بالنسبه لي ماراح افيد احد لو يرسب + نصائح

[ابو مهدي 11]

السلام عليكم

اسعد الله صباحكم بكل خير

أولا ابشركم انا تخرجت والحمد لله واشكر كل من شارك بالمنتدى بمعلومه تخدم الطلاب

وثانيا ابارك للناجحين والمتخرجين

ثالثا من حمل ماده فلا يحمل هموم الكون ... واعقد العزيمه وبإذن الله ستتجاوزها

رابعاً الطلاب المنتسبين الجدد لكم مني كم نصيحه اخذتها من خبرة 10 سنوات بالجامعه

والله ليس كسل مني في تأخر التخرج ولكن ظروف منها عائلي ومنها عملي ومنها ( مالي )


وللعلم درست سنتين بكلية الآداب وتركتها والتحقت بكلية الاقتصاد من جديد مع معادلة بعض الساعات اللي مافادتني كثير بالتقدم

يعني تقريبا 6 سنوات فعليه دراسه بدون رسوب او حمل ماده وثلاث سنوات تقريبا مابين اعتذار عن ترم ومابين طي قيد

وبالمناسبة طي القيد لا يعني نهاية الطموح ( راجعتهم وخلال 5 دقايق رجعوا ملفي )


أولا انصحكم باحتساب الاجر في مسيرتكم العلميه امتثال لقول الرسول صلى الله عليه وسلم ( اطلبوا العام من المهد الى اللحد ) يعني انت الربحان ( تعليم وشهاده + ثواب )

ثانيا شد حيلك من بداية الاترام ولا تقول يارجال اهم شي نجاح وخلاص << الكلام هذا غير صحيح وغير مفيد

حاول بقدر المستطاع وبقوه ان ماتحذف ولا ترم ولا تعتذر ولا تفوت اختبار واحد

العمر يجري بدون ماتدري وكل تأخيره بالجامعه مضره لمستقبلك واهمية شهادتك

لا تبخل على نفسك بالاختبارات ( اللي ماتفهمه خذ مدرس خصوصي وعطه المطلوب ) اذكر مادة الرياضيات كنت متحطم منها وفاقد الأمل لقيت مدرس قال الساعه بـ 500

عطيته وكان شاطر ويستاهلها وجبت 95 من 100

حاول بقدر المستطاع التركيز بشكل كبير على نماذج الاسئله السابقه

وتأكد ان المكتبات يسوون نماذج اسئله من عندهم متوافقه مع الملخص حقهم ويقولون هذي حقت الأعوام السابقه !!

دقوا خيامكم في هالمنتدى تراه ممتاز وشامل وتلقون كل شي فيه

وعسى الله يوفقكم


========

نقطه مهمه :

لا تسوون مثل بعض الناس الحين
كل يوم واحد منزل موضوع جديد ومشغل خلق الله عشان يجابونه على سؤال موجود بالمنتدى من فتره طويله ومكرر

مثل اللي يسألون عن تاريخ الوثائق !!

بتقويم الجامعه موجود وموجود بالمنتدى كثير بمواضيع

لكن سمو الشيخ مايحب يتعب نفسه ويبحث


الزبده : ابحث بنفسك لانك لو جاوبتك اليوم بتتعب بكره


تذكر ( من غشنا فليس منا ) لا تغش بالاختبار وخل توكلك على الله سبحانه حق التوكل وصدقني تنجح

ذاكر من بدري وتابع الدورات بالموقع وانت في بيتك


=========



الجامعة سهله جدا واختباراتها سهله

وتمشي السنين كلمح البصر



بالتوفيق للجميع