعه لما تشوف الرسمه راح تفتكر الي فهمتو

....

بالنسبة للـ 20 سؤال مهمه ودي تضمن 10 درجات

يجي منها 10 اسئله نفسها بالنص واحنا جاتنا بنفس ترتيب الخيارات بس لاتعتمد على الترتيب احفظها احسن

وتراها بدل البونس دي السنه

يمكن انت محمل السلايدات من قبل ماتنزل الاسئله

ارجع حملها تكون موجوده قبل المصطلحات الي في اخر السلايد

...

مستغربه تسأل اليوم واختبار الاحياء عدا ><!

المهم بالتوفيق ..