شكر خاص لاستاذه نوره الحمودي الله يسعدك دنيا واخره

[لـ صمتي حكاية]

السلام عليكم ورحمة الله وبركاته
/
كتبت هذا الموضوع عشان اشكر الاستاذه نوره الحمودي على وقفتها معانا
وتواصلها المستمر معانا اول بأول وانها تحاول بكل جهدها تسهل علينا المواد لكن للاسف في بنات مع احترامي للجميع مايستاهلون احد يتعب معاهم ويساعدهم
يعني بعد كل تعب الاستاذه معانا وهيا موش مجبوره انها تساعدنا ولو سوت زي باقي الاستاذات وقالت ذاكرو الكتاب كلو محد بيقولها شئ
لكن هيا ماقصرت معانا بشئ واخرتها يجوون بنات يقولون ( وبعدين يعني .. انتي لخبطتينا.. الخ) اش الاسلوب هذا ؟؟؟؟ ومع استاذتك كمان ؟؟؟ جد شئ يقهر مع انو الكلام موش موجهه ليه لكن شئ يزعل انو وحده تتعب معانا فالاخر عشان لخبطت الجامعه تجي تلقى طالباتها يقولون لها كلام زي كذا ؟؟؟.. لكن للاسف الطالبات اللي زي كذا ماينفع معاهم الا انو الاستاذه تقول ذاكرو من الجلده للجلده عشان يعرفو قيمة الاستاذات المتعاونات مع الطالبات ..
وانا شخصيآ اعجز عن شكر الاستاذه في اللي قدمتو لنا الله يسعدها دنيا واخره ويوفقها ويسهلها كل امورها وامور من يعز عليها ...
.. كلام بنفسي وحبيت اقوله ..